2012年11月30日 星期五

天然玫瑰保濕產品新成員!



電視台甜姐兒Suki 徐淑敏相信大家不陌生,最近她創辦了天然護膚品牌SÈVE

SÈVE嘅命名係源於法文「植物精髓」,就知道SÈVE嘅產品係幾咁天然。

SÈVE現階段必須係網上訂購,入手前不如睇下我嘅試用報告岩唔岩你?^^



今次試用嘅體驗套裝分別有保濕泡沫潔面粉 (HK$280@20g),附上潔面起泡網方便使用、白玫瑰花水 (HK$380@110ml)皇牌修護精華 (HK$580@35ml)



 
3件產品中,最喜愛嘅係保濕泡沫潔面粉。


保濕泡沫潔面粉(HK$280@20g)

Packing係小樽size,附有金色小匙,可將潔面粉出唻使用。


成份包括椰油醯谷氨酸納、有機蜜糖粉及海藻糖。



非常抵讚嘅係佢嘅溫和深層潔淨能力。
一般潔面粉嘅潔淨效果一向都十分好,但連帶洗面後皮膚會變得繃緊。
SÈVE嘅保濕泡沫潔面粉係高效潔淨之餘,亦能補充肌膚水份,洗面後唔會令皮膚繃緊,非常舒服。

使用方法: 將一小匙份量嘅保濕泡沫潔面粉加水調和,再配合起泡網使用。

 

 
建議用上起泡網,因為起泡快好多,而且泡泡會幼滑d,更好地保護肌膚。


然後係濕潤嘅臉部以打圈嘅方式清潔肌膚,最後以清水洗淨、印乾即可。



睇下,連續早晚使用一星期後,皮膚嘅潔淨度有明顯改善,毛孔亦收細左呢。


使用後,由於起泡網要風乾、小匙不能沾水。朱迪用了條幼絲帶將佢地縛埋一齊,然後掛係乾爽地方吹乾。




白玫瑰花水 (HK$380@110ml)


採用唧裝設計,老實說,倒或噴方便d~


眾所周知玫瑰花水有鎮靜、保濕、舒緩敏感嘅功效。
SÈVE嘅白玫瑰花水特別矜貴,每瓶蘊含100朵來自保加利亞嘅珍貴稀有白玫瑰精華,製成有機白玫瑰花水。

玫瑰,亦被稱為香薰之后,具有舒緩、撫慰、靜心和抗發炎嘅特質,並有極佳嘅護膚抗老和鎮靜情緒作用。


白玫瑰花水氣味清香,成份天然有機,性質溫和,適合各種肌膚使用,對敏感肌尤為有效。建議配合皇牌修護精華一起使用。



而呢支更係SÈVE非常好賣嘅產品,已數度斷貨了。

使用方法: 潔面,將一茶匙份量嘅白玫瑰花水輕拍全臉,早晚使用。

另可用化妝綿吸收白玫瑰花水,輕敷臉部5-10分鐘,舒緩敏感不適肌膚。



皇牌修護精華(HK$580@35ml)





皇牌修護精華蘊含多種對皮膚具修復作用嘅成份,包括:角鯊烯、玫瑰果油、琉璃苣油、摩洛哥堅果油、小麥胚芽油及白玫瑰精油。有效修補皮膚底層細胞,令乾燥暗啞嘅肌膚迅間回復活力光澤。

 

同樣地,配合白玫瑰花水混合使用效果更佳。

 
開封前有膠片封住,確保衛生。
而用時,就一滴一滴咁倒出唻用....


雖說係精華,但其實係油,質地較厚,適合較凍嘅天氣時使用。 


冬天作深層滋潤就最適合。

使用方法: 將2滴皇牌修護精華係面上輕按全臉5-10分鐘,直至完全吸收。
如果,捱夜後或皮膚需要深度救護,可將5滴皇牌修護精華及10滴白玫瑰花水於掌心混合,再按摩臉部至完全吸收。



咁乾到裂嘅皮膚,又回復生氣了。



3件產品中,個人最喜歡保濕泡沫潔面粉嘅溫和深層潔淨能力。



不過,建議產品包裝上微調一下。

保濕泡沫潔面粉 - 建議用倒出嘅方法。長時間用小匙,好易整瀉。用倒出嘅方法,小匙就可以不要了。
白玫瑰花水 - 建議用深色瓶跟泵裝。深色瓶有助防氧化,更好地保護白玫瑰花水。使用量算多,用泵裝會更易數住份量。又或者,用噴裝,直接噴上面都方便。
皇牌修護精華 - 建議用唧裝或滴管,使用時更就手,。


特別注意:
白玫瑰有機會導致子宮收縮,懷孕期間避免使用白玫瑰花水同皇牌修護精華啦。

希望我嘅試用幫到你啦~



~~~~~~~~~~~~~~~~~~~~~~~~~~~~~
★朱迪☆
bluesky_judy@yahoo.com.hk
~~~~~~~~~~~~~~~~~~~~~~~~~~~~~







2012年11月29日 星期四

唔再辣死人的消毒漱口水

朱迪一直都有用漱口水嘅習慣
但有個難題係:每次用完條脷都有D痛嘅感覺,因為佢地嘅薄荷成份太勁,有時仲會用到標眼水XDDD

一直想搵一支比較溫和但同樣能殺菌嘅漱口水,但市面上,好似溫和但又”入得口”嘅選擇比較少。

最近遇上了必妥碘冰涼清毒漱口水(Betadine Mouthwash Gargle),






佢嘅溫和”味道”解決了我嘅煩惱。

必妥碘冰涼清毒漱口水使用瑞士配方,可以舒緩痱滋、口腔潰瘍及喉痛、更可辟除頑固口氣





盒上跟樽上亦列明生產日期及過期日,就算開封後將盒掉了,亦不會忘了過期日子,最岩我呢d大頭蝦嘅人士使用。



不過呢~250ml 嘅份量,如果每日早晚使用各10ml,大約2星期就用完了。

很少見嘅PACKING,是密封嘅,見唔到入面嘅漱口水,但卻更顯出其專業。



樽口同樣是密封嘅,用前須剪開小缺口就行。


剪開後嘅樽口很細,這樣很容易控制份量,免得朝早唔清醒時一次過倒潟哂... (因為我試過用其他牌子,朝早一倒,無左1/4支XDDDD)




漱口水顏色偏深,像紅酒一般 ;p


 更好嘅係,可因應唔同需要而加減使用份量





生痱滋、口腔潰瘍及喉痛時,每日用2次,每次2樽蓋份量(每樽蓋=10ml)
日常護理:每星期2次,將 1樽蓋漱口水稀釋係2倍嘅水入面。





同樣地,2個方法都係徹底漱口30秒後吐出。

味道,唔似一般漱口水咁辣,反倒似醫院嘅消毒藥水,但唔算難頂。
漱口後亦唔會辣到要再用清水漱口多幾次。
建議漱口後唔好即刻漱口或飲水,咁會令漱口多水嘅殺菌成份更持久。

而我嘅做法,通常係加水溝淡佢唻漱口。
有時會見到口腔入面嘅污糟野俾洗走,感覺很滿足呢~

最近,唔好彩生左粒痱滋 (嗚....),就直接用2樽蓋漱口,作特別護理。


因含殺菌成分1%  Povidone Iodine,所以能殺掉可惡細菌。



 “入口”第一下會覺得粒痱滋痛痛地,漱口多15秒左右就痛楚平復了。
用後感到痱滋嘅痛楚減低左,而好番嘅時間亦比平時短左。


使用瑞士配方,30秒就可舒緩痱滋、口腔潰瘍、去除口氣及舒緩喉嚨不適,而且比較溫和唔會辣死人,真的不錯喲!



 正係度物色緊漱口水嘅你或正在使用漱口水嘅用家,不妨考慮下買支傍身呀?



屈臣氏有售

~~~~~~~~~~~~~~~~~~~~~~~~~~~~~
★朱迪☆
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~







2012年11月27日 星期二

用支叉,打造娃娃眼!



睫毛液係能令雙眼倍大嘅最簡單嘅美妝品,更係不得不帶出街嘅妝物。
然而,要搵一支超勁濃密效果嘅睫毛液總D難度。
唯有搽多一層又一層、換上一支又一支來打造大眼睛。

而最近,朱迪用上自己嘅MASCARA後,會再用上001黑色嘅ANNA SUI極緻睫毛豐盈膏,進一步加強豐盈效果。


睫毛膏同睫毛液有所不同,膏狀質地較厚,可填滿每根睫毛間嘅空隙。
質地比較順滑,不易係睫毛上形成結塊。

很特別嘅設計,像支叉一樣,板狀刷頭對掃成極緻豐盈濃密效果很有幫助。

 
轉出睫毛膏時,由於質地較厚,會痴住板狀刷頭上。


用時須將多餘嘅睫毛膏刮走,免得過量嘅睫毛膏痴住睫毛,反而有反效果。

用時90度垂直搽係每條睫毛上,向上擦 (不是慣用嘅Z型),填補睫毛間嘅空隙即可。


向上擦嘅手勢可令睫毛膏緊貼每條睫毛之餘,更有輕微提升睫毛效果。

由於刷頭幼細,搽下眼睫時亦非常方便。
就算快手搽時整到落塊面度,都輕易抹走。

會見到每一條睫毛沾上嘅睫毛膏更多,造成根根分明、更黑更粗嘅效果,而且更持久而不暈染眼妝


 睫毛間嘅空隙都被填滿,增倍豐盈效果就係咁簡單。



用法簡單,可以係用完睫毛液後,再搽上豐睫毛盈膏,咁睫毛就即時增倍豐盈濃密效果。
 又或者,先用MASCARA BASE,再搽上極緻睫毛豐盈膏。




用後感:
效果唔錯,比平時用開嘅一般睫毛液更為根根分明,豐盈濃密效果很突出,眼睛雖有即時放大嘅效果,但又唔會過份浮誇。而且就算係油眼嘅我,搽左一日都唔會熊貓眼嘅後果。唔想再喪搽睫毛液打造豐盈效果、又唔想變熊貓眼,可以考慮ANNA SUI嘅極緻睫毛豐盈膏啦。

3 色:黑色、鮮藍色、粉紅色

香港貿易發展局★國際環保博覽2017★率先睇

環保除咗保護環境外,亦可以令到生活更便捷。 「第12屆國際環保博覽」即將舉行,由香港貿易發展局和法蘭克福展覽(香港)有限公司合辦、香港特區政府環境局協辦,將於10月26日-29日喺亞洲國際博覽館舉行,今年有超過320家參展商展示佢哋突破性嘅環保技術及創新智能產品。 ...