2012年8月24日 星期五

[為食推介] 休日之食堂 – 尚善和式SAT & SUN BRUNCH!!


最近朱迪迷上了日本嘅<深夜食堂>劇集。


 (睇劇後買的書,個人覺得劇集好睇d~)

短短30mins,一碟碟平常簡單嘅家常料理,透過故事感受到當中濃濃嘅人情味及小店獨有嘅溫馨氛圍,總是令人心頭暖暖嘅!
而店內嘅食客說說笑笑、嘻嘻哈哈便渡過了一個愉快輕鬆窩心嘅凌晨。

最近朱迪亦跟一班女孩子,在位於上環嘅<尚善.和式料理>渡過左一個輕鬆、快樂、大放笑彈嘅下午。


 

除了飽餐一頓外,我地更做左善事!!

<尚善.和式料理>係香港首間屬於社會企業嘅高級日本餐廳,餐廳嘅收入扣除成本開支後均全數撥款營運註冊非牟利機構庭恩兒童中心,協助低收入家庭有語言障礙嘅小朋友克服困難。

想了解更多庭恩兒童中心嘅背景或想申請做義工,可以去呢度睇下喲 ^^

Benjis Centre 庭恩兒童中心

http://www.benjiscentre.org.hk/



<尚善.和式料理>擅長以日本最道地口味,用心製作每款食品。
而且更堅守「不時不食」原則,務求令顧客於每一餐都能享受色香味!

真希望香港將有更多更多如此有heart、有良心及有愛嘅餐廳!!!

尚善嘅裝潢是簡約、清優的


這也正反影比起環境,佢地更想花多d心思跟預算係食物上。


而且佢地嘅service 亦非常好,值得一讚!


說回這一頓Saturday & Sunday Brunch,份量係非常非常豐富嘅一餐,份量差唔多跟晚餐一樣豐富!!

每位$458Brunch包括
5款指定前菜3款刺身、湯雜錦天婦羅、61嘅主菜、21嘅壽司或麵61嘅甜品



Brunch已包咖啡或茶,或可另加$48享清酒一壺、啤酒2支或尚善特飲2杯。

特飲推介這款()黑蒜特飲!味道可口,而且更對身體有益呢~~



喜歡飲果酒嘅朋友亦可試一試()柚子酒!!
啖啖的柚子香氣,很易入口~


亦可選擇梅酒~~不過建議只選一樣好了,酒量淺的朋友會快醉d~ ^^


Brunch嘅頭盤,由擺得靚靚嘅新鮮前菜開始。
分別有赤貝漬物、凍豆腐海膽、三文魚他他、香燒鰻魚及蟹子沙律 (左至右)



赤貝漬物



將即開鮮活赤貝,加少許調味醃製。令到鮮味滿瀉,同時亦辟走了赤貝原身嘅腥味。這個令朱迪回味無窮。
而且,近年係香港已經好少有超新鮮赤貝食了~

凍豆腐海膽

將新鮮海膽放係滑滑嫩嫩嘅豆腐上面。
一啖放入口,海膽跟豆腐慢慢融化,大滿足!!

三文魚他他

將三文魚他他釀入爽脆清甜嘅青瓜,青瓜中和了三文魚他他嘅咸鮮味~
而且,青瓜嘅底部係星星蘿蔔,以免「甩底」,很可愛嘅設計~~


 香燒鰻魚


朱迪十分喜愛這碟香燒鰻魚嘅心思!
將鰻魚放係燒熱左嘅石春上「慶」住上碟,以免進食時變涼影響口感。
多麼貼心嘅設計。

最後是蟹子沙律~


跟平常食嘅唔同,將青瓜切薄片卷成一圈包住蟹柳,加上沙律醬即食。
低下嘅(沒記錯嘅話是)珍珠草,常見嘅伴碟,亦非常好食喲~

睇下!我地一行10人,有10碟前菜,我地笑說似打赤壁之戰呢~ ^^



食完一大輪,而家先上第二道菜:刺身

按時令而轉嘅刺身共3:


少筋嘅吞拿魚入口即融、厚切嘅肥美三文魚嘅油靚到閃令令、連平常唔食嘅油甘魚都非常鮮甜。

曾聽過一間日本料理餐廳成功與否其一關鍵係佢嘅刺身。
尚善嘅刺身簡直係新鮮到暈呀!!!!

食完一輪冷盤,轉入熱盤前,大廚細心嘅為我地準備了熱湯,好讓我地嘅胃更容易適應之後嘅主菜。真體貼~

湯係白身魚三葉清湯



每朝由廚師即日烹調喲~ 保證鮮甜味美

看似清水嘅湯卻其實係魚湯!
用白肉嘅魚烹調(就係果舊睇落好似豆腐嘅東東)、加入毛豆、青豆、本菇、海帶,OISHI !!!!

之後到天婦羅了。



朱迪最最最怕嘅天婦羅係粉多過食物、油味超重,都唔知自己係食油定食野。
尚善嘅天婦羅粉醬唔厚,薄薄地一層,仲見到入面嘅海蝦喲~~
用上海蝦,更加係啖啖肉喲~~
而且,更食得出海蝦嘅鮮味,實在太有水準啦。

雜菜天婦羅應該不錯,朋友們清哂。
但我唔食南瓜、茄子、蕃薯,所以唔知道~ ;)

終於!!終於到61嘅主菜了!!
由於人多嘅關係,我地每款主菜都叫來SHARE ~

朱迪最最最最愛一定係海膽配三文魚子!!!


一整板新鮮嘅日本馬糞海膽,片片海膽都非常非常飽滿及色澤亮麗!!!!
而醃製過嘅大大粒三文魚子非常吸眼球!這一個配搭簡直令人口水直流!!!

而貼心又創意十足嘅大廚更建議我地4種食法呢~
分別係:1) 淨食海膽2) 以脆口紫菜包著食3) 伴以三文魚子一齊食4) 配上北海道純情米煮成嘅軟糯日本飯,當成壽司


朱迪貪心,4種食法都試過,但覺得最好食嘅係3 + 4
將海膽伴以三文魚子,加少少壽司鼓油一齊食,放係飯面,一啖過!!


簡直就係咸味跟鮮味嘅CROSSOVER!!
海膽嘅鮮甜減輕左三文魚子嘅咸味,同時三文魚子將海膽嘅所有鮮味都帶左出唻! 
絕對係天衣無縫嘅partner!!!!,齒頰留香。

為食嘅我地之後就食石燒澳洲和牛了!!!




先將嫩滑嘅澳洲和牛略燒,然後以新穎嘅石燒形式上檯!
為免於上菜期間或入口前被燒熱左嘅石頭直接接觸造成OVERCOOK,和牛底下放上了嘅薯仔,隔熱之餘,吸收了濃郁嘅和牛牛油嘅薯仔亦非常好食!!

嫩嫩嘅和牛仲係半成熟呢~~~而且很香很香!



建議,食呢道菜時盡量減少「相機食先」嘅時間,放得太耐,少不免會有點點OVERCOOK~

吉列黑豚肉特別選用來自鹿兒島嘅黑豚,炸過嘅黑豚肉肉汁鎖哂係入面。另外,黑豚肉嘅肉質本身比起其他豚肉為嫩,入口鬆化、JUICY!!



網燒美國安格斯牛扒,平常安格斯牛扒係我其中一款愛吃嘅扒。


濃濃嘅牛味及啖啖肉,係牛魔王嘅心頭好!!!
但珠玉在前,被和牛比下去了。很可憐~~~~~

銀雪魚西京燒及蒲燒鰻魚都係出面成日有得食但好易失手嘅菜式。
稍一不慎就滿口魚腥味。

銀雪魚是新鮮貨,肉質非常非常鮮嫩滑溜,像BB肌膚一樣,一夾就掉下了。油份很重很濃很香,食少少已飽了。


蒲燒鰻魚肉質豐厚,配上香濃鰻魚醬汁,又是另一令人傾心嘅傑作。

這兩款魚都絕對係送飯嘅佳作!!!

食完主菜,我地已經飽到不行了!!!!

但還有主食呢!!即澱粉質食物!
分別有由駐場壽司師傅即場製作嘅手握雜錦壽司或者出名爽滑嘅稻庭烏冬~

雖然已經十級飽,但還是點了呢~~哈哈哈哈~~

最恐怖係我地差唔多食哂@@
手握壽司細細件,跟日本傳統壽司一樣,可以一口一件,不過女孩子還是食得斯文d~ 壽司握得很好,不會過硬亦不會散掉,慢慢夾都唔會散哂~~ ^^


稻庭烏冬配上清甜嘅白身魚三葉清湯底,煙煙韌韌的烏冬令滿足感X1000000000


終於,食完主菜了。
大家都棒住肚吹水嘅時候,女孩子嘅第二個胃亦開始運作了!!!

大家估到嗎?
是甜品喲!!

61嘅甜品有:特色蛋糕、燒糖栗、抺茶西米、日本年糕、日式草餅及時令生果

特色蛋糕 - 呢款從此成為朱迪最愛嘅甜品!!



以比利時頂級朱古力Leonidas製造,每一啖都係濃到化唔開嘅dark chocolate,極級香醇!!相信我,只需要一啖,絕對令你傾心!!!

抺茶西米用上很濃味嘅高級抺茶粉配上日式蕃薯。可惜,朱迪唔食蕃薯,食左一細啖就放棄了。

  
日本年糕燒得香香軟軟嘅日本年糕,煙煙韌韌


 日式草餅 - 大大件,傳統嘅緣茶加紅豆,比其他甜品甜,嗜甜者最岩!!!


 
大廚們見我地食得咁開心(因為我地每食一啖都大叫好好食呀!!!!)
請我地試食咗仲係試味收集意見階段嘅尚善自家品牌雪糕,每款均採用最新鮮嘅原材料而成。
分別有朱古力、咖啡、開心果、栗子同芒果。



朱古力雪糕用上Leonidas品牌嘅高級朱古力,香濃dark chocolate ice-cream有著幼滑質感,令人一食難忘。大概可想像成雪糕版嘅Leonidas Cake

咖啡雪糕用上了大量優質咖啡豆,顏色很淡但咖啡味十分濃郁,大廚解釋顏色較淺係因為無加入色素。
食一啖雪糕跟飲一啖咖啡一模一樣,身為咖啡精嘅朱迪最愛呢個!!!

近年開心果雪糕嘅售賣點眾多,但朱迪始終最愛第一間以開心果雪糕聞名嘅Gelato!其他嘅一律可稱為難食
但由今日起,尚善嘅開心果雪糕可跟Gelato平排了!!!(甚至有點點超前了~~)
充滿濃濃開心果味嘅開心果雪糕,令朱迪很感動~~~

栗子雪糕用新鮮栗子製造,令我想起冬日時一粒粒飽滿嘅栗子。

芒果雪糕亦用新鮮芒果製造喲~~ 內有粒粒芒果肉,清清甜甜,保留最真芒果味。

食完甜品後,一頓豐富嘅Brunch終於謝幕了!
棒住滿滿嘅肚腩及開心愉快嘅心情離開!!

謝謝每一位飯腳朋友~ 我地下次再一齊開懷大吃吧!!!



~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

正考慮搵地方食brunch嘅朋友推介你地去尚善,如果係胃口不大嘅朋友可叫一個brunch,另一位朋友叫一份定食,都可以安排的~

<尚善.和式料理>
上環文咸東街22-26號柏廷坊7
2851 9883
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~
朱迪
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~





沒有留言:

張貼留言

北歐瑞典設計★Sudio TRE★運動藍芽耳機

踏入11月,又係我頭痕買禮物俾老公嘅時候。 藍芽耳機係老公每日坐長途車番工放工嘅好朋友,而佢近排努力練跑,所以決定送 防水防汗嘅 藍芽耳機。 睇中嘅,係北歐瑞典設計、唻自斯德哥爾摩嘅Sudio耳機。 Sudio嘅設計簡約而創新,每一個細節都有著手做工藝...