2016年3月29日 星期二

★牛禪燒肉日本料理★豪食高級燒肉 把酒豪食嘅好地方

做咗阿媽後,已經好少食燒肉。難得有機會放低個仔鬆一鬆,梗係要食好D、食豪D!!最後再次唻主打日式料理同高級燒肉嘅牛禪燒肉日本料理!

難得唔駛趕住餵奶,緊係要飲酒!

係咩都想試之後,揀左本場紀州梅酒~ 易入口又順喉,有梅香亦帶甜,飲得好舒服。


仲叫咗佐酒必備嘅燒雞泡魚干同燒免治雞肉串。

兩款都燒得略脆,佐酒一流,飲下食下,真係唔夠喉!

食燒肉前習慣叫d清新前菜,健康d~

和風有機番茄,有機番茄鮮甜又勁juicy,原來配洋蔥食都好夾!
青蘋果沙律,超爽甜及開胃,切成幼條狀易入口,食下食下就ko咗。

再唻就係創作壽司,以9款唔同嘅海鮮及魚生剌生壽司組成。

刺生非常新鮮,選料亦好靚!最愛食海膽壽司同帶子壽司,鮮甜度極高。

經過一輪前奏後,期待嘅燒肉登場啦!由店員幫我地燒,我地只負責食同吹水喲~

牛禪的肉類一向走高級路線,今次也沒有令我失望。點了幾款肉類,牛及豬也都包括在內,價錢由$98$300不等。


肉眼油脂最豐富,同樣地牛味最濃,幾款牛中最愛這款。
牛肩比較少食,佢嘅雪花分佈得好靚,入口即溶咁,連心都溶化了。
牛尾以薄切上,煮湯就食得多,燒肉係另一番風味,肉質不錯!

最後再來杯雪糕作為完滿結束!



整體來說水準好高,有專人燒肉唔駛自己動手,通風系統亦好好食完唔會一陣味。係跟朋友來把酒豪食嘅好地方!

牛禪燒肉日本料理
銅鑼灣世貿中心1302

沒有留言:

張貼留言

方便就腳安全度高迷你倉★Minibox美利盒★

未生樂樂前,本身已經係購物狂嘅我已經日買夜買。 放產假時,為咗騰空更多位,直頭掉咗5個紅白藍袋嘅雜物、捐咗50+本書、100+本漫畫,但都只佔我雜物嘅一半。 到而家樂樂2歲,屋企嘅雜物已經多到癲... 睇唻又係時間搵迷你倉入箱啦! 最近搵到間近自己嘅Minibox美利盒! ...