有咗BB後，BBQ已經離我以去....太傷心啦....
所以當朋友推介伊賀日本燒肉料理係。任。食。日式燒肉，$258一位，價錢合理，立即約老公度好個期掉低個仔去食!
地點係赫德道Y字路口交界，平日夜晚8點場都勁多人排隊。地方幾大，抽風好好，食完唔會一陣味！最特別嘅係有室外炭爐燒肉，BOOK枱時勁想試，但天氣凍，都係放棄。
用IPAD點菜，唔駛下下用紙咁唔環保！
選擇好多，刺身、海鮮、肉類及蔬菜任點！飲品$20罐，$30任飲，飲多2罐叫任飲無咁蝕。
先上刺身船，燒緊肉時唔怕餓親。刺身新鮮，估唔到食燒肉都有好食刺食，所以我地都勁encore!
狂風掃落葉咁勁點肉類，肉類選擇應該有20款！亦有一d係出面較少食到嘅特式肉類。
牛魔王必叫也牛小排同一口牛，肉質幼嫩又juicy，估唔到放題嘅水準都幾好，我地係有限嘅胃口下都encore咗幾次。牛肋肉同牛舌都唔錯，油份較少，可以食多幾轉。
豬肉的話，必點瘦切裡肌肉及加拿大醬油豬柳蓋片，油香同肉香兼備，亦無豬騷味！五花腩油香重，豬頸肉爽口，自己燒可以燒燶d，更好食！
麻辣餃都係另一必點，平時食煎餃食得多，自己燒係第一次！味道好食，可惜我地太大火，燒親都燶咗XDDD，但不減惹味！
蒜香腸同黑椒腸我地都叫咗２轉，個人鍾意食蒜香腸，惹味d；黑椒腸相對顯得平凡。
海鮮類選擇多，質素唔錯！
可以加錢叫生蠔，但我地都係專注食menu入面既野！
第一次食燒海螺，連bbq時都未試過，夠新鮮，但我地唔知燒幾耐，有少少overcook，要多ｄ唻練習下先得。蝦同帶子都大隻同新鮮，唔會交行貨！反而花枝同魷魚幾難燒，燒一次我都就收手！（雖然好想狂食...)
蔬菜類，有我好鍾意食嘅小蕃薯同菠蘿，但我地都係每樣只叫咗２塊，真係飽到上心口！
另外仲有壽司同炸物，用來間場，唔駛淨燒咁悶。
係食飽時，見到有湯丸燒，本著睇下咩料嘅心態叫唻燒，估唔到好好食！！
花生湯丸比芝麻湯丸更好食！！燒香咗嘅花生湯丸比湯煮更好食！記住留肚食！
最後，想埋單時仲有雪糕食，本來諗住唔食但聽到係movenpick梗係食埋先!
總結，成晚嘅食物都好有水準，$258唻講性價比極高，下次約fd食飯，唔想又食刺身放題可以約唻呢度食！
沒有留言:
張貼留言