2012年10月29日 星期一

順滑好髮質。髮.能收服!



護膚品要轉季、衫褲鞋襪手袋要轉季,仲有咩未轉呢?
是護髮用品喲~
說真嘅,朱迪以前從無洗髮用品要轉季或轉牌子嘅概念。
媽媽買咩就用咩~
但當一把頭髮被電了十年,跟著而唻嘅係一把爛頭髮跟左我十年。
最近興起想好好保護佢地嘅念頭,因為,近年發現了一個嚇人嘅問題髮量開始少了!!!

Touchwood嘅絕對唔係光頭。
以前我嘅頭髮係好厚 x 10,以家就只係好厚x8嘅了~

最近較為留意修護功效高嘅品牌,亦嘗試轉用了手上嘅來自韓國嘅Kerasys洗髮護髮產品 - Salon Care系列嘅辣木滋養洗髮露及護髮露,適合嚴重受損及燙染嘅髮質。



來自韓國嘅護膚品用得多,護髮用品可是第一次用。
但見韓劇嘅女明星個個頭髮都閃閃嘅、柔順非常呢~

Kerasys係韓國頂尖頭髮護理品牌,專為治療受損秀髮而設。
特別研制出四個不同系列嘅洗護產品,以解決最常見嘅9種頭髮頭皮問題。

而朱迪用嘅Salon Care系列獨有三重秀髮修復系統,以天然辣木果精華有效強韌髮絲增加彈性、向日葵精華可保護髮絲免受陽光傷害及角蛋白則有助修復受損髮絲回復柔軟而有光澤。


Packing係金色喲~ 很高貴嘅感覺~

 
黑色泵嘅係洗頭水~~


乳白色嘅洗頭水有著非常吸引嘅乳木果香,而且亦易起泡。



質地有一點點似護髮素,感覺有少少潤。
朱迪頭髮較厚及長,通常會用上2~



用時,會先係手上搓出少量泡泡,之後先上頭。

 
泡泡會愈搓愈多喲~

建議,洗頭時輕輕捽勻頭髮及輕按頭皮就好。
慢慢按摩,泡泡就會輕柔嘅將髮上嘅塵埃油垢洗走。
輕按頭皮除可增加血液循環外,大力用指甲刮頭皮反而會刺激頭皮分泌頭油,令頭髮唔健康。

睇下呢張剛剛起身嘅未吹頭+梳頭照片~ (原諒我是素顏嘅,希望別嚇親~ ^^)



只係略略整理一下而已,免得素顏再加傻婆頭會影響市容。
睇落唔錯啦,無打結喲~~ 亦無咩天線仔~
用後即時有順滑感~ 更留有微微乳木果香味~
有時候淨係洗頭水都有唔錯嘅效果~

之後,就用同一條line嘅護髮素啦~

  
白色泵就係啦~而且,氣味跟洗頭水一樣~


通常建議將護髮素落於離頭皮1cm嘅位置。
不過我其實好怕用護髮素嘅,所以會落係頭髮後半部嘅位置,當然亦因為我嘅髮尾好爛啦~



由於洗頭水已經有修護功能,通常我都係2日先用1次護髮素。
連同護髮素一齊用,過水後頭髮質感很好喲~


吃乾後嘅天線仔減少了,亦比較貼服喲,最緊要係唔會油油嘅~
 

整頭唻講,Salon Care系列嘅辣木滋養洗髮露及護髮露都幾岩朱迪嘅爛頭呀~
用左差唔多2星期,髮質感覺健康、順滑了,而天線仔亦減少~~
不錯嘅呢~

Kerasys Salon Care系列嘅辣木滋養洗髮露及護髮露 [$88/600ml @ ]

有興趣買嘅話,可到以下地點購買喲~
Sasa、卓悅、雅施、id:c、一田百貨、屈臣氏、TASTE、百佳及千色店,均有發售



~~~~~~~~~~~~~~~~~~~~~~~~~~~~~
★朱迪☆
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~

 


2012年10月26日 星期五

[為食推介] 尚級美食,上級享受 – 尚善会席御献立

美食,一向係朱迪舒緩壓力嘅好方法。



OT後、忙爆時,點都會抽時間出唻大吃大喝,減輕一下沉重壓力。

這一晚,朱迪到了位於上環嘅<尚善.和式料理>,與一眾飯腳好友說說笑笑,享受了一頓快樂晚飯~


朱迪之前已經係尚善開懷大吃一頓和式Brunch

Brunch食評分享:
[為食推介] 休日之食堂尚善和式SAT & SUN BRUNCH!!

今晚,嘗試了<尚善会席御献立>
亦即係我地常聽嘅Omakase - 由師傅發辦~乖乖地等食就OK~ ^^
再一次唻到尚善,原因除左味道好,質素高外,更因為可以做善事!!



<尚善.和式料理>係香港首間屬於社會企業嘅高級日本餐廳,餐廳嘅收入扣除成本開支後均全數撥款營運註冊非牟利機構庭恩兒童中心,協助低收入家庭有語言障礙嘅小朋友克服困難。

想了解更多庭恩兒童中心嘅背景或想申請做義工,可以去呢度睇下喲

如此用心、有良心及大愛嘅餐廳,真希望香港愈唻愈多呢!!!

<尚善.和式料理>擅長將日本最道地口味,呈現眼前!
而今次主理Omakase嘅更係日藉師傅,未食已令人食指大動了~

日藉師傅堅守「不時不食」原則,務求將最美味時令嘅美食盡現眼前!

上菜前,每位也有一張「證書」呢~




不是啦~menu來喲~很細心呢~

每位$468<尚善会席御献立>包括
3款時令前菜、湯、3款時令刺身、燒物、温物、精選菜、主食及甜品,非常豐富呢~

美味嘅晚餐,由精緻前菜開始~

前菜 - 芝麻豆腐 (配馬糞海膽及芥末)、汁煮鴨胸、芥末味噌赤貝



由朱迪最愛嘅芝麻豆腐食起



手製嘅芝麻豆腐有著濃濃芝麻香味~ 係秋天時節食有種溫暖嘅清新感。
手製豆腐比我地一向食開嘅豆腐係較企身嘅,原因係唔會加入太多凝固粉,單憑豆嘅質感打造而成,所以豆味更濃!
而且,配上令人回味無窮嘅馬糞海膽及芥末醬,馬糞海膽嘅新鮮度令朱迪忍唔住叫出唻呢~

汁煮鴨胸

  
其實,朱迪係好怕食鴨胸嘅。坊間嘅鴨胸大部份醃得又咸又實,一d都唔好食。
但尚善嘅鴨胸卻有著騷軟而嫩滑嘅口感,淡淡嘅汁煮反而更吊出鮮味。

芥末味噌赤貝


這款獨特菜式朱迪都係第一次食~
蛋黃醬加入芥末味噌,與新鮮厚身赤貝拌勻,配上新鮮嘅蔥段。
入口清新宜人,微辣嘅芥末味噌刺激著味蕾,立時令人胃口大增呢~~
亦首次見到將赤貝拌以醬汁都不減其鮮味。讚!

不過,3款中,朱迪最愛芝麻豆腐啦~ ^^

碗物 - 蜆肉三葉清湯


食完涼盤嘅前菜,師傅專程以熱湯相隔,令到胃部舒服d~
以白蜆、三葉芹、柚子片所煮成嘅清湯,有著超級大隻新鮮嘅白蜆~

白蜆非常肥美,肉質亦鮮嫩~令到成個湯都鮮味十足!!


最特別係加入柚子片烹煮,有著淡淡柚子香,有趣嘅配搭但唔會怪味。

時令刺身 - 甜蝦、吞拿魚、黄鰤魚


 暖一暖胃後,就到刺身了!
全部係新鮮到暈嘅時令刺身~~ 新鮮空運到港呀~~~~~
晶瑩剔透嘅甜蝦鮮甜度滿分、


 吞拿魚是新鮮嘅、唔係冰鮮嘅,毫無雪味,而且非常清又無筋,同出面食嘅吞拿魚好唔同~


 黄鰤魚亦即章紅魚,太新鮮嘅源故,連平時唔食章紅魚嘅朱迪都食哂~嘻嘻~


不過,整體份量對愛食刺身嘅朱迪唻講真係少左D~~ 唔夠喉!
 

燒物 - 白味噌燒白身魚


以白味噌作主要醬料,鋪滿整片魚柳~ 白身魚選上依佐目魚,肉質有點像石斑呢~
燒香左嘅白味噌味道很濃郁,亦比平常食嘅味噌較咸~
依佐目魚油份重,很嫩滑,sir一聲就吞左落肚了。
想減輕油膩感,可將醃製杏脯切幼條,配上魚同吃。
減輕了濃濃味噌香嘅魚~~ 不錯不錯~
而伴碟嘅汁煮香菇絲亦是點晴之作喲~

温物 - 照燒澳洲和牛伴番茄沙律

 

這碟溫物可是令朱迪滿心期待呀!!!
嫩滑嘅澳洲和牛今次切成小件、改以小碟上菜。


以照燒方法燒得剛剛好嘅肉汁鎖於肉身,肉質嫩嫩嘅~令人忍唔住一路食~
可惜對牛魔王朱迪,真係唔夠喉~

不過配上新鮮嘅番茄沙律及炒菇菇,加分了呢~
 

精選菜 - 炸蝦棗

 
潮州菜嘅炸蝦棗食得多,和式炸蝦棗還是第一次食!
仲要擺得咁靚,配以燒松葉銀杏、燒青椒,成了名畫呢~
將新鮮基圍蝦打成蝦膠,混入山藥,很特別嘅配搭呢!
山藥以營養豐富、味道鮮美見稱,配上海鮮,非常之爽口彈牙!
雖然係炸物,但炸得恰到好處、油份唔重。

主食 - 迷你壽司飯

 
壽司飯配以車海老、油甘魚、三文魚、劍魚腩、三文魚籽,全係新鮮到暈、空運到港嘅刺身~
雖說迷你,但份量都係適中嘅~
基本上,女孩子到此時應該會飽了。
但我地一眾女孩子吱吱喳喳嘅,如此快樂氣氛底下,連胃口亦全開了!

<尚善会席御献立>上甜品前,決定追加菜式,令晚餐更完滿。
追加了各式主食~~~ 
海膽卷、香蔥吞拿魚卷、天婦羅海老牛油果卷及野菜稻庭烏冬



海膽鮮甜度之高,朱迪再講都覺得自己煩氣~~XDDD


 總之,真心話,如到尚善食飯一定要叫海膽,唔係會唔開心~

香蔥吞拿魚卷,另一朱迪大愛嘅卷物~


嫩滑嘅吞拿魚配上幼絲香蔥,並將昆布紫菜拌入飯中再作卷物,賣相吸引!


天婦羅海老牛油果卷,坊間嘅總會炸得很油膩,尚善嘅就剛剛好,不油亦非常香脆。

 
配上多片牛油果,減輕油份~
不過,朱迪係唔食牛油果嘅~ XDDD

最後嘅係野菜稻庭烏冬!!!  



 超愛吃烏冬嘅朱迪,以手打又煙煙韌韌嘅稻庭烏冬作晚飯嘅結尾,幸福感滿瀉!!!

最後,還要上<尚善会席御献立>包括嘅甜品呀~ 女孩子食甜品係用另一個胃架~ 一定食得落!

甜品 - 紅豆寒天抹茶雪糕


以日本紅豆配上Leonidas品牌嘅抹茶雪糕,絕對是絕配~
加上日本人愛吃嘅健美小吃寒天,寒天對女孩子身體很好呢,可以多吃喲~!


總括來說,很豐富的晚餐,有齊涼冷暖熱盤!
$468的高級日本菜Omakase不算貴,款式多、材料新鮮~ 絕對值回票價!
不過同男孩子同吃可能佢會唔夠飽,到時就叫多幾款甜品吧~~ ^^


<尚善会席御献立>包括:
3款時令前菜、湯、3款時令刺身、燒物、温物、精選菜、主食及甜品,非常豐富呢~
每位$468


很開心見到大家~ 謝謝每一位朋友~




期待我地下一次嘅開懷大吃吧!!! ^^

<尚善.和式料理>
上環文咸東街22-26號柏廷坊7
2851 9883



~~~~~~~~~~~~~~~~~~~~~~~~~~~~~
★朱迪☆
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~

 

升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...