2012年3月29日 星期四

簡單易整既美容小甜點

過去嘅呢個星期,朱迪嘅心情很鬱悶。 

每次一down 嘅時候就食少少朱古力,令自己開心番。

過去嘅星期六,係屋企忽發奇想想食以前好鐘意食嘅jacob橙餅,結果決定整橙味花生朱古力,氹下自己。
(呢包之前買左番公司,食哂lu....嗚嗚)



材料、整法都好簡單。而因為朱迪食緊早前入手CUPAL Beauty 瑞士膠原蛋白美肌精華」嘅橙味,所以就用橙粉代替橙味精油落去一齊整。






前文在此:
不同彼。 小心,此粉令人上癮!

食朱古力令自己開心番之餘,加左橙粉後又有 Q10、又有膠原蛋白、又有透明質酸呢幾隻咁強勁嘅美肌成份,簡直係double bonus
 
 

 

雖然係整色整水之作,但專心整甜點時,總算可以讓頭腦冷静下。

又或者各位美眉想整小甜點,而屋企無咁多用具嘅時候,呢個小甜點絕對又快又易整。


首先,揀一隻自己鍾意食嘅朱古力做原材料。
朱迪熱愛dark choco,所以揀左70% COCOA Lindt Excellence Dark Chocolate
想食甜d嘅就揀隻可可粉濃度較低嘅都ok得,隨個人喜好。(朱迪以前試過用牛奶朱古力整,整出嚟質感會似拖肥。)

材料:
1)     Lindt Excellence Dark Chocolate - 70% COCOA (100g)

2)     CUPAL Beauty 瑞士膠原蛋白美肌精華」(1.5)
3)     鹽焗花生 (適量)


1)     首先。 先將鹽焗花生整碎。
        其實可以用手,不過朱迪為左快,拎左搥仔… = = 唔好亂學

所以我用保鮮袋包好先搥碎。最後,覺得太大舊嘅,再用手整。




2)     溶朱古力

1. 融解︰先將2/3嘅朱古力放於容器入面隔水加熱令佢溶解。 (水溫約50)
 



2. 冷卻︰朱古力溶哂佢,拎起容器。再將剩低嘅1/3朱古力加入然後攪到完全溶哂,直至呈現濃稠狀。
呢個係我整既時間既裝置圖,haha~
 

 

3. 加熱回溫︰再將熱水加熱至31-33度,放回容器令佢徹底溶和。

4. 
完成

溫馨小提示 :
-         溶過嘅朱古力會帶有少許光澤同埋唔會咁易溶,所以放係室溫都可以凝固。
-         想快嘅可以放入雪櫃,不過之後拎出唻,係室溫比較耐嘅會好似有層白粉係面,無咁靚。
-         50度大約係我地可以入口嘅熱水;30度就係我地隻手會覺得熱熱地嘅,唔好燙親啊~

3)     加入橙粉
將橙粉逐次慢慢加入朱古力輕手攪勻。
 


一定要逐次慢慢加橙粉,一次過加會好容易”click”住,食落口會好粉。



 
攪到見唔到白色就ok
每落一次就試下味,朱迪覺得
1.5匙味道就不錯了。

4)     加入step 1 嘅碎鹽焗花生,攪勻。
 
 
 
5)    之後用匙羹放落自己準備左嘅小杯或者任何平面上,整成最想要嘅圖案,咁就大功告成!!!
 
 
 
前後只係用左45mins!! (朱迪一路整,一路影相先咁耐,平時30minsok!)

花絮: (我就係咁樣一路整一路自拍啦~~ haha)






 咁簡單,就可以整到個氹到自己嘅小甜點,不妨試下呀!







 而且,朱迪同橙粉真係幾夾下。之前飲橙粉嘅原味嘅時候,效果都已經唔錯。



我係上一個
intake 品食完後(果個無膠原食份既~)先開始食橙粉,皮膚好快就有好轉嘅情況啦。

上妝又再次貼番。雖然唔係食左好多日,大約7日到啦!但可能因為我每次都沖多少少,(1.5匙)[因為實在太殘啦…]
效果都唔錯呀!



 
想買橙粉嘅美眉,記住拎番呢張coupon 去屈臣氏買呀!$30~
 
 
 

~~~~~~~~~~~~~~~~~~~~~~~~~~~~~
★朱迪☆
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~

2012年3月27日 星期二

粉刺的煩惱

粉刺係朱迪長年的皮膚問題。
因為細個唔識死,一見到就擠,搞到毛孔粗大,結果惡性循環咁令到粉刺更難處理。
到大個識保養嘅時候後悔已經太遲。

就算幾勤力都好,因為毛孔已經粗大,所以粉刺嘅問題不滅。

而除左努力做去死皮、磨紗、用收毛孔產品外。
係最懶嘅時候,就會用St.Clare粉刺速淨MP3」,令到自己眼不見為乾淨。



第一次聽 St.Clare粉刺速淨MP3」係去台灣嘅時候,而我手上面呢盒亦係台灣買嘅。
而家,「St.Clare粉刺速淨MP3」係香港都有得買啦,咁就唔駛再網購或託朋友咁麻煩了。


St.Clare粉刺速淨MP3」係一盒三支嘅set,逐個steps教你一步步去除粉

Step 1軟化角質
深層粉刺柔化露容量:20ml
先軟化粉刺,洗完臉後用少少係鼻頭上按摩約兩2-3mins,再用清水洗就可以了。





 Step 2. 拔除粉刺
粉刺速淨面膜容量:40g
白色好厚好稠嘅泥狀面膜,用嘅時候唔可以敷太薄,要均勻搽哂上面,同埋一定要遮哂d毛孔。記得唔好乾面時用,撕走時會整傷皮膚架。
大約等佢30mins,直到佢全乾為止。
(要俾d耐性喲,朱迪會戴番con,拎本書慢慢hea住睇)
乾後由下往上慢慢撕,唔好太快,會扯傷皮膚,同埋d粉刺會扯唔走。


Step 3. 緊緻毛孔
毛孔調理緊緻露容量:20ml
用完mask 後用,有少少拿拿地嘅感覺,但絕不敏感。
用唻收緊番d毛孔嘅。多數之後朱迪會再刺敷毛孔緊緻面膜,雙重保險。




過完steps啦,請注意以下係效果圖。慎睇。




其實真係好嘔心。


可惜,大家睇唔到最最最嘔心嘅年代,因為朱迪努力嘅成果,粉刺比以前少了,但依然都有。
果然係3steps 就搞掂啦~

大家想入手嘅,除左萬寧之外,香港website 都有得買呀!仲平d~haha

 http://www.st-clare.com.hk/index.php?main_page=index&cPath=109_103


~~~~~~~~~~~~~~~~~~~~~~~~~~~~~
朱迪
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~

2012年3月26日 星期一

輕輕鬆鬆剪短瀏海小物~

朱迪嘅頭髮留左瀏海好多年。因為我個額頭係好鬼大嘅,仲要有幾條仲努力拆緊嘅火車軌。
為左令塊面望落細d同遮住年齡嘅秘密,瀏海係我多年嘅好朋友。





之但係,頭髮算生得快嘅我好快會長到拮眼,低頭做野果亦陣會遮住視線。



有時會快手剪左佢,但我每次操刀都好易出意外,所以唯有捱到佢再生長d變成斜蔭後慢慢剪。
有時,係屋企洗面時,會隨手拎起身邊嘅野唻夾起佢。例如



係,你無睇錯我亦無打錯。

堅係衫夾。 哈哈哈!

而係office,我係會用佢~



哈哈哈哈, 總之凡係夾到野嘅東西去到我手都會變為髮夾。
但長此下去,夾起佢唔係辦法,剪左佢先安安樂樂。

而朱迪一直用開剪髮較剪自己操刀。
但要修好耐先得,頭髮碎又飛到周圍都係。
前排去city super 買野,見到呢把幫小朋友剪髮嘅"梳剪"(我自己為方便改嘅,正名不詳),立時入手。




呢把梳剪有個好處,係可以較刀片的深淺,方便慢慢偷薄,或快手剪短都ok!


想剪多d既,就露多d刀片,反之,就露少d。

先用其中一面嘅梳梳好瀏海,再係想剪嘅位置以20度嘅角度慢慢落刀梳落去就ok了。




之後朱迪會好忙,(朋友搭咀:其實你有幾時係唔忙係係係..sorry sorry)
所以今次一次過剪短d,又快又方便~
而且剪完後,打開安全鎖,就可以拎起塊刀片掃走頭髮碎了。
想買嘅美眉,就去city super搵下啦~~ ^^




~~~~~~~~~~~~~~~~~~~~~~~~~~~~~
★朱迪☆
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~

2012年3月23日 星期五

食酸梅乾會變超人,唔知食茜利莓會唔會變超芸呢?

gag gag

忽發其想吧了!!當然亦唔會有變身電話亭啦。

但其實,超人嘅酸梅乾比喻很好,食某樣野就獲得强大力量。
咁如果,食錯野呢?
咁亦會帶來反效果。所以食落肚嘅野一定要小心選擇~


早前, 朱迪開始搜羅美容intake品,好令自己衝事業時唔好再令皮膚差落去。
因為我發覺,當我努力用唔同嘅護膚品去令自己擁有美肌嘅時候,搞好身體先而會令我事半功倍。
朱迪身體一路都好虧(絕無誇張)


最大嘅問題長期失眠同便便問題。
而因為唔想食西藥、亦無時間煲中藥,朋友建議我試下食美容保健品,對皮膚又好、對身體好。
而朋友千叮萬囑我要小心選擇,始終食落肚嘅野要謹慎。


經過朋友推介一輪research ,最後係2月尾時入手左維特健靈「茜莉莓」(Acai)

 

因為

1)      由大藥廠出品,有品量保證
         維特健靈大家一定識,產品亦有好多。而身邊總會有人係有食過維特健靈嘅產品嘅。咁多人食過,絕對有信心。

2)      朋友推介,有口碑
        推介我食「茜利莓」嘅朋友自己亦有食,見佢食左一個月度而效果亦唔錯,皮膚狀態亦轉好,信得過!

3)      功效:佢既高度抗氧化,去暗啞最吸引我
         但「茜利莓」點樣做到呢個效果呢?等朱迪爬下文,介紹下先~

「茜利莓」(Acai)嘅成份係100%西生命莓。
生命莓又係咩呢佢喺巴西被稱為「超級果莓」、「生命之果」。

因為因為佢含極高營養價值,有豐富嘅維他命、天氣氨基酸、膳食纖維同埋非常高濃度嘅抗氧化物「花青素」。
而「花青素」嘅抗氧化能力比vitamin C強高20倍,亦比藍莓強超過21!!!





「茜利莓」嘅「花青素」含量亦比同類型產品高達300倍。


係咪好勁呢!但都係睇埋效果大家再決定啦~

由packing開始!packing非常密封。
而且紙盒設計很特別呢~ 一打開就好似變魔術咁愈變愈多版~


打開packing 後,樽口亦已密封好。
朱迪每日食2粒,由221號開始食,就食哂啦~




每日食2粒好啦,凡事物極必反喲~


而成份表亦寫好哂營養資料,蛋白質含量很高呢!應該係因為有大量抗氧化物質嘅關係(即係花青素)




話說,岩岩開始食「茜利莓」就朱迪就遇上難題。
就係
維特健靈為左保質,方形設計既蓋係超超超實既...
朱迪第一次開就用左3分鐘唻開個蓋…hahaha!!幾驚自己虧到無朋友。哈哈~
建議大家買完後,即搵身邊大力士幫忙,免得手痛~~ ^^

開始食後,最快見效嘅係便便問題改善左。
以前朱迪平均3日先有一次。而食用茜利莓3-4日後,由初時嘅3日一次, 轉為2日一次。而大約個幾星期後,身體情況好轉,已經慢慢變成11次。
但絕對唔會有搞肚痛、肚瀉嘅感覺。

感到佢係慢慢將體內嘅毒素逐步掃走。而呢樣係朱迪最讚既~


而第2個效果係佢嘅抗氧化功能。

食用大約10日後,有一日起身番工時突然驚覺平時朝早無唻光澤感嘅皮膚,竟然有亮肌嘅感覺。對平時只有殘樣嘅我實在好有威力。見到皮膚出現好耐無見過嘅光澤,簡直令人精神一振呀!
雖然膚質問題依然有,但令皮膚唔再暗啞,實在令人太高興!

而且去印效果亦很好,左右圖係5日前後既效果唻架~



有興趣嘅美眉,不妨試下呀~



文中有關「茜利莓」西生命莓既資料,我係維特健靈個website睇完summarize 嘅,有興趣嘅美眉去睇下啦~
http://www.vitagreen.com/zh/skin-care/dry-skin/acai

如果想要多資料,wiki都有寫~
http://en.wikipedia.org/wiki/Acai_berry#Fruit




~~~~~~~~~~~~~~~~~~~~~~~~~~~~~
★朱迪☆
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~

★Dr. Douxi★輕鬆令皮膚變得亮白

數年前曾用過台灣品牌Dr. Douxi,用後感很好,之後亦有回購~ 最近用上賦活新生卵殼系列的 2件 品牌皇牌 ,試用後也不錯呀! 分別是: ★卵殼精萃乳霜皂★ ★賦活新生卵殼膜★ ★卵殼精萃乳霜皂 HK$119 ★ ...