2017年8月9日 星期三

辣精一齊食★金公館★

近期壓力急升,日日都要食辣來減壓。
亦同老公請假,同班食得辣嘅朋友去食麻辣火鍋!

這次揀食金公館,因辣椒及香料都由四川運來的。難得有辣精一齊食,當然食盡D~
鋪內有一個位置專放香料及辣椒,想加辣嘅可自便。

湯底我地點了「麻辣拼鮮果香魚湯鍋」,還要是大辣~~

原想只點麻辣湯底,但我們會叫海鮮,所以魚湯那邊用來煮海鮮。
「麻辣拼鮮果香魚湯鍋」一上,成班辣精一齊尖叫。超級香,成個醒哂!

冰豆腐係食麻辣的必點菜!吸哂D湯,正到爆呀!!

另外有我好鍾意食嘅鮮淮山同窩筍,爽甜!



牛是必點的,有幾名牛魔王在,叫2碟牛是常識吧!
手切牛頸脊

打邊爐必叫牛頸脊,肉質嫩滑、牛味濃、油花充足但不油膩。
第一塊牛頸脊放在麻辣湯那邊,辣味跟牛味互搶,有點浪費了靚牛。
之後我地決定所有牛都放在魚湯那邊煮,每一塊牛也非常回味。

手切頂級牛小排

唔多地方有牛小排打邊爐,但我鍾意牛小排多d。肉質彈牙嫩滑,牛味濃但唔會太油。感覺無咁heavy,可以狂食。

牛胸油

因為不常見,也點了牛胸油,充滿油氣,但出奇地係爽脆質感。雖然係油但一D都唔膩。

手打鮑魚蝦丸

蝦丸食得多,鮑魚蝦丸都係第一次食!
最堅係入面有鮑魚粒,連埋個鮑魚殻一齊煮。非常爽口彈牙,還有啖啖鮑魚香。

到我地嘅另一最愛:海鮮

帶子厚身又鮮甜,用魚湯煮鮮味更特出。
龍蝦仔已切好分上,方便打邊爐嘅同時,肉質仲KEEP到彈牙,夠新鮮!

沙巴龍躉唔貴,原條起片上,肉質很滑,2邊湯底煮也很夾!

總結,非常回味嘅一餐!

太多嘢想食但人唔夠多,下次真係要叫多D人唻食!

金公館
銅鑼灣謝菲道379-389號特麗樓1樓全層及地下5號舖

2017年8月2日 星期三

BB展,入媽媽會必備LABEL★附上BB展label★

一年2次嘅荷花BB展,8月呢次多數係比較大型,亦比較多BOOTH同好多媽媽會可以入~

去慣嘅大家可能已經預先登記了不少的BB展贈品。


去到BB展,亦可以繼續入不同的會藉或媽媽會,領取贈品。


入會要填資料,每次朱迪去都會PRINT定LABEL,到時唔駛填到手軟。


HAPPY SHARE我嘅「BB展label嘅文件檔」大家隨便DOWNLOAD,自行加資料同列印啦!






★ 下載後,直接寫資料,再列印即可
★ 可列印在LABEL紙或白紙上,如用白紙,到時帶釘書機或膠水
希望幫到手。 如果有幫到你,請俾個LIKE我嘅專頁 :)  www.facebook.com/JudysWonderland


+++++++下載BB展LABEL+++++++
按此下載 (google drive):https://goo.gl/KLqFWB

按此下載 (WORD檔):https://goo.gl/YiWvhA


希望大家滿載以歸~~


謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~


2017年7月21日 星期五

★樂樂確診甲型流感★後感

近這2個星期有關甲型流感近乎是密集式公佈,更不幸的是聽到有幼兒因此過身。
雖然不認識對方,但依然非常心痛。


不幸地,樂樂在上星期確診甲型流感。


但幸運地,樂樂食了2天特敏福共4劑,就退燒了。
謝天謝地!


因醫生沒有解說過甲型流感的風險及特敏福的副作用,
(見醫生時,她只說沒大礙,只是喉嚨發炎。是怕死的我照做快速流感測試先確診。報告出了後亦沒有再見我地。有興趣請看文末的小插曲)


回來後我在衛生署找了一點資料。


病徵
健康的人患上季節性流感後,通常會於二至七天內自行痊癒。
病徵包括發燒、咳嗽、喉嚨痛、流鼻水、肌肉痛、疲倦和頭痛;亦可能出現嘔吐和腹瀉等。


咳嗽多是嚴重和持續時間較長,但發燒和其他病徵一般會在五至七天內自行減退。
然而,免疫力較低的人士或長者一旦染上流感,可以是嚴重的疾病,並且可能會出現支氣管炎或肺炎等併發症,甚至死亡。


潛伏期
一般約為一至四天。


傳染期
患者可在病發前約一天至病發後五至七天內感染他人。而幼兒或免疫功能嚴重受損人士的傳染期甚至會更長。


治理方法
  • 充足休息和多喝水。
  • 若出現流感病徵,切勿上班或上學。如果病徵持續或惡化,應立即求診。
  • 抗生素是治療細菌感染而非病毒感染的藥物,服用抗生素不能治愈流感或加快痊癒。
  • 抗病毒劑能減輕病情和縮短患病時間,但必須經由醫生處方才可服用。


特敏福

「特敏福」是對付甲型及乙型流感病毒的抗病毒藥。獲認可為一歲或以上人士治療 及預防流感的藥物。
副作用:最常見是噁心和嘔吐,較多出現於接受治療的最初兩天。其他副作用包括腹痛、消化不良、腹瀉、頭痛、疲倦、失眠、暈眩、 眼結合膜炎、流鼻血及出疹。 較少見的副作用包括肝炎、史蒂芬強森症候群及中毒性皮膚壞死。


注意事項: ‧ 飽肚服藥有助減少藥物引致的噁心情況。


我是理解是「特敏福」是抗病毒劑,不是用來殺病毒的,可減輕病情所帶來的不適及病發日期。


幸好,樂樂沒多大副作用。


而流感跟感冒病徵相似,不過流感嚴重好多,勿掉以輕心。



(網上圖片轉載)


再者,在樂樂患病期間,我有給他食以下的SUPPLEMENT幫助他增強抵抗力及打仗。
★接骨木果汁(可增強抵抗力)

★多種維他命 (可增強抵抗力)

★多吃菇類(可增強免疫力)


亦有一點小建議給大家:
★因樂樂有發燒抽筋的前科,我對他的體溫非常敏感,經常摸額頭,也是一個方法查看小朋友有否生病。之前樂樂入院,護士教,如果手摸額頭feel到溫度有下降,即係無燒。一路都熱就係發燒。
★病毒細菌無處不在,一定要幫小朋友勤洗手。大一點的小朋友可教他這洗手歌,好好玩咁~
★平時出門前會幫樂樂噴AQ。
★平時要增強抵抗力:湯水、中醫、食supplement、曬太陽、做運動、飲食均衡什麼也可,適合孩子就是了。
★發燒的話,盡早睇醫生。別一味相信「病下就會好」,bb不一定夠力打仗。睇完醫生,對症下藥,沒抗生素的話,你也可考慮停藥的。
★也要做快速流感測試。好彩我怕死幫樂樂做,如果只聽醫生說的「沒大礙,只是喉嚨發炎」。後果我不敢想像....
★流感二至七天內會自行痊癒,食特敏福與否請資詢醫生
★打流感針 (我上年無幫樂樂打,後悔死了)


希望大家的孩子都健健康康,快高長大~


<小插曲:病發及睇醫生經過,有興趣知點解醫生無解釋病況可睇睇~>


話說,在12號晚,跟朋友去MEGA BOX的RUBY TUESDAY食飯,中間有去玩過同層的電動車。
當晚10左右,就起燒了。37.8及38.1度。做了物理降溫及吃過退燒藥便瞓了。
2個小時後再度,溫度沒有下跌,就知道身體在打仗了。


13號早上7時半再探熱,39度。
立即動身去九龍某醫院睇門診。


到達時8點半,還不算多人。
9點半見醫生,醫生只說沒大礙,只是喉嚨發炎。
但因樂樂非常唔精神及呆滯樣,媽媽的直覺是「唔會咁簡單」
當醫生提及,而家流感肆虐,可考慮做快速流感測試,約一小時出報告,以保安心。
怕死的我當然做啦~


結果,在醫院苦等了2小時。(因醫生中途去了巡房)


最後,12點我地都等不到醫生,而樂樂拒絕進食及鬧情緒,而且體溫再次高了,無辦法下去登記處請姑娘查問報告。
結果,原來10點40分已有報告。只是要等醫生回來開藥。
多謝哂!


最令我難受的是,醫生只開了特敏福及喉嚨發炎的藥給我們,沒有跟我們解釋報告及特敏福的副作用。
但樂樂要緊,我地立即回家開藥俾樂樂食。

有興趣想知邊個醫生,PM我啦,有病都千祈唔好睇佢。

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~


2017年7月18日 星期二

高質、價錢合理的男裝網店★Limited-Apparel★

跟老公拍拖多年,他的置裝都是由我負責的。
他是標準身型,買衫褲基本上很容易,半日內就買到一季的衫褲(笑)。


未生樂樂時,時間多的是,想買就去買。
但現在連自己都不再在實體店買衫,何況是老公...
試過在淘寶買,但男裝的質素很參差,$500買3條褲,只得一條啱身及質地尚可....
唯有努力找好質素的香港網店吧!


最近找到了"Limited-Apparel"這網店
Limited-Apparel是專做男裝的香港品牌,亦有香港及韓國藝人著,質料方面令我不用擔心。


款式都是我老公愛著的款式,有tee、polo shirt、功能性的短褲及近期大熱的Jogger pant。完全是我老公的朋友XDDD
老公的STYLE~~~




款式雖然不多,但都找到合我心水的polo shirt及褲。
最後選了3樣東西,polo shirt、短褲及修身長褲,埋單約一千,Jogger pant。
落單後約一星期會收到,包順豐運費。


3件衫褲的質料都很好,以這價錢來說實在物超所值。
如果在實體店買,應該要$1500左右。


我鍾意Limited-Apparel著重細節,就算是簡單的polo shirt,也會在袖邊、領口,加上黑邊,無咁單調。

這件灰色polo shirt 易襯,質地很好,跟大牌子的相比,質地不差太遠。

老公comment : 通爽、質地舒服。



這短褲更是老公心頭好,多個袋口增加功能性、輕身又薄身,回著率很高。

共有6個袋口,出街不用再揹背囊,非常方便。



其實上我不太喜歡老公著多袋口的短褲,感覺好累贅,但這條褲就算前面2個袋放了東西也不會太笨重,不錯不錯。

後袖pat pat位的3D剪裁,方便老公經常蹲下抱樂樂。


老公comment : 輕身、放到好多嘢。





3件衫褲中,我最喜歡這條Jogger pant,因我老公高,著Jogger pant好好睇 XDDD
(但我影到老公變咗小矮人......)




質料很薄,就算天氣熱著都不會太焗。
著上身很修腳,看上去更高更瘦。


Detail位有迷彩pattern作點綴,不單調。


老公comment : 易襯、望落瘦咗好多。


呢3件衫褲無論設計,剪裁同size都非常合心意,下次再幫老公買衫就可上網買啦。


Limited-Apparel

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



辣精一齊食★金公館★

近期壓力急升,日日都要食辣來減壓。 亦同老公請假,同班食得辣嘅朋友去食麻辣火鍋! 這次揀食金公館,因辣椒及香料都由四川運來的。難得有辣精一齊食,當然食盡D~ 鋪內有一個位置專放香料及辣椒,想加辣嘅可自便。 湯底我地點了「麻辣拼鮮果香魚湯鍋」,還要是大辣~...