地點位於旺角雅蘭，入口位置在山東街那一邊，即朗豪坊戲院對出那條橫街。
環境不錯，服務很好，食得很舒服。
太耐無食海鮮，所以叫了一枱的海鮮及惹味菜式。份量應夠3-4人食，但大食的我們照樣食得哂～
上枱時係震撼嘅！味道亦然，每道菜都很有水準，很好食！！
黑蟹子蝦餅扎肉拼蝦片
猶如曾canape的前菜，這個配搭係第一次食！蝦膠超正，炸得爽口又超級彈牙。配上蝦片及扎肉一齊食，各有特式但依然好味。
法式牛油雞翼
食越南菜必點的！睇落好似好油咁，食落又唔係，頗乾身！味道ok，雞翼怪表示不錯。
法式蕃茄蟹肉大頭蝦湯
海鮮湯濃郁鮮甜，以蟹及蝦油餚成嘅靚湯底滋味無窮，蕃茄略略減輕了蝦油的油膩感，令我差d 想encore。大頭蝦大大隻，啖啖肉之餘亦很彈牙。蟹肉的份量都不少～
除了湯好味外，估唔到豬肉丸係另一殺手鐧！很juicy 嘅肉丸，內有肥豬肉做餡，既鬆化又有豬油香味。
咖哩軟殼蟹鍋
咖哩軟殼蟹是較少見的配搭，有兩隻軟殼蟹而且更大大件，食極都仲有！炸得香口又脆身，根本停唔到手。咖哩香滑但唔算辣，唔會搶左咖哩香味。送飯一流，非常好食！
香芒黑糯米
心型的香芒黑糯米，賣相精緻。
黑糯米不會太甜，配上爽甜的芒果肉，味道很不錯。
總括而言，食物質頗高，服務態度亦很好，環境又舒服，值得再來！
品越越式料理
旺角彌敦道625及639號雅蘭中心1樓116號舖
~~~~~~~~~~~~~~~~~~~~~~~~~~~~~
★朱迪☆
你的支持就是我的鼓勵，希望你能給我一個LIKE 喲~~
請多多指教喲~
沒有留言:
張貼留言