2015年12月31日 星期四

最貼心滋潤的聖誕派對★雪肌精SEKKISEI 30周年聖誕派對★

周不時總會聽到朋友說:「KOSÉ 雪肌精嘅化妝水/精華好好用」等推介,原來雪肌精SEKKISEI已經誕生咗三十年啦~

早前出席咗「雪肌精SEKKISEI 30周年聖誕派對」,更認識了特別為一眾顧客推出期待已久「滋潤版雪肌精」化妝水和乳液~



聖誕派對內佈置好靚呀,令我好似置身喺雪地當中~


仲有可愛嘅雪子小姐為大家介紹最新推出嘅「滋潤版雪肌精」化妝水和乳液喲~~



讓各位用後都能擁有如雪般嘅肌膚,並繼續陪伴大家成長同渡過最滋潤窩心的冬天。



「滋潤版雪肌精」特點在於持久保濕水潤﹑不黏膩﹑快速滲透,實現「藥用雪肌精」最高滋潤度,為肌膚導入滿滿的透明感,令肌理變得細緻﹑滋潤。

藥用雪肌精美白化妝水 <滋潤版> [醫藥部外品] $310@200ml

具備極佳的油水平衡配方,兼備「高效滲透力」和「滋潤度」,不黏膩﹑快速滲透的同時收緊毛孔,打造水潤透亮美肌。用上和漢植物萃取液如薏仁萃取液、當歸萃取液、白蘞萃取液、麥門冬萃取液、天人花萃取液及BG保濕,即使在乾燥冬季,也能為容易缺水肌膚注入滿滿水分,締造充滿光澤感透亮美肌。



藥用雪肌精美白乳液 <滋潤版> [醫藥部外品]  $310@140ml



而藥用美白乳液觸感幼滑﹑富彈力﹑能調整肌膚柔滑感。和漢植物萃取液具濃密的滋潤成分,有效將美白成分傳送至角質層,護理因乾燥而造成的暗啞問題,締造明亮美肌。

而大會為了讓大家親身感受「滋潤版雪肌精」,除了即場試用外,更貼心的準備了含有相關和漢植物萃取成份的食物,包括這暖暖的雞湯!飲完後身體很和暖呢~就像皮膚用上「滋潤版雪肌精」後被細緻呵護了一樣。




感謝大會的貼心安排呢~ 既過了一個愉快下午,更無論皮膚還是身體都被滋潤了呢~
~~~~~~~~~~~~~~~~~~~~~~~~~~~~~
★朱迪☆
你的支持就是我的鼓勵,希望你能給我一個LIKE 喲~~
請多多指教喲~
 
~~~~~~~~~~~~~~~~~~~~~~~~~~~~~

去大坑嘆個正LUNCH~

沒想到當媽媽後,星期日仲有機會去大坑嘆個LUNCH~
多謝同行朋友的陪伴,幫我地兩個湊仔,讓我地安安樂樂食個LUNCH!

千挑萬選去了The Pudding Nouveau~
Menu 選擇不多,但每樣都好吸引~最後幾個Main都叫哂咁濟,haha

法式油浸鴨腿配窩夫班尼迪克蛋



賣相很吸引,荷蘭醬鋪得滿滿的,未食已經羸哂分。
切開Eggs Benedict,滿滿的蛋汁流出,加上撕成絲狀的油浸鴨腿、荷蘭醬,再配上熱熱的鬆軟窩夫,非常滿足~~~估唔到呢個組合係會咁夾嘅~
窩夫就算浸滿汁都仲好鬆軟,蛋味又濃,好好食!

香辣蒜蓉大蟶子扁意粉


我從來無諗過蟶子可以用西式方法煮!
大大隻蟶子,鮮甜彈牙!用西式煮法也不錯呀~
每條意粉都掛滿濃濃的白汁,加上蒜蓉香味,帶少少辣,很惹味。

珍寶龍蝦仔牛角酥配薯角



The Pudding Nouveaupastry真係好好食,窩夫已令我好滿足~
呢個牛角酥非常鬆脆,濃濃嘅牛油香令我好想淨叫一個牛角酥拎走(因為我超鍾意食pastry)。用來伴著龍蝦仔肉食,非常惹味。而side dish嘅薯條+黑松露醬亦不能錯過~ 熱辣辣嘅香脆薯條配上濃味黑松露醬,超正!!好食到我地另外叫咗碟薯條食~~



Signature Pudding Breakfast


好豐富嘅英式早餐~滿滿的一碟有齊我想食嘅ITEM~ (好彩我地4個人去食,唔係實食唔哂)。炒蛋好滑,淨食或連包食都好夾。麵包係軟綿綿的,好鬆軟~炒菇、腸同煙肉都好正~整個英式早餐每樣食物都好食~~抵叫!

食完之後棒住個肚走咁濟,但肚子同心靈都超級滿足,值得係百忙中都帶BB唻食~




2015年12月30日 星期三

多重影分身之皮膚抗壓術★SHISEIDO IBUKI修護系列★

最近發覺我練成了多重影分身~
做女兒,心痛媽咪幫我做湊仔婆,放工即飛番屋企湊仔
做人老婆,要搵時間陪老公傾計
做阿媽好忙,無時停
做人奶媽仲忙,一夠鐘就要餵奶 / 泵奶
working mom + 人奶媽絕對係忙到一個點….

但無論幾忙都好,我絕對唔容許自己做黃面婆!!
日日唔夠瞓,皮膚狀況非常飄忽,久而久之除咗會生暗瘡,仲會令毛孔更加粗大及皮膚粗糙。
所以每日都會用上抗壓產品,務求在極短嘅保養時間內,發揮最大效果。

用嘅就係針對日常壓力,特別為Generation Y (25-36歲)而設嘅★SHISEIDO 多重活肌急救方案嘅IBUKI修護系列


IBUKI修護系列用上SHISEIDO獨創「細胞形狀記憶技術」,令細胞回復最理想滋潤水平,全方位抵抗外界傷害,亦可防禦紫外線、乾燥及日常壓力。

IBUKI Gentle Cleanser (HK$230@ 125ml)


朱迪習慣一收工番到屋企就立即卸妝洗面,用上一支好嘅洗面膏,會令人精神一振呀~~

Gentle Cleanser嘅掀蓋蒞牙膏裝設計,很方便。

性質溫和,只用手起泡,也可以揉起豐富嘅泡沫~

慢慢的在面上打圈,便可輕鬆去除污垢和老化角質層這些會妨礙肌禦力嘅東西~~ 
更好嘅係,唔會搶走皮膚水分,潔面後清爽舒服,皮膚亦KEEP到柔滑感。


IBUKI Softening Concentrate (HK$260@75ml / HK$390@150ml)


喜歡它的雙效功用,既是深層補濕健膚水,亦是肌底精華液。質地輕盈,很容易推開,塗上面後感到皮膚即時補了水,非常舒服!

天氣忽冷忽熱、皮膚較弱脆嘅日子,除了早晚使用正常外,


我都會將健膚水倒在化妝綿上,在面上敷3-5分鐘。讓皮膚好好吸收一下,敷後皮膚柔軟了,充滿水潤感。


而且,佢更可加倍提升隨後使用的護膚品功效,非常貼心。

 IBUKI Refining Moisturizer (HK$380@ 75ml)

這支乳液配方係比較輕盈水潤嘅,質地幼滑,延展性高,很容易吸收。

從根本改善粗大毛孔及皮膚乾燥問題,亦可淡化暗瘡印。除可穩固肌膚肌禦力外,它的補濕及鎖水功能很好。

早上化妝前使用,源源不絕的補水令妝容KEEP足一日。

IBUKI Multi Solution Gel (HK$360@ 30ml)



這可愛小物,是最新成員~~
外型小巧可愛嘅佢,係萬能嘅急救啫喱,有多重功效,包括:
1) 可即時高效補濕
2) 消炎
4) 改善粗大毛孔


3) 舒緩暗瘡問題

佢嘅活肌草本複合物能集中改善弱化的屏障機能,天然保濕因子能重組細胞,提升肌膚抵禦力,抵抗外界刺激。而其他高效成份如甘草酸、水楊酸等,更有消炎作用,直接消滅暗瘡、粗糙及毛孔中的細菌,對抗粗糙肌膚及粗大毛孔。



啫喱狀質地,略帶清涼感而且很快便被皮膚吸收。


任何時間用都可以,用後變成透明,化妝後使用也沒問題,只要輕拍即可。
亦可當護膚程序最後一步使用,非常方便。

現在會將它放在手袋中,有時候被bb打面刮撰然後紅腫了(XDDD),即時用上便會退紅了。



用上一整套IBUKI,令我在這忙碌日子中也不會讓肌膚變差下去呢!!


這是素顏時影的,皮膚算不錯吧?



<試用及相關資料由品牌提供> 
~~~~~~~~~~~~~~~~~~~~~~~~~~~~~
★朱迪☆
你的支持就是我的鼓勵,希望你能給我一個LIKE 喲~~
請多多指教喲~
 
~~~~~~~~~~~~~~~~~~~~~~~~~~~~~




2015年12月29日 星期二

即點即燒,吹水閒HEA之選★八寸★

呢一晚太早食晚飯,之後約左人係銅鑼灣吹水,那索性搵個地方食宵夜慢慢吹。我地選擇食串燒,飲下酒,吹下水。

去咗銅鑼灣八寸,位置方便,係地鐵站出口附近。
我地坐係BAR枱,睇住師傅不停燒,吹都唔能夠專心HAHA。




先來前菜,汁燒鮮鮑魚不錯喲,燒得剛剛好,有咬口。




見名字有趣,所以點了八寸海之幸卷~


外層有帶子、海膽、三文魚子加上金箔,賣相吸引,內裡有蟹肉,整個卷物味道鮮甜,口感豐富,值得encore

再來就是不同的燒物

岩鹽燒掌中寶




第一次食,原來掌中寶即雞腳中間的那一舊肉,一隻雞只能食到兩舊,非常巴閉!
岩鹽燒過後,雞皮香脆,油份亦全逼了出來,非常惹味!喜歡食燒雞皮的,一定不能錯過!

燒日本紫蘇魷魚



以卷物的賣相出現,很可愛。
略烤的魷魚配上紫蘇葉,很新鮮的組合,味道清新。細細舊,配酒飲不錯。

燒牛舌





厚切的牛舌依然彈牙,肉質亦嫩,很惹味,愛吃牛舌的我吃了不少。

牛小排




牛小排油香較重,肉質嫩滑,牛味更濃!


最後當然要點雞翼,以脆香雞翼作為句號,肚子跟心靈都滿足嘅一個晚上。




八寸酒食 串燒 私房料理
銅鑼灣駱克道487-489號駱克駅13-15
~~~~~~~~~~~~~~~~~~~~~~~~~~~~~
★朱迪☆
你的支持就是我的鼓勵,希望你能給我一個LIKE 喲~~
請多多指教喲~
 
~~~~~~~~~~~~~~~~~~~~~~~~~~~~~

2015年12月24日 星期四

湊B日記 - 多對話,多擁抱,多親吻

做媽媽差不多3個月了,好多時都會掙扎應該抱多一點,還是抱少一點。

 BB媽媽肚內住咗10個月,封閉嘅環境令BB充滿安全感。出世後,環境大大改變,事實上,BB比爸爸媽媽更難適應、更手足無措。
曾有嬰兒專家說不能抱BB太多,以免寵壞。
但作為新手媽媽,我選擇抱多一點、親吻多一點、對話多一點,希望BB能重拾在媽媽肚內嘅安全感。讓BB知道自己被關注,比任由他獨自面對世界,更容易令他心情回復平靜。
生產時,我嘅子宮頸喺催生後還是開唔到足夠度數,最後要緊急開刀。我非常擔心樂樂(魚少)嘅安全感不足,因為佢未完全READY就已經出世了。出世後,樂樂經常在睡夢中尖叫嚇親、亦不時手腳亂舞咁大喊需要人抱。所以我地都經常抱住佢、同佢傾計、甚至晚晚抱住瞓。雖然咁樣令日頭湊樂樂嘅婆婆近乎寸步不離(辛苦我媽媽了~~~媽媽真係好偉大!!!),亦令我同老公晚晚唔夠瞓。但一切都係值得嘅。樂樂近排發癲咁喊嘅情況少咗、發少咗惡夢,亦開始笑多咗同成日電暈公公婆婆、爺爺嫲嫲。
再者,我知道,BB大得太快,轉眼間他就會行會走會跑,沒多少時間讓你整天抱實呢~

p.s. 我幫自己打下廣告先如果你覺得我覺得啱,請投票支持下~ ^^
另外,提交咗教育點子後,會收到《小一選校全攻略2016》呢~

另外,16/1 有家長講座,講「唔谷」子女嘅教育大法~ 好似幾好咁~~

16/1/2016 2:00-5:00
適合年齡 : 0-7歲
地點:金鐘道95號統一中心10 統一會議中心
講者楊張新悅, Christine Ma Lau, Vivian Wu 

~~~~~~~~~~~~~~~~~~~~~~~~~~~~~
★朱迪☆
你的支持就是我的鼓勵,希望你能給我一個LIKE 喲~~
請多多指教喲~
 
~~~~~~~~~~~~~~~~~~~~~~~~~~~~~

升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...