2017年10月28日 星期六

香港貿發局香港國際秋季燈飾展💡打造智能家居

最近有意搬屋,咁啱有香港貿發局香港國際秋季燈飾展(秋燈展)係香港會議展覽中心舉行,去偷師一下。


今次展覽,貿發局更提供現場免費print相服務,將照片上載Instagram並hagtag燈飾展,就可以免費列印照片呢!

智能家居興起,今次睇咗2個關於智能家電嘅booth,了解咗更多。

曼佳美



先去睇曼佳美®熒智®ZB智能照明方案。


只需一個app,就可遙控家中各個照明系統。 升級版本支援Amazon Alexa語音指令系統互動。家中每位都可以智能裝置用作無線遙控器,又或向Alexa發出語音指令去控制照明產品。 喺屋企開關電燈、調節光暗或者場景設置都非常方便。 聲控開關非常方便,唯一有少少麻煩嘅就係家中長者未必用到。

睇完國際大牌子嘅系統當然唔少得本土品牌。

Yoswit

Yoswit嘅智能照明控制開關,無需額外安裝,一換一咁樣取代傳統電燈開關,非常方便!除咗可以控制照明系統外,仲可以控制電動窗簾,最啱我呢啲懶人,朝早開咗個窗簾就可以叫醒個仔。燈掣更有多款顏色選擇,切合每位用家需要同家中設計!

不過就未有聲控,主要靠app控制。

Sim Lighting Design Company Limited



好多時燈光設計影響家中設計,想特別d可以揀呢一款獲取多個設計獎項,全球首創嘅縲旋燈絲LED 電燈膽。 外型同鎢絲燈膽一樣, 實則係LED, 幾慳電又靚仔!



另外仲有轉色嘅燈膽,同其他轉色燈膽唔一樣嘅係喺“鎢絲”度轉色,非常靚仔,好過會轉嘅,好似DISCO LIGHT咁。

Shun Sze International Limited
最後仲發現咗由細到大嘅一個謎絲,就係點解戶外嘅聖誕燈飾就算落大雨都唔會燒著,就係用上防水燈。




呢個公司包辦在全港8成9嘅戶外燈飾~


同埋原來個燈泡都幾細喎。
第19屆香港國際秋季燈飾展
日期:10月27至30日
時間:9:30 - 19:00 (10/30至16:00)
地點:香港會議展覽中心
網址:http://www.hktdc.com/fair/hklightingfairae-tc

2017年10月23日 星期一

優惠筍到一個點★安信★EarnMORE信用咭

提起安信,好自然諗起問安信兄弟借錢。

但原來安信有張超筍嘅信用咭,佢嘅現金回贈勁抵!抵到連我怕麻煩嘅老公,都肯申請。


講緊嘅係安信嘅EarnMORE信用咭,卡如其名,每次碌卡都賺多d!


先講🌸迎新禮物🌸,分別有
🌸1) OTO Adore Back 3D按摩座墊(AB-88)(價值:$1,998)
送俾父母、老公或自用都好~




可以紓緩腰酸背痛,上班一族及低頭族用就最啱!有埋遙控器,按摩手法及功能一目了然,隨時嘆按摩!
保養期:一年原廠保養
顏色:香檳金
參考價:$1,998


🌸2) 另一樣係💖💖💖現金回贈$500💖💖💖,啱晒我(可以繼續買XDDD)!
我老公都係揀呢款,然後被買嘢俾我XDDD


想要迎新禮物,發卡後首90日內憑新卡零售購物金額滿HK$8,500,就拎到啦!
HK$8,500呢個目標都易儲,每個月碌HK$3,000左右就OK!簽賬達標後,現金回贈會喺四個月內存入信用卡賬戶。


迎新禮物吸引係基本,但張卡仲有其他超筍優惠!


💰1) EarnMORE現金回贈💰


用EarnMORE信用咭簽賬購物就有現金回贈!全年無上限咁賺現金回贈‎
普通卡每消費HK$150就回贈HK$1,白金卡每消費HK$100就回贈HK$1。
咁如果唔夠數呢?最正係會PRORATA以回贈比率計算!!唔駛下下計住數唻簽,呢樣對我呢d C9仔就最吸引!


💰2) 「八達通自動增值」現金回贈💰

平均一個月八達通增值2-3次,每次都有現金回贈,嘟多d賺多d!


💰3) 網上申請額外享HK$200現金回贈💰

筍嘢梗係齊齊賺!只要透過以下連結成功申請EarnMORE信用咭,即時享HK$200現金回贈,未簽帳已經俾咗你先!快啲申請啦!去到2017年11月30日止!


計下條數,申請EarnMORE信用咭嘅優惠,比我而家用緊果張抵好多呀!
最緊張係CASH IS KING!
每次簽卡都有回贈,賺埋賺埋又可以幫補下,非常爽呀!


※ 受條款及細則約束
謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



2017年10月17日 星期二

香港貿易發展局★國際環保博覽2017★率先睇

環保除咗保護環境外,亦可以令到生活更便捷。

「第12屆國際環保博覽」即將舉行,由香港貿易發展局和法蘭克福展覽(香港)有限公司合辦、香港特區政府環境局協辦,將於10月26日-29日喺亞洲國際博覽館舉行,今年有超過320家參展商展示佢哋突破性嘅環保技術及創新智能產品。



今年博覽以「創新環保方案.構建綠色城市」為全新主題,設有十大展區,重點展區包括「綠色建築及能源效益」、「綠色運輸」、「廢物處理及循環再造」、「水處理及水質管理」,以及全新嘅「初創專區」。



今日朱迪係發佈會上了解今年嘅博覽同率先睇咗部份創新智能產品,以下係我覺得好貼地、亦好方便嘅環保產品。

我同老公都係「水怪」,好多年前已習慣自攜水樽出街,不過一支800ml只夠我地2個人飲幾個鐘,之後都係要買嘢飲....雖然公園、運動場都有飲水機,但如果你飲過,會飲到一陣微微鐵銹味 :(

「城泉」:「Well井智能添水站
今日係發佈會上認識咗「城泉」推出嘅「Well井」,亦係我今日最鍾意嘅設計。「城泉」係香港原創品牌,設計嘅「Well井」智能添水站,內置商用標準濾水系統,將自來水過濾成飲用水。味道絕無怪味!!


外型仲要幾靚仔~~比起一般公司用水機纖瘦好多。 設有 LCD mon,可顯示添水後累積節省膠樽數目。在商言商,更可以放置廣告呀 XDDDD
而家係銅鑼灣希慎廣場2樓(APPLE隔離)同香港科技大學都已經有一部啦~
「水處理及水質管理」展區:Booth no. 3-G09

家用廚餘機
作為一個不時煮飯嘅C9,處理廚餘係每日嘅指定動作。想當年係美國,見到人地嘅廚房SINK內置處理廚餘器已經好羨慕。
今日見到一部「家用廚餘機」,SIZE同麵包機、飯煲差唔多大,每24小時可以處理1kg嘅廚餘,廚餘變成有機肥料,方便、環保又慳位。
「廢物處理及循環再造」展區:Booth no. 3-F17

另一個減廢嘅產品,就係呢個★展示版★!
其實佢係圍板嘅UPCYCLING,係香港嘅商場經常性都會轉手或裝修,當中嘅圍板用完就棄,亦不能再做圍板。呢間公司將d圍板升級再造,令佢地重生,亦可避免砍伐樹木。
「廢物處理及循環再造」展區:Booth no. 3-D22

除咗有業界關心嘅展品,亦有市民都可用到嘅環保產品「

🌸10月29號嘅公眾日🌸,免費開放俾公眾人士入場,當日有免費穿梭巴士來往機場、東涌同港九市區。當日有「綠色市集」可買綠色產品及健康產品、「環保工作坊」即製環保吸收包、「公眾日專題論壇」請來香港天文台長講解氣候變化。

以下呢2個係我嘅心水。

💖「環保觸覺」嘅「橫額環保袋」,將全港成千計嘅橫額重生。公眾日亦有workshop,有導師現場教你將橫額變成袋!

💖「好椰」嘅「好椰KissBalm純天然潤唇膏」,用100%植物性可食用嘅原材料製成,能抗菌、軟膚同保濕。包裝用上可分解物料,健康又環保。

10月29號又多個親子好去處啦~

國際環保博覽2017
地點:亞洲國際博覽館
日期:10月26日-29日 (星期四至日)
開放時間:
10月26日(星期四)10:30am - 6pm
10月27至28日 (星期五至六) 10am - 6pm
**10月29日 (星期日) 10am - 5pm **免費開放公眾參與**

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~



2017年10月12日 星期四

優兒活★了解自己嘅查克拉★

做咗媽媽後,長時間唔夠瞓、生活壓力大、育兒生活又忙又累,令到我嘅壓力大到一個點。
以前都會約人食飯睇戲飲酒減壓,而家已經變成不可能。

早前認識了「優兒活」,這機構鼓勵「身心合一」,改善心理從而改善健康。


引進了新科技,採用全球頂尖的量子科技「德國量子科技TimeWaver」同「GDV(人體能量場分析儀器)」,協助你更加了解自己嘅身心健康狀態,提供專業咨詢服務,改善健康及管理情緒方法。

TimeWaver運用量子物理信息,屬於能量學嘅一種。用TimeWaver check 身體嘅frequency,從而check我嘅energy level,反映我嘅身體問題同情緒狀況。

簡單D唻講,如果你有睇「火影忍者」,TimeWaver係check你嘅「查克拉」(或港釋嘅卓羅)。
如果你有好嘅「查克拉」,你嘅身心靈就會傾向正向;相反亦然,更會係皮膚度表現出唻。透過了解你嘅「查克拉」,去改善身心狀況。

呢日我就帶埋樂樂上去~ (全職媽媽要帶仔仔周圍去)


但「優兒活」有個小小的playroom,樂樂玩得好開心~

而媽媽我亦可以靜靜的、專注咁見中心顧問,了解自己嘅問題。


中心顧問有臨牀心理專科經驗,亦有做心理輔導,非常專業。
首先同我影張相,再將掌心放在TimeWaver機上面。



中心顧問睇完我嘅「查克拉」,先同我面談去了解我嘅心結、情緒問題。同時亦反映我內心深處嘅矛盾,知道我長期失眠嘅源頭。



之後中心顧問開解咗我一段時間,亦建議幫我做「Vibrate」去改善我的身體狀況,因為我失眠係好嚴重。嘗試由vibrate入手,幫我容易入睡。但同時亦令我知道,我嘅失眠問題係因為長期而嚴重嘅壓力。

之後再做「GDV」,透過指模去了解更細緻嘅身心狀況。

「GDV」會顯示一個人體能量場模型,亦會有脈輪、陰陽等,將能量場圖像化,並可預測未來一個月嘅energy level。

脈輪係人體能量嘅中心。人身一共有七個脈輪,反映情緒及心理狀態。

完成TimeWaver及「GDV」後,顧問俾咗一d建議我,叫我要LET GO。亦跟據情況,建議合適嘅Timewaver  Frequency治療。顧問知道我失眠太嚴重,建議我做針對改善睡眠質素的治療。



治療非常簡單,左右手各握一支電流棒,透過微電流,修正我嘅「查克拉」。
過程中無任何不適感,約20分鐘就完成了。

完成所有儀器分析及顧問建議嘅療程後,有一份約20頁嘅分析報告俾我番去慢愎睇。
體驗咗「優兒活」嘅 TimeWaver及GDV後,深入了解自己嘅身體狀況及情緒問題來源,令我更正視自己嘅問題。而做完治療後,失眠情況有所改善。
更重要嘅係,我嘗試踏出一步去話俾屋企人知我嘅問題,情緒困擾問題得到改善。

如果你都遇到情緒問題,困住自己,想搵一D指導,可以唻「優兒活」試下TimeWaver及GDV! 會有幫助喲~
另外,「優兒活」亦係全球各地搜尋一些最優質嘅 健康產品。
作為媽媽,我對呢部「多功能空間清淨機」最有興趣。有幾個SIZE,可放廳或房。

呢部可以放房,有效範圍係半徑5米。

除咗呢部,我最感興趣係呢部掛頸版,有效範圍係半徑1.5米。

外型迷你,俾樂樂用最啱。雖說俾小朋友病下,儲下抵抗力,但N班真係好多細菌,番咗一日就發燒了 XDD

大吉利是真係病得好勁嘅,我都會考慮買呢部~


Optimize Wellness Center 優兒活
銅鑼灣糖街29-31號匯景商業中心22樓
2177 7683
info@optimizehk.com
https://www.facebook.com/optimizehk/
http://www.optimizehk.com

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~




升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...