2012年7月31日 星期二

<為食豬介紹> : 高水準的心機中菜 - 皇仁書院舊生會

寶貝的生日飯,一眾忙爆嘅朋友當日先搵地方食飯… = =

很厲害嘅好友係OPENRICE搵到位於大坑的皇仁書院舊生會,更幸運的是,有人即日取消BOOKING,所以我地頂上了。(BOOKING嘅先生不停話我地好彩,平常即日BOOK係無可能的)


第一次唻到,門口已很有驚喜了,跟學校CANTEEN一樣。
然而,每道菜亦出乎意料之外的好吃。而且價錢以菜式來說唔算貴。

菜式不是我點的,不是所有菜名都對,請見諒。

第一道菜 - 桂花蜜餞炸蠔


碟未上,桂花味先至。
桂花茨汁甜而不澀,鋪滿肥美蠔身。清甜桂花配上炸蠔,估唔到係咁夾,桂花嘅清甜減去左炸蠔既"熱氣"。

蠔非常新鮮,隻隻蠔身飽滿、啖啖肉。蠔雖炸過,但唔油膩,蠔味亦很濃。
有朋友臨時唻唔到,我一連食左2隻。

第一道菜已令印象分大加,更加期待接下來嘅菜式。

第二道菜子薑花枝蚌仁炒鴿片


一上菜,已經俾伴碟嘅橙片同青瓜片嘅刀功所吸引。近年來已經好少見到仲有為整靚碟餸而切嘅伴碟。

花枝跟蚌仁炒得剛好,非常爽口。而第一次食炒鴿片,說真的我地都食唔出係咩,我地初時以為係牛、之後以為係豬潤,哈哈!不過味道不錯。

而且朱迪最最最愛食子薑,係夏天時令菜!子薑微辣,炒得脆口。

湯品杏汁肺湯


好耐無飲過嘅心機湯!整豬肺湯,功夫超級多,係出面已經唔係成日飲到了。

而呢度嘅杏汁白肺湯材料重份量。豬肺、白菜、豬骨跟雞腳十足。湯呈奶白色,帶點黃油。湯味濃郁,杏仁味尚可,不過濃一點會更好。近期家中欠湯水,飲多兩碗,滋潤非常。
豬肺煮得非常腍,我地食湯渣都食到飽左。

第三道菜鮑汁柚皮鵝掌


第一次食柚皮,係食鏞記嘅。之後已經食唔到好食嘅柚皮,一唻功夫多,二唻成本平,沒太多酒樓肯花心機整。就算有賣,亦未必好食。

皇仁嘅柚皮係食得第二好食的柚皮,柚皮炆得超腍又入味、無根,入口即融。柚皮用鮑汁扣、加上蝦子,雙重味道發放。而變成配角(^^)嘅鵝掌亦煮得非常腍,骨近乎甩出唻,膠質很重。壽星女大愛,食左好幾隻。唯一美中不足的是柚皮唔夠喉,大塊D會開心好多。

第四道菜椒鹽陳皮蝦

用上較大隻嘅海蝦,油泡過嘅蝦KEEP得到肉身彈牙,蝦殼炸得香脆可口。而且大廚非常細心,挑走蝦腸外,更連蝦鬚及蝦腳都剪走,絕對可以連殼食落肚~HAHA

用上椒鹽跟陳皮唻煮,第一次食用陳皮入饌嘅菜式,雖然平時唔食陳皮,但入口有陳皮嘅酸甜,倒也不錯。陳皮中和左椒鹽嘅咸辣,非常惹味。

第五道菜 清蒸海斑


我唔食魚嘅,所以淺嚐以已。海斑非常大條、份量十足,但肉質很滑,朋友們吃得津津有味。

第六道菜 炸子雞


生日飯當然要有炸子雞,此時我地已經非常飽了,但都人人2舊努力KO佢。炸子雞皮薄兼脆,而且雞肉嫩滑。絕非如一般外間酒樓般粗製濫造。平常朱迪會點椒鹽同喼汁,以去雪味,今次連椒鹽都無點,因為雞味已經十分夠了。

飯後甜點


西瓜配上話梅粉,聽得多,食倒還是第一次。原來加左話梅粉真係甜好多,食一片西瓜,消一消濟~

腰果露湯丸
平常好少食咩咩露,怕滿口粉。但呢度嘅腰果露卻唔會,相信係生磨嘅。
腰果露算係比較稀,腰果味很濃,口感亦很滑,唔算太甜。以飽餐一頓後來說,稀身反而更好,太稠反而會食唔落。配上芝麻湯丸,很飽,卻很滿足。

成餐飯都十分好吃,屬高水準之作。坊間已經好少有如此高水準嘅心機中菜了。
不靠裝潢,只靠食物水準及服務(員工是上一輩的,服務周到但心直口快,HAHA~或者有人會覺得笑容唔夠,但我地卻好受落。一式一樣都倒模service同呢度係唔夾既~)都可以晚晚爆場,亦keep得到水準。絕對真心佩服!!

實在非常感謝BABY暫時暫急搵到嘅呢間好吃飯堂呢!!

小貼士,想吃的話,記住要預早好多訂枱!!

~~~~~~~~~~~~~~~~~~~~~~~~~~~~~
朱迪
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~


2012年7月26日 星期四

<為食豬介紹> Soho中東菜 : Sahara Mezz Bar

香港是美食天堂大家絕不懷疑。
在香港,除廣東菜外,大概諗得到嘅都有得食。

中環SOHO 區更係朱迪心見中嘅美食地球村,想品嚐中日意法英美?
順便一數,2隻手都數唔哂

而這一天,朱迪穿過SOHO的大街小巷,享受了一頓美味晚餐,亦擁有了一個HAPPY NIGHT




先利申一下,朱迪係一個偏好重口味嘅人。
亦係一個超級煩嘅揀飲擇食「八婆」!(不得不用「八婆」唻形容自己,我揀飲擇食嘅程度係曾經俾朋友問:究竟你有咩係食嘅呢?....= =)

食物愈濃味愈愛,亦最愛吃辣。

如果你跟我一樣,絕對要看下去。
但如果不喜重口味呢?支持一下吧 :)
這地方也有適合你的:特色Cocktail & Happy Hour

究竟食咩? Sorry,忘了說 : 是中東菜。位於中環SOHO區伊利近街嘅 Sahara Mezz Bar


中東菜大概沒多少人識分辨,說真的,我也不會。

完成整頓晚飯後,最深印象係中東菜將唔同嘅香料運用得宜。
有少少似印度菜,但絕唔係道道咖哩,每道菜運用嘅香料亦有所不同。
大概係每種香料性格有別,所以有的菜帶微辣、有的帶酸、有的偏咸,唔會道道菜一樣味道。

甫坐底,先上餐前小點。
跟我地(以前)KNUTS一樣,先上一碟開胃菜 : 油浸橄欖



我不吃橄欖,唔知好唔好食,但望落去,粒粒飽滿,應該唔錯。

HAPPY NIGHT嘛,點少得酒?

我地幾個女孩子點左唔同嘅飲品,都是Sahara Mezz Barrecommended drinks!

我的是The Sheikh (Shake 同音) [HK$60]



即是菠蘿味的Mojito!!!!
一聽到Mojito已二話不說點了!
新鮮菠蘿汁配上薄荷葉,比起平常愛喝的Mojito 帶甜一點,薄荷葉落少左無咁搶。
一飲愛上,我會為左呢杯飲品而番唻!


朋友點的Arabian Nights(阿拉伯之夜) [HK$60]


蜜桃加上香檳,朋友大讚!相信女孩子們定必喜歡。

另一杯是Sandy Strawberry [HK$65]



新鮮士多啤莉 + RUMon top 加香檳!
酒味稍濃,甜味亦濃。

病倒的朋友點了Fresh Strawberry Smoothie [HK$46]



味道不錯,重點係新鮮打造嘅Smoothie只係$46!!
我開始懷疑老闆寫錯menu....XDDDD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

飲品後,先上冷盤Egyptian Mixed Platter [HK$160]
 
中東天氣熱,冷盤通常作餐前開胃菜
7小碟,分別有:

(朱迪對這個platter 印象深刻,專登影低左menu認名~~ hoho~)

dip platter,當然唔少得鬆軟的PitaBread(中東包)~



平常朱迪多數食白色的,原來PitaBread也有wheat PitaBread!!wheat的較好吃啦~~~ 哈哈~
暖暖 PitaBread,入口軟軟棉棉! 淨食PitaBread已很幸福了~
加上7款唔同嘅小食 / dip, 一口dip 或一口張食,夾住小片PitaBread食,
還未上主菜,都飽了~~ 嘻嘻~~





7碟當中,最愛吃嘅係茄子蓉(zaaluk)[HK$55]!!!
好食到,我地另外再order一碟!!
Size 差唔多係platter的3倍~


先跟大家說一下,我.係.從.來.唔.食.茄.子.的!!
zaaluk絕對無茄子果隻滑滑嘅古怪感覺!(不吃茄子的你會懂的)

食之前仲要無為意,食食下先知係茄子蓉~~~ 嘩哈哈!!

基本上,如果唔話你知係咩,從賣相、造型、氣味、味道,都唔會知係由茄子整嘅。
(初初朱迪以為係南瓜,而南瓜,朱迪都係唔食嘅....
應該用咗好幾隻 (OR好幾十隻 ??) 香料煮,因為香味甚濃。
而且on top 有鮮洋蔥粒,帶微辣~ 
岩哂鍾意濃味嘅我~ ^^


冷盤後,是salad : Haloumi Cheese ! [HK$65]


中間的塊狀東東似不是肉,
其實係煎香左芝士,質地有d似雞肉。
別以為煎芝士會好膩,呢款煎芝士屬於比較乾身那一種,感覺油份唔重。
而且香後都唔會算太過濃或太油膩,易入口。




小貼士:雖然唔濃味,但夾埋salad油膩感再大減!而且加上黑醋橄欖油,胃又再度開了~嘻嘻~


女孩子嘛,食一碟 salad點會夠? 我地再叫多一碟
 
是另一個特色salad - Roasted Fresh Figs  [HK$90]


Figs是什麼? 無花果是也! 
煲湯無花果飲得多,新鮮嘅整salad比較少食。

新鮮無花果加入蜜糖烤焗,配上羊奶芝士同salad~
原來新鮮無花果係非常juice的!!整salad 真係非常不錯,而且其他餐廳比較少見。
這個salad味道夾得很好,甜甜fresh fresh 的。不錯,我地幾個都非常大愛!
好快就清碟了~~ (我地係蝗虫嗎....= =''')


之後,我地終於肯食主菜啦~~ XDDD
(5道菜先係主菜....減肥點會成功呢我........)

主菜是 : 噔.噔.噔.噔:帳篷!!!!! @@



不是啦,內有坤的喲~
Lamb Tagine with Cous Cous [HK$90]

羊柳粒配Cous Cous! 



香料味濃,唔識貨如我會當佢係咖哩。
羊柳粒煮得好淋好入味,亦因為配上香料,騷味唔強。 
基本上唔抗拒羊的朋友都食得入口。
對於無咁騷嘅羊我係食到嘅,所以都食左頗多~ (雖然已經飽到有左3個月一樣....)
 
只於Cous Cous? 其實我都食唔出Cous Cous係咩,又唔似豆、又唔似粉。



上網查下係唻自北非嘅主食,雖然唔知係咩,但口感特別,味道亦不錯

羊柳粒、Cous Cous、汁&蔬菜一齊食,味道MATCH得很!!
有點食咖哩飯嘅感覺~ 哈哈!
濃味醬汁俾Cous Cous吸收哂,入口時唔會過咸。
羊柳粒嫩嫩的,香嫩幼滑。
配埋一齊食,蔬菜再略略減輕濃味,完滿了。


唔怕肥死嘅我地,仲叫埋Sheesh Kebabs [HK$135]



燒雞肉,但雞肉很嫩,唔會有燒雞肉容易出現嘅”鞋”!
而且,燒薯仔也很好吃~醬汁吸哂入薯仔入面。
side dish 都這麼周到,真係好想問下老闆,你真係唔收貴d?

而一直以為kebabsWrap,原來可以淨食架~~
不過淨食都好,我地已經開始鳴金收兵了。
(諗番轉頭,朱迪第一次食Wrap,係喺蘭桂芳食嘅。浦完後嘅早餐~~XDDD)

....最後最後最後,我地嘅然仲叫埋Moroccan Seafood Paella [HK$160] !!!!


這個是「海鮮飯二重奏」(我亂起的XDDDD 人家沒有中文menu~)
有墨魚、蟹肉,再配上紅椒、綠椒、紅辣椒!
辣辣地,而且味道偏咸。

何解朱迪稱之為「二重奏」?
因為上枱時一時,雖然食左成飯濃味食物,理應舌頭已習慣了。
但呢道飯絕對係全晚之最咸!

但店員教路,將碟上提供嘅檸角擠汁,淋上整個飯面後,卻變成了第2個味道。
整體咸度減半,檸檬汁帶出左海鮮獨有嘅甜味。
加上食到尾聲時,實在太飽了,加上檸檬汁,尚算消一消滯。

終於,終於,我地食哂點完嘅菜。
而我地亦係度繼續吹水~
佢嘅cocktail menu 真的不錯喲~
而且,仲有水煙食, 下次唔唻食飯,飲杯野,試下水煙,都係唔錯嘅Happy Hour選擇喲~


~~~~~~~~~~~~~~~~~~~~~~~~~

食完呢一餐後,實在係十級滿足!
除左肚皮上嘅滿足外,還有心情上嘅滿足啦!
Cozy小店,卻有著鬼斧神工嘅中東菜。

而且埋單都係HK$1,000左右,5個人食,每人只係$200左右。
SOHO區唻計,簡直係平到離譜!!

而且環境唔差,係枱與枱之間窄左d,同隔離枱好近下
(雖然朱迪影嘅相好光,原因係較最大光圈,加後期再較光張相先有嘅效果。餐廳光線係柔和嘅~)

絕對值得推介 !!! 與一班朋友唻食個飯、吹下水,真的不錯喲!



今個happy Friday諗唔到食咩?
Sahara Mezz Bar可會是你嘅選擇?

地址 : 蘇豪伊利近街11號地下
電話 : 2291 6060

~~~~~~~~~~~~~~~~~~~~~~~~~~~~

搵路小貼士 : Sahara唔係soho電梯果邊嘅伊利近街,所以唔駛經電梯上。可以經威靈頓街去到嘉咸街,轉右入士丹頓街,屈番去伊利近街頭就到了~

好難去?打的啦~由中環H&M行上去都要15MINS~ ^^

~~~~~~~~~~~~~~~~~~~~~~~~~~~~~
朱迪
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~


2012年7月25日 星期三

全身美白。你,肯定是全”身”嗎?

自古有云「一白遮三醜」

有理由相信除左減肥係女孩子一生嘅職業之外,追求白晢嘅肌膚相信亦係大部分女孩子嘅次要任務。

而坊間亦有各式各樣美白產品供諸君選擇,然而,可見人嘅部位需要美白,那不見人嘅就不需要嗎?

有見及此,一直對女孩子呵護備至嘅Lactacyd最近推出了Lactacyd White Intimate,好讓女孩子達到全身美白嘅效果!



早前朱迪出席了Lactacyd White Intimate嘅產品發佈會



活動上除左介紹新產品外,亦邀請了星級形象設計師 Celia Wong (佢係時裝店DaDa創辦人,曾任Kelly & 謝安琪等形象設計) 出席,分享夏日襯衫秘訣。





Celia貼身褲依然係今年主流,但顏色上就唔再係黑或pattern,而係今年大熱sharp color 或螢光色!! 而愈貼腳愈好!

Celia分享後,大會亦舉行了簡單而隆重切蛋糕儀式,慶祝Lactacyd White Intimate係香港發佈呢~




呢個精心訂造嘅美美嘅tailor-made 3D cake好靚喲!!! 仲要以全新嘅Lactacyd White Intimate為造型呢~


而每一位出席嘅blogger都收到一個cupcake一齊同Lactacyd慶祝呢~





又是另一個朱迪唔捨得食嘅cupcake~



Lactacyd White Intimate係主打美打效果,大會更特別安排了醫學儀器,等大家可以度一下自己皮膚嘅美白度呢~


測試之下:
朱迪手臂嘅美白度是17
而最常摩擦到嘅手臂內側是23

估唔到結果係normal range之內!! (因為朱迪成日托頭)
睇唻要將用開嘅body scrub 介紹一下了~~ ^^

回家後,朱迪亦急不及待試呢支全港首具美白功效嘅女性潔膚液!!



分享前,先要講下點解連私密處都需要美白。

皮膚科醫生指出,紫外線、外力嘅摩擦、荷爾蒙影響,都會刺激皮膚底層產生黑色素。

而愛穿貼身褲&leggings嘅女孩子們要留意喲!
著得太貼嘅貼身褲,因貼身褲同身體嘅摩擦、流汗、荷爾蒙分泌等因素,都有機會令私密處跟bikini位變得膚色不均喲!

而用係如此重要部位嘅pdt,更要留意成份。

Lactacyd White Intimate加入左唻自大自然嘅美白精華 – Algowhite 精華&Actipone-B精華。

除可亮白皮膚外,更可加速去角質層,加速美白。

有天然成份,就唔擔心喲!!

而且朱迪亦是Lactacyd嘅小粉絲(雖然只係特別日子先用~)
每次使用後都會有更舒服嘅感覺。

而新產品嘅氣味非常討好~ (朱迪對花嘅味道有腦殘,估計香味係唻自水仙花嘅清幽~)



將新產品倒係手掌心(大約HK$5 SIZE),加清水搓至起泡,然後跟平常沖涼一樣清潔、沖洗乾淨後就OK



而且性質非常溫和,用後比平常用嘅配方挺清爽一點~
品牌表示使用4星期更可美白特別部份、bikini位甚至腋下。

咁樣,以後去沙灘唔駛再擔心bikini位唔夠好睇了~

(但事實上朱迪今年無去過沙灘呢.... = = ''')

(為左逼迫自己減肥,我決定post那些年的瘦爆身形刺激自己!!!!)
(不喜勿插 ^^)



Btw, 如果平常經常著貼身褲嘅你,別忘了美白好拍檔喲~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

活動結束後,不忘跟大美人,亦係Lactacyd 2012亞洲區代言人劉心悠小姐....嘅紙牌合照啦~~~


企係劉心悠小姐隔離,我同非洲黑人無分別...... 心灰...
...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 btw, Lactacyd 有很多唔同pdt,有時間可以去睇下,仲有一款適合自己的~ ^^


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~



~~~~~~~~~~~~~~~~~~~~~~~~~~~~~
朱迪
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~




大圍平靚正日式料理★壹級日本料理★

早排要去大圍幫朋友搞結婚嘢,上去前亂搵OR,發覺美林村有間平靚正日本嘢壹級日本料理,反正地鐵站行去都係10分鐘,就去試下啦。 壹級日本料理係冬菇x果度,店面好大,但星期六lunch都full。好彩我地得2條友,等一陣就有位,而且員工執枱好快手。 坐底發覺lunch...