2018年2月21日 星期三

elyze★皇牌 CoolSculpting冷凍溶脂療程★送*獨家* Gratus醫美平台尊享禮遇

自從facebook有咗“當年今日”呢個function,我每次睇番啲相,都無眼睇...
實在忍唔住再肥落去,決定去elyze定位修形做機減肥!!

三年前為咗結婚,兩個月內狂做運動減咗20磅。


兩年前樂樂滿月嘅時候,因坐月坐得好加餵人奶,我瘦番30磅,只比大肚前肥十磅。

(攝於樂樂30日)
(攝於樂樂80日)
(攝於樂樂90日)

到樂樂一歲,我都仲keep到。


之後餵奶次數大幅減少,但食量一樣,我係半年內極速變肥。
到而家樂樂2歲,已經係慘不忍睹影相只能高抄

終於,係無時間做運動嘅情況底下,我要去做機減脂!!!(全職媽媽嘅忙同困身,係堅辛苦過番工) 就係 elyze定位修形 嘅皇牌 CoolSculpting冷凍溶脂療程

做咗媽媽習慣事事都要好小心,所以去之前已經上網做定功課,睇咗佢地嘅資料:
療程以專利技術利用特定低溫,1次療程可消除特定部位的脂肪細胞數量達22% 。技術獲美國FDA及歐盟28個國家CE認可,安全可靠,全球有超過500萬用家見證。

揀佢嘅原因除咗因為elyze係Neo Derm Group期下嘅品牌,大牌子有信心保證外,亦係因為CoolSculpting冷凍溶脂療程,佢能夠針對特別難減部位,包括:大脾、腰腹及手臂,甚至副乳、上背及膝蓋上方等細位置。只需做1 次,就可消除療程位置嘅脂肪細胞數量達22% 。無須開刀或麻醉,無康復期,做完行得走得唔駛戒口。我果日做完番到屋企照做家務煮飯湊仔單手抱仔,老公完全唔為意,到時候佢只會見到我瘦咗靚咗嘅樣 XDDDD

講番個療程,我喺尖沙咀北京道一號嘅elyze做,佔地全層仲有海景,非常寫意。



先登記個人資料同填問卷,令治療師更了解我嘅身體狀況同減肥目的,確保我適合療程。

同我做療程嘅專業治療師係Irene,感覺好專業,講解咗今日嘅流程就帶我入房,房間寬敞,仲有全身鏡好好睇清自己嘅身型,我要同我呢身肥肉講拜拜!!!!




先換上sport bra同短褲後再去做Inbody身體分析及脂肪測試,Irene詳細講解我身體嘅水份、脂肪、肌肉、骨骼嘅分佈同比例,確保設計出一個最適合嘅定位修形方案。



而最令人驚訝嘅事發生咗啦,Irene話我嘅測試結果非常好,有91分!!!!!

我嘅腰臀比例係0.74,係最理常嘅“沙漏身型” (0.85已經係中央肥胖)。

簡直難以置信......


Irene解釋,因我嘅基礎代謝率高,同埋肌肉量比脂肪多,我覺得自己好肥係因為我肚腹位置好水腫,加上生完樂樂後個肚鬆咗。所以我睇落去好多肉,但實則唔係。
然後,我地就番去treatment room做鏡前評估,搵出我最需要做CoolSculpting嘅位置。


我同Irene表示,我最想做係肚位因我計劃生第2胎,想喺大肚前瘦身,唔係就堅瘦唔番。


但Irene就話,我個肚其實係因為生完鬆咗,我仲有2條隱約嘅馬甲線,腩肉亦唔多

相比起肚腩,我下身尤其係大髀脂肪率更高,另外就係腰側嘅贅肉最礙眼。



最後,Irene建議我做腰側位置。因為呢2舊肉無得遮,考慮到我想再次懷孕同著衫好睇d,呢個部位比減大脾更急切。 完成詳盡嘅分析後,我亦同意Irene嘅講法,先減腰側,而我只需要做4格嘅CoolSculpting就可減走我呢2舊肥肉,仲可以坐係度做。

Irene先用CoolSculpting專用尺畫出療程位置,每邊上下2格。而機頭係好大嘅,唔駛擔心做好多次先覆蓋到想減嘅位。





之後再用冷凍溶脂專用清潔布,清潔皮膚一分鐘,再鋪上gel pad就放機了。將部機綁好後,放好毛巾s、cushions,令我舒舒服服咁等時間過。每做一格,要35分鐘。



冷凍溶脂療程原理係利用真空吸吮技術,凝結療程部位脂肪,令脂肪自然凋亡,再經新陳代謝自然排出體外,1次療程就減到22%脂肪,效果大約2-3個月內呈現,即係呢個位既脂肪層會減薄1/5咁多。

做嘅時候會有少少痺痺地,有人會好唔舒服,而我係無咩感覺。(仔都生埋,痛呢個字我已經唔識佢好耐😂) 淨係覺得部機吸得好實。



而Irene表示好多客都覺得療程唔算舒服,所以第一次會先做一格,但我就心急想一次過做哂同一邊嘅2格 (笑)

呢35分鐘我好悠閒咁過(難得嘅平靜呀!!) 每隔10分鐘Irene會嚟睇下我需唔需要飲水、有無唔舒服等。



完成後,會再加2分鐘人手按摩,Irene細心提示呢part會係最痛。但........我依然覺得唔痛XDDDDD
我見無咩唔舒服就再提出想做埋第2格。
但Irene表示我始終第一次做,唔好太心急,過2日再上嚟做都無問題的,唔會有大細邊嘅問題。
佢太貼心知道我嘅顧慮,所以我亦放心換衫走人。

完成療程後,因身體會可能會有炎症嘅反應,即係代表脂肪細胞開始排走緊,所以3日內唔可以飲酒,唔可以食消炎藥,最緊要第2日唔好太操勞,唔好學我去迪士尼吹風最後整病咗自己咁低b。

非常期待2個月後嘅自己,可以著番長褲唔駛再煩呢2舊肥肉。



如果你都想試做,去呢度登記就可免費體驗啦!

*獨家* Gratus醫美平台尊享禮遇想體驗冷凍溶脂療程威力嘅姊妹們,即上elyze母公司Neoderm的醫美網站Gratus: https://www.gratus.com.hk/s/KVQVXK
以半價優惠購買2次Coolsculpting冷凍溶脂療程吧!


例如你想做左右手臂拜拜肉,正價需要$13,200,而家只需要$6,600
此優惠只限Gratus平台啊!


以我做4格做參考,2-3個月就可以將肚腩脂肪減薄1/5,值得考慮呀!
部位
折後價
原價
手臂 x 2
$6,600
$13,200
腰腹 x 2
$6,600

$13,200
大腿內側 x 2
$6,600
$13,200
臀部下方 x 2
$6,600
$13,200
大腿外側 x 2
$8,000
$16,000
副乳 x 2
$5,600

$11,200
膝蓋上方 x 2
$5,600
$11,200

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~




2018年2月12日 星期一

肌膚都要做運動★NU SKIN LumiSpa★用一次已改善膚質

做咗半年全職媽媽,24x7全天候湊仔做家務,嗰種攰係好想狂做運動嚟令人回復精神。加上個人老咗,膚質好明顯冇之前咁好。 亦咁啱見到我嘅facebook朋友力推呢部機美國品牌♡NU SKIN, ageLOC® LumiSpa 新動透亮機♡,主打「肌膚都要做運動」,當然要試下啦!


LumiSpa係洗面機,利用首創獨家專利「微脈動反旋科技」,達至一機雙效嘅煥膚淨化功能,2分鐘改善膚質。


用LumiSpa洗面,最好配合埋LumiSpa新動淨膚露,發揮最大潔面功效。跟機配件有機座同插蘇,洗面機機身纖巧,插蘇亦很迷你,方便拆件及收藏,去旅行都可帶埋去, 貼心方便。



LumiSpa潔淨功能超好,能徹底卸妝之餘,亦可深層清潔毛孔及面部按摩,喺屋企都有做spa嘅效果。
護膚導頭採用銀離子醫學級矽膠,溫和去角質,不傷肌膚及幫助促進後續護膚品的吸收,呵護肌膚。加上矽膠不易發毛及藏細菌,更加衛生。

清洗非常容易,拆出來直接沖水,之後風乾就可以了。



洗面時先將LumiSpa新動淨膚露在濕潤嘅手上輕輕打圈


將LumiSpa機放在面上來回推動即可,無需施力,因部機預設嘅獨特旋轉頻率,可徹底清潔毛孔深處嘅油脂同污糟嘢。


用時皮膚無拉扯感,非常舒服。如果稍為用力,LumiSpa會自動暫停以免加重皮膚壓力。心情放鬆咁在面上來回推,就可深層清潔,非常爽!

以為咁樣深層清潔後塊面會好乾,出奇地又唔會,之後再沖完涼先進行護膚程序都唔覺得乾。

最開心係第一次用,已明顯見到面色亮白起嚟,毛孔亦細緻咗!再者,震動洗臉嘅方法好似同肌膚做運動,幫助維持健康肌膚蛋白,達至煥膚效果。2分鐘就見到效果,太驚喜啦!


每日用4分鐘就可同塊面做spa抗衰老,實在太爽,值得推薦呀!


NU SKIN 網站: http://www.nuskin.com
熱線電話:(852) 2837 7700

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



2018年2月11日 星期日

撐香港小店★Sandra Gourmet★輕油輕糖童年回憶口味曲奇

新年就到, 人妻緊要辦年貨啦!

曲奇餅係我主攻嘅年貨之一,因為多數都係送俾長輩,朱古力、糖又甜又唔健康,曲奇餅感覺上健康D,所以我每年都揀唔同牌子嘅特色曲奇餅,就嚟江郎才盡啦 XDDD 以往我都係揀啲包裝同造型比較fancy嘅台灣品牌曲奇,今年竟然喺foodwise搵到一個新嘅曲奇餅品牌,係香港嘅自家品牌Sandra Gourmet 閃卓美食創作室。


店主Sandra 媽媽喺香港土生土長,閑時好喜歡自家製作美食同朋友分享,上年創作出自家品牌Sandra Gourmet,售賣一系列美味自家製作嘅曲奇。

一盒曲奇有齊香港人嘅回憶口味仲有常見嘅口味,一盒共有八款口味:包括南乳、黑白芝麻、蝦味、薑味、杏仁、藍莓、咖啡同埋杏仁朱古力。


口味獨特之外,仲係輕油輕糖配方,不含防腐劑及色素。



盒曲奇本身我係孝敬媽咪嘅,我同媽咪都未食就俾咗樂樂做小食,佢真係識食呀 XDD 每日都要扭食曲奇餅,一有得食就乖乖咁坐低啦。



佢隻隻味都話好食,不過就無比杏仁朱古力同咖啡佢,免得佢太hyper,加上我要留番俾媽味同自己 XDDD 另外,我最鍾意佢用獨立包裝,雖然好似冇咁環保,但保存性更好,唔使一開咗盒曲奇餅就要幾日內食曬,食唔曬都係浪費。


仲有幾日就新年啦,仲未辦年貨嘅不如考慮下呢款曲奇呀,老人家小朋友都食得呀!


令人一試難忘。現在Sandra的曲奇已經衝出香港,於機場離境大堂店舖#discoverHongkong 售賣,近日更將於Foodwise 11間分店出售。


網上訂購:https://www.facebook.com/sandranggourmet/
Foodwise 分店有售:http://foodwise.hk/hk/address.html

新年仲會做Promotion ,係專頁或Foodwise買都有優惠,一件九折,兩件八五折,四件以上八折
詳情請留意Facebook la ~❤



謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~

升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...