2017年9月18日 星期一

虎背熊腰唔一定因為肥 可能係身體唔好!

話說我做咗全職媽媽後成日食無定時,成日喺戶外曬太陽再入室內吹冷氣,亦比在職時更加夜瞓,身體嘅小毛病開始發出嚟。。。

話說成日著短褲嘅我,有一次無意間發覺膝頭、小腿同大髀都好凍。重點:我嗰時啱啱係三十幾度嘅戶外同個仔放完電返番屋企未開冷氣,熱到滴曬汗。。。咁我就知我身體差咗喇。。。最明顯係我又開始m痛。。。

朋友介紹我去觀塘Yinensis 然淙養生文化館做【檸檬精油刮痧瘦身】舒緩腰酸背痛之外更可促進血液循環,令到對腳無咁凍。




Yinensis 然淙養生文化館✨喺官塘嘅泓富廣場,即東廣場對面。地鐵行過去都只係5分鐘,非常方便。最正係勁近我屋企,步程10分鐘就到~

店面雖然唔大,但設備齊全。按摩師的技巧好好,俾咗好多對經絡及養生法嘅見解俾我。對我非常有用呀~



然淙養生文化館獨創【西柚檸檬精油刮痧瘦身】,刮痧同按摩唔同,刮痧可行氣活血、疏通經絡、舒解肌肉酸軟,更有排毒、去除水腫嘅功效,非常啱攰到爆嘅我。
而將精油加入刮痧,比淨按摩更快見效。因為檸檬草有驅寒作用,而西柚可減肥去水腫,啱哂!



先以這個帶熱力的罐按壓全身,打開皮膚的毛孔及加速血液循環促進新陳代謝

之後塗上西柚及檸檬精油再按摩,並滲透至全身皮膚,按摩師發覺我成個背脊都係凍嘅。因為我極之濕重,所以血氣唔通。之後再用上熱草球按壓,加強精油滲透。


按完半邊背脊後,已經發覺背脊暖番,肌肉無咁腫無咁硬,有番柔軟感。

之後就開始刮痧,刮痧會疏通經絡、排毒,去水腫, 瘦身功效仲好明顯~~~~
重點係條腰出。番。嚟!!!



完成後,摸一摸背脊,首先皮膚已經暖番,唔再係凍嘅,原因係將濕氣同骨火推走咗。肌肉平番落去,側身照鏡時見到無咁「虎背熊腰」。

做完刮痧後個人舒服哂,肌肉無咗又酸又攰嘅感覺,去咗水腫人覺得輕鬆咗,爽到爆呀!!!




【檸檬精油刮痧瘦身】
💖優惠價💖: $168 / 45 mins

Yinensis 然淙養生文化館
觀塘新店 :
成業街6號泓富廣場10樓1008室
預約電話: 3152 2355
Whatsapp: 9713 1152

尖沙咀店 :
漢口道28號亞太中心3樓11室
預約電話: 2818 0818
Whatsapp: 5688 9816


謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~

2017年9月1日 星期五

實體書+app ★小孩子隨時隨地自學英語★

話說喺樂樂未出世前,我聽咗個talk,個講者提倡先將母語基礎打好,再去學外語。而果陣時我係真心buy嘅。


到樂樂出咗世後,亦無刻意係生活入面加入外語元素。但到大約一歲時,有一次報messy play playgroup試堂,點知誤打誤撞報咗英文堂 …..
上堂嘅時候,有件事令我好心噏,就係樂樂好想試 、好想同老師玩(而老師都有同佢玩),但因為佢聽唔明, 上到一半嘅時候佢好失落... :(
自從嗰次之後,我就決定係佢嘅生活入面加入一啲簡單嘅英文元素,起碼等佢大個啲聽英文嘅時候冇咁驚,而我嘅英文元素就係講故事書。


大約個零月,樂樂就接受到英文,最起碼佢唔驚,有時仲好似明明地咁。
但我嘅口音始終唔係純正英文口音,雖然影響不大,但都想佢聽多啲純正英文口音。

最近喺I-SQUARE EDUCATION CENTER 搵到一本好有趣嘅英文書 Dr. I 學習英語套裝



將ipad同情境故事書結合,透過簡單易用嘅應用程式操作,小朋友都可以自己慢慢睇。





重點係全書(app) 由外藉老師真人發聲,隨時可接觸到net teacher嘅聲音。
同點讀筆嘅書有類同,但呢套書嘅互動性好高,對比點讀筆嘅單向學生字發音好好多。


Dr. I 學習英語套裝共有4個主題,由小朋友最鍾意嘅題材或日常生活為題,由淺入深令小朋友自主學英文。


包括
~ Meet the Animals
~ In my Home
~ Meet the People
~ Travel and Transport


每套書亦有唔同嘅小遊戲,豐富嘅內容有好強嘅趣味性,先提升小朋友興趣,由【玩】入手令小朋友學習標準英文,仲有「外藉英語老師」隨時陪讀。




連我都對呢套咁高趣味性嘅書好有興趣,又係時候儲齊一套了!

I-SQUARE EDUCATION CENTER
http://www.i-square.edu.hk/zh/



謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~





2017年8月23日 星期三

韓國直送💖幼兒零食💖★Sufin.b★

話說樂樂就嚟2歲,想鍛鍊多d佢嘅咀嚼肌,已經好耐無買puff (星星餅d friend) 俾佢做零食,轉食餅乾。但原來佢對puff仲係念念不忙。。。

睇下佢手上果筒,佢喺個8m bb度搶番嚟嘅😅食咗人地半筒🙈勁百厭(我果時去咗煮飯,其他大人笑到收唔到聲)

咁啱見到Sufin.B有韓國 Naebro 幼兒零食,嗱嗱聲買番d嚟看門口。。。
有機糙米圈圈餅$43/包
冷凍水果乾 $43/包
加鈣低鈉鹽紫菜  $48/包



仲有 韓國 Wiakids 超可愛動物餐盤 x 枱墊 $118 / set (呢個簡直係救命恩人,我決定寫多篇慢慢講)


來自韓國的Naebro,成份天然,得到韓國食品測試認証、安全、可靠。

上星期飛台灣,我帶咗圈圈餅上機,樂樂好開心,乖乖食(坐)足全程,然後瞓覺!!


有機糙米圈圈餅,8個月起可以食用,有5種口味, 包括:紫色番薯、蜜瓜、草莓蘋果、波菜、藜麥。




有機糙米圈圈餅,我買咗三個口味,帶咗兩包去。帶上機嘅係草莓蘋果。



比起星星餅,我覺得圈圈餅更健康,始終是有機糙米嘛。味道唔太甜、口感亦唔太乾(因為樂樂無追住飲水)。 圈圈餅SIZE容易拎唔會倒到一地係。(坐飛機跌到一地我果個有潔癖嘅老公一定崩潰)




另外,個袋size非常適合BB拎住,樂樂全程單手拎袋,另一隻手拎圈圈餅都冇跌過,媽媽我唔怕佢跌到一地都係。


一筒筒嘅星星餅我覺得比較難拎餅,因心急嘅樂樂唔夠手長會成筒倒轉拎,結果倒多過食。

ziplock 設計方便加上闊底嘅袋,唔想佢食咁多可以收起,無咁易潮。(不過我唔知效果,樂樂2次就食哂XDDDD) 樂樂好鍾意食,一食就食咗大半包。 之後收起佢全晚係咁問我拎餅餅。



另外仲有款蜜瓜味圈圈餅,呢隻上面有啲糖會比較甜 ,食完隻手黐立立, 但樂樂超鍾意食呢個味,我都覺得好好味~ 雖然話甜D,但其實係清甜。

天然食材,糙米又健康,樂樂有得玩就自動skip下午茶,俾奶之餘我都會比埋圈圈餅,唔怕佢冇營養。食完後我都冇掉個袋,用嚟之後再放麵包畀佢食。


除咗圈圈餅,我都拎埋冷凍水果乾去,因為去旅行好難俾乾淨嘅新鮮生果。


大人可買鮮榨果汁或街邊檔,但我唔夠膽俾樂樂,肚痾的話大人細路都辛苦。
蘋果乾一向係樂樂鍾意嘅,味道清甜,蘋果乾大塊容易拎,唔會黐手,之後用濕紙巾抹就ok了。


不過份量相對圈圈餅細包,食慣圈圈餅嘅拎極都有得食,蘋果乾咁快就食曬樂樂接受唔到,以下係當佢知道食緊最後一塊時嘅崩潰樣 XDDDD



韓國製造嘅冷凍水果乾有4種口味,包括:蘋果、梨、草莓、 香蕉,全部100%生果冷凍而成,非油炸、非烘焗唔熱氣,能保持水果原味及營養,健康又方便。

香港買幼兒零食一係貴一係packing細,3月去福岡時狂掃嘅日本餅餅差唔多食哂。之後我都會買韓國 Naebro 幼兒零食,一包圈圈餅可以分3次食。

有無人有興趣一齊團購呀?


韓國 Naebro 幼兒零食
冷凍水果乾 ~ $43/包
加鈣低鈉鹽紫菜 ~ $48/包
有機糙米圈圈餅 ~ $43/包
2包以上包 SF 自取點運費


訂購點


謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



2017年8月9日 星期三

辣精一齊食★金公館★

近期壓力急升,日日都要食辣來減壓。
亦同老公請假,同班食得辣嘅朋友去食麻辣火鍋!


這次揀食金公館,因辣椒及香料都由四川運來的。難得有辣精一齊食,當然食盡D~
鋪內有一個位置專放香料及辣椒,想加辣嘅可自便。

湯底我地點了「麻辣拼鮮果香魚湯鍋」,還要是大辣~~

原想只點麻辣湯底,但我們會叫海鮮,所以魚湯那邊用來煮海鮮。
「麻辣拼鮮果香魚湯鍋」一上,成班辣精一齊尖叫。超級香,成個醒哂!

冰豆腐係食麻辣的必點菜!吸哂D湯,正到爆呀!!

另外有我好鍾意食嘅鮮淮山同窩筍,爽甜!



牛是必點的,有幾名牛魔王在,叫2碟牛是常識吧!
手切牛頸脊

打邊爐必叫牛頸脊,肉質嫩滑、牛味濃、油花充足但不油膩。
第一塊牛頸脊放在麻辣湯那邊,辣味跟牛味互搶,有點浪費了靚牛。
之後我地決定所有牛都放在魚湯那邊煮,每一塊牛也非常回味。


手切頂級牛小排

唔多地方有牛小排打邊爐,但我鍾意牛小排多d。肉質彈牙嫩滑,牛味濃但唔會太油。感覺無咁heavy,可以狂食。


牛胸油

因為不常見,也點了牛胸油,充滿油氣,但出奇地係爽脆質感。雖然係油但一D都唔膩。

手打鮑魚蝦丸

蝦丸食得多,鮑魚蝦丸都係第一次食!
最堅係入面有鮑魚粒,連埋個鮑魚殻一齊煮。非常爽口彈牙,還有啖啖鮑魚香。


到我地嘅另一最愛:海鮮

帶子厚身又鮮甜,用魚湯煮鮮味更特出。
龍蝦仔已切好分上,方便打邊爐嘅同時,肉質仲KEEP到彈牙,夠新鮮!

沙巴龍躉唔貴,原條起片上,肉質很滑,2邊湯底煮也很夾!


總結,非常回味嘅一餐!

太多嘢想食但人唔夠多,下次真係要叫多D人唻食!

金公館
銅鑼灣謝菲道379-389號特麗樓1樓全層及地下5號舖

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~


虎背熊腰唔一定因為肥 可能係身體唔好!

話說我做咗全職媽媽後成日食無定時,成日喺戶外曬太陽再入室內吹冷氣,亦比在職時更加夜瞓,身體嘅小毛病開始發出嚟。。。 話說成日著短褲嘅我,有一次無意間發覺膝頭、小腿同大髀都好凍。重點:我嗰時啱啱係三十幾度嘅戶外同個仔放完電返番屋企未開冷氣,熱到滴曬汗。。。咁我就知我身體差咗...