港式情懷、港式美食★老夫子餐館★

身為80後，一定有睇過老夫子。

那些年沒有智能電話，星期日同屋企人去飲茶，一份報紙全家睇，唔夠分，老爸就俾錢我地去買老夫子。

那些四格漫畫、那些四字成語，點滴在心頭。

係老夫子餐館食飯，

每一樣食品或飲品都係用四字成語來命名。

有一刻好想憑成語點餸，但都係唔好亂唻啦，我地得2個人，冷靜d好。

錦上添花 (羅宋湯)

老式港式製法，入口微辣、微酸，重點係濃湯！

而家好多羅宋湯已經煲到水咁，呢度嘅依然係濃湯，好正！

十萬火急 (熱情鮮果冰茶)

超大杯，可以share一齊飲。味道唔錯，好抵飲！

耐人尋味 (瑞士汁燒乳鴿)

由細睇老夫子大，所以「耐人尋味」係必點嘅，情意結唻。

一份有一隻乳鴿，一開４。

乳鴿皮燒得香脆，第一次食瑞士汁燒乳鴿，比起食開嘅燒乳鴿多了一份甜。不錯。

龍爭虎鬥 (瑞士雞翼)

一客4隻，對於雞翼痴嘅我地覺得唔夠食～

雞翼選用偏大隻嘅美國雞翼，瑞士汁味道滲哂入肉，皮及肉都軟棉棉的。

對比之下，龍爭虎鬥比耐人尋味 好食。

出神入化 (黑椒牛柳)

港式餐室無可能唔食鐵板，我地點咗七成熟，黑椒汁配薯菜。

牛柳軟諗，而且非常juicy，就算配黑椒汁都無搶味。

between，個薯菜同薯蓉都幾好食。

世外桃源 (焗豬扒飯)

大食嘅我地仲叫咗焗豬扒飯，因製作需時我地邊食邊等，上枱時已飽飽地，但都無後悔。

份量雖然大，但我地都食得哂（其實係老公食得哂）

豬扒處理得很好，依然嫩口，蕃茄醬不會太酸。好食～

一句講哂，全部都係童年時嘅味道，非常好食！