2016年2月20日 星期六

BB展 攻略 (第一日19/2去嘅)

樂樂4個幾月,開始要準備加固 所以我今次既target係加固食具,牙膠,咬咬樂同消耗品如濕棉,濕紙巾~
今次係hall 3F,雖然細左,但大6人少左,想買嘅牌子都有,所以都值得去。


Free samples :Must go booth

美素佳兒送食飯衫,我上年已登記,所以收到sms,或買書仔,一張coupon 換一件。

條龍好長,兜左一個圈,但去得好快,話排9個字結果9分鐘拎到。

惠氏有兩條隊排,上網登記咗先同埋要電話登記。

已登記咗條隊會短d,15mins 左右。贈品係學習杯。
美贊臣條隊去得好慢,排咗大半個鐘,但值得去!!
都係要電話登記,加關注wechat
記住先做齊呢d野。未登記嘅媽媽記住影低出世紙copy或懷孕證明。
贈品係尿片墊+圍巾飯兜,另外有凡士林,J&J 濕紙巾同shower gel。
遊戲區是拎食物盒,“玩一次就有一個“,你懂的。
最後影張相就有cookbook啦!

卡洛塔兒每日限800籌,要like fb + 書仔coupon+做問卷,贈品有隻幾靚嘅碗仔。我無書仔加好似排好耐,最後無排到。想要嘅媽媽記住一入場就去排。



雪印牛油芝士個counter,抽扭蛋,可無限排,亦排得快,只要like fb就得。

買野分享樂樂近排勁流口水,所以要買咬咬好樂同牙膠。

Kidsme (booth N11-12)
去咗Kidsme booth, 勁多人睇,d 野又平,我買咗呢幾樣,都係3百幾。

買230 果set ,會自動減左10蚊。即場入會送牙刷。
牛牛pattern呢個,可造成雪條俾樂樂咬。
思詩樂
好抵,我掃咗600蚊野走, 買滿$500免費送貨。
買左10包乾棉,3包洗衣液,6包bottle cleaner, 退熱貼,即棄圍巾


好多人讚好用嘅arau,但因唔夠思詩樂平,所以無買到。

仲有其他立雜野。
Chuchu 奶樽 $278 4個

booth : Comical Kids Land (booth E09) 
咬咬巾 $100/ 2 個

Brother Max (booth E10)
口水肩連咬咬巾,又靚又好用!

總括嚟講,都幾好行同抵買,值得去。
謝謝收看~請多多指教喲~

~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
bluesky_judy@yahoo.com.hk
www.facebook.com/JudysWonderland 
~~~~~~~~~~~~~~~~~~~~~~~~~~~~


2016年2月19日 星期五

The FACE inc ★Eye Lift 鑽石眼眸精華★30秒急救精華★

新年四出團拜,幾個月無見嘅朋友除咗讚我修身修得快外(SORRY,太自戀了...) ,下一句就係心痛咁話「黑眼圈大咗。」要令朋友擔心,真係過意唔去。但無計,人奶媽晚晚餵夜奶,好耐無試過連續訓超過4個鐘~

早前出席了一個新嘅品牌The FACE inc嘅發佈會,推出嘅革命性Eye Lift 鑽石眼眸精華,更可做到30秒急救效果,聽完我即刻叮一聲呀!



The FACE inc主打醫學護膚產品,利用突破性科技研製產品。其獨家高濃度活性成分,致力改善粉刺、暗瘡、色素沉澱、疤痕、細紋和皺紋等各種肌膚問題,全面改善肌膚健康。

最特別嘅係,The FACE inc建立咗Dr Rei網上診室。能快速準確咁了解你嘅皮膚狀況及真正需要。完成個人諮詢同分析後,系統會跟據你嘅個人生活、習慣同皮膚類型,度身訂造一系列最適合嘅的護膚套裝。

當日The FACE inc嘅代言人黃芷晴小姐同我地分享用後感,更親身示範產品嘅使用方法。


一盒 Eye Lift 鑽石眼眸精華 共有16支,獨立包裝可以保持新鮮度,每支大約用 2-3 次。

使用方法簡單,每次開新精華時,先將瓶身同針啪開,再將支針係另一邊推入。

頭2次較易推入,最後一次就要大力D或者要借力啦!
因我問題嚴重,所以份量用多D~

採用野生大豆萃取物、活膚成分Perfeline、天然的抗氧化劑維他命C、活胜肽等。搽上眼周肌膚後,再用指腹輕按,大約30秒左右,會FEEL到眼周肌膚有緊致感。近鏡一睇,膚色嘅亮澤感很提高了。

連續使用幾日,覺得效果也不錯呀,就算晚晚2點幾訓,對眼都未至於太恐怖呀!



如果連續使用30日,每日兩次,更可達至改變膚色、緊致肌膚、減輕浮腫、淡化黑眼圈,同時撫平細紋嘅效果。等我再努力多一排,希望對眼快D唔好咁熊貓啦!





謝謝收看~請多多指教喲~
試用及相關資料由品牌提供

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆
bluesky_judy@yahoo.com.hk
www.facebook.com/JudysWonderland 
~~~~~~~~~~~~~~~~~~~~~~~~~~~~



2016年2月15日 星期一

回憶嘅味道★金記冰室★

去到金記冰室食晚飯,梗係要叫佢嘅招牌菜~


咖哩牛腩農夫包




識得食梗係食咖哩牛腩農夫包
重口味的菜式,咖哩香濃惹味、微辣,食唔到辣嘅都唔怕~仲分上咗咖哩汁,可以狂點包食
牛腩煮得夠諗身,跟咖哩更是絕配。農夫包外脆內軟,絕對是麵包痴的至愛。
一個人食哂成個或HAPPY SHARING 都好正~


食食下農夫包,見到有人叫西多,為食嘅我地又跟住叫。





即叫即炸,炸得漲卜卜,上枱時仲見到閃令令嘅油。但咁先係正!
外脆內軟,內層夾住滿滿嘅花生醬,對出面嘅西多已經失望夠,係呢度食番細個時嘅味道,每一啖都係傳統嘅好味道!


另一要試就是家常小菜㰖菜肉鬆四季豆,屋企少煮四季豆,因火喉唔夠就炒得唔好食。夠火喉之餘亦不會太油,㰖菜嘅鹹香味,送飯一流!





唔夠訓有D作病,叫咗杯熱薑檸樂唻順喉,薑味濃,飲完鼻塞都通埋~





今次食嘅全部都係細個鍾意食嘅,跟回憶嘅味道一樣,值得再來。

金記冰室
灣仔天樂里6-18號恆安大廈地下D及E舖

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
bluesky_judy@yahoo.com.hk
www.facebook.com/JudysWonderland 
~~~~~~~~~~~~~~~~~~~~~~~~~~~~

2016年2月13日 星期六

★必試Jar-Lato同臘味雞蛋仔★Oddies★

新年前係新抱一年最忙嘅日子,又要準備過年、又要買禮,仲要執屋同準備仔仔嘅新年裝。近年指定動作都係去上環買海味,今年仲要揹埋仔仔去,然後番南區見爺爺嫲嫲。買完海味人都散...同老公講我要食雪糕,就索性去歌賦街搵雪糕食!(我知好遠,但反正都行左幾個鐘,為左慰勞下自己,幾遠都要去!!!)其實係因為知道Oddies喺歌賦街開咗新分店,點都要搵個藉口唻食啦~哈哈~

呢間分店有位坐,可以慢慢嘆~裝修亦好舒服~


  
雪糕款式好多,淨係handmade gelato都有十幾款,最特別係有薑味雪糕~~





另外更有中環店獨有嘅新口味Jar-Lato,



心大心細唔知點算時,店員話可以叫一個Jar-Lato,上面再加一球雪糕~~超開心,即叫!


Jar-Lato共有4款,我點了coffee break,上面再加一球薑味雪糕。



薑味雪糕薑味濃、微辣,仲食到一d細細粒嘅薑。gelato依然好滑,慢慢食又唔會溶得快。
Jar-Lato係個人心水推介,賣相吸引,而且勁大杯,成個玻璃樽咁多嘅雪糕呀!!



係食完薑味雪糕後開始食都未溶~
coffee break內有超香濃嘅咖啡gelato,一層層由唔同餡造成嘅Layer,分別有toffee餡、brownie同焦糖脆粒,味道有d似樂家杏仁糖無咁甜版~


我食雪糕就已經飽啦,老公揹住仔仔唔方便食雪糕,叫咗呢度另一推介嘅雞蛋仔 - 臘味雞蛋仔!!!

拎上手已經好香,料亦豐富~內有粒粒臘味,蛋味香濃,真係估唔到臘味同雞蛋仔係match嘅!!


好彩堅持要行過唻食雪糕,食完勁開心~~又可以繼續搞新年野啦!

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
bluesky_judy@yahoo.com.hk
www.facebook.com/JudysWonderland 
~~~~~~~~~~~~~~~~~~~~~~~~~~~~


2016年2月4日 星期四

銅鑼灣美味的泰北菜★18巷泰國餐廳★

食泰國野,點數都數唔到去銅鑼灣。
最近終於俾我搵到間多野食、有特式又好食嘅泰國菜,仲要係泰北菜!

大肚後好少食泰國野,BB出世後第一次食,大叫特叫!(加上人奶媽真係成日肚餓)

泰式鮮蝦刺身


生蝦刺身真係MUST HAVE 菜式,如果唔係就形住爭D野咁。
新鮮、爽口、彈牙不特止,醬汁都好重要!分別配上紅綠辣椒,真係幾辣!

泰東北冬蔭清湯(石斑)



第一次飲冬蔭清湯,用上小鐵鍋上KEEP住溫度,好開心,最怕飲飲下變凍湯,份量亦夠4個人飲。同一般冬蔭唔同,酸味比辣味重,惹味開胃之作。

石斑份量亦多,兼且非常爽口。


泰東北特式NHEAM豬軟骨


材料好多變化嘅菜式~
有炸豬軟骨、花生、生菜及蔥、青辣椒仔、薑粒等配菜。可自由組合或變生菜包亦可!
細細粒的豬軟骨炸得非常香口,味道帶點點嘅南乳味。將豬軟骨跟花生、青辣椒仔及薑粒放上匙更一啖放入口,味道香濃嘅豬軟骨跟微辣嘅薑同好辣嘅青辣椒仔混合,辣味直衝上腦!勁正!!!
呢碟絕對係會食上癮嘅菜式!

秘制黑椒豬手



店員介紹係新菜式,坐月期間愛上咗食豬手嘅我即點!
豬手好大份,有一刻老公好懷疑食唔食得哂….
豬皮似係燒過,變得金黃色,大部份油份被炸咗出唻,唔會過份油膩。
肉質頗嫩亦有有油香,豬皮燒得香口脆身,配上秘制黑椒汁,非常惹味!值得推介!

泰式軟殼蟹鮮胡椒炒墨汁意粉



本來想叫我最愛嘅炒金邊粉,但見到呢個fushion意粉,貪得意叫咗,但又幾好食!
兩大隻軟殼蟹炸得脆身香口,啖啖肉食得好過癮,而且始乎脆漿亦有調味,唔係就咁炸就算。炒香嘅墨汁意粉非常爽口彈牙,正!最怕煮得淋哂嘅意粉。


最後點少得甜品芒果糯米飯,芒果清甜,絕對是完美句號!


18巷泰國餐廳
銅鑼灣世貿中心1302B

謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
bluesky_judy@yahoo.com.hk
www.facebook.com/JudysWonderland 
~~~~~~~~~~~~~~~~~~~~~~~~~~~~

升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...