2013年1月3日 星期四

[私心分享] 自家美白小配方


雖說而家唔算美白旺季,但正所謂一白遮三醜,美白都要跟個人需要已做喲~

由於近期常病,食得西藥多嘅後遺症係黑色素不斷浮面。為左加快美白效果,朱迪最近都在內外夾攻喲!

每日一杯暖檸檬水


檸水茶餐廳都有得飲,不過我通常會自己沖。因為茶餐廳嘅檸檬係一早切好哂,用唔哂放入雪櫃第2日再用。放得太耐嘅生果嘅營養都會大大流失。

檸檬係一種營養豐富、近乎萬能嘅生果。佢蘊含豐富維他命,維他命C含量亦極高。佢亦有美白、增加免疫力及減肥嘅作用。
而點解可以美白呢?因為佢蘊含豐富維他命,能預防皮膚色素沉澱及去暗啞。

通常朱迪會每日沖一杯唻飲,做法超簡單,用暖水,加1-2片檸檬就OK~ (因太熱嘅水會令維他命變質)

  
食飽飲番一杯亦有消膩作用、朝早空肚飲更可清腸胃添,美白之餘更可美肌,一舉N得喲~
不妨試下每日一杯喲~


溫馨提示:如果本身胃比較弱或有胃痛,就唔好空肚飲啦。酸性飲品始終削胃。
亦唔好過量,飲完一杯檸水後,記住之後多飲水,免得酸性侵害牙齒。

轉用美白洗面產品

冬天較少使用美白產品,其一因為大部份美白產品都會令皮膚偏乾。
但最近用上了Burt’s Bees Daisy White 雛菊漾白煥膚潔面膏,美白之餘,亦高度保濕。



Burt’s Bees產品一向天然,天然成份更標明係99%,連敏感肌嘅朱迪用時
亦絕無不良反應。


雛菊漾白煥膚潔面膏嘅包裝牙膏裝嘅,鍚紙封口,確保衛生。 而且非常大支,有170g

早晚使用都有排用,充滿橘子香及花香,每朝用時都十分醒神。

而其美白成份來自佢嘅雛菊配方,Burt’s Bees研究出雛菊能有效抑制黑色素及具高效潔淨作用。雖說係洗面膏,佢亦可卸走淡妝嘅。

潔面膏質地有點似潔面奶又似面霜,感覺油油嘅,但其實清爽得很。
加水後唔似一般潔面膏一樣起泡,雖無泡沫,但潔淨效果卻一流。

 
而且,更可溫和去除老化角質,用後皮膚亮亮嘅、亦不繃緊。
 


美白去暗啞之餘亦很保濕,冬天用都無有怕。

強勁保濕
皮膚水份足夠,先會令皮膚保持良好狀態,從而有白滑亮之感。
所以,高效保濕品絕不能少。

冬天天氣超級乾,就算用上唔dryBurt’s Bees雛菊漾白煥膚潔面膏,皮膚一樣要高度保濕。
用上嘅,就係來自法國嘅Infusens高效補濕精華

 
Infusens高效補濕精華嘅強勁保濕同修護效果係因為佢蘊含珍貴嘅水溶性殼相聚醣、水解麥蛋白同埋巨海帶萃取物。佢地有效咁為肌膚注入水份、持續保濕並鎖緊水份、減少因為乾燥而引起嘅敏感,即時擁有水潤透明嘅膚質。


一盒10支,每支4ml,雖然價錢貴,但勁保濕勁好用。

   
每早或晚當精華咁用。質地算係呈水狀,但唔算好稀,感覺係有少少rich。同埋無色,無味。



輕推上面及頸,好快就令皮膚吸收。


用完後,皮膚即時水潤,而第2朝起身用手摸已經覺得皮膚滑左同柔軟左。
面油都少左,照一照鏡見到毛孔亦幼細左!!! 呵呵呵,見效ing~


而日日唔夠訓,個妝都唔會太浮喲~~ ^^




推介推介推介~~


美白面膜不能缺少

要美白,當然亦不能缺少每星期最少一次嘅美白mask!
用上嘅係來自加拿大嘅Racinne「全能水漾亮白面膜」

 
鍚紙封口,確保衛生。



蘊含雙重美白功效嘅雪蓮幹細萃取及深海珍珠精華,迅速滲透肌膚核心細胞。

 
Maskcream~ 很特別~
性質非常溫和,氣味清幽。

輕輕係面上及頸上推開就可以了,不需按摩,同時亦建議厚敷。



敷上面後一段時間後會發現mask嘅份量變少了,因為皮膚正在不斷吸收美白成份。
敷上面後15mins就可先用紙巾抹走,再過清水。



用後見到皮膚膚色均勻、即時亮白了,而且好似cream咁有一層薄膜包圍住。
通常朱迪會再用手輕拍,等皮膚持續吸收。
而且,之後唔駛再用cream都可以,皮膚滋潤度很足夠。

最後,當然唔少得:搽防曬、搽防曬、搽防曬、搽防曬!!!
加埋遮太陽,仲好!!


以上係我嘅私心美白小分享,希望大家鍾意啦~ ^^


~~~~~~~~~~~~~~~~~~~~~~~~~~~~~
朱迪☆
bluesky_judy@yahoo.com.hk
~~~~~~~~~~~~~~~~~~~~~~~~~~~~~























 

     
更多的平台~ ^^
 

沒有留言:

張貼留言

北歐瑞典設計★Sudio TRE★運動藍芽耳機

踏入11月,又係我頭痕買禮物俾老公嘅時候。 藍芽耳機係老公每日坐長途車番工放工嘅好朋友,而佢近排努力練跑,所以決定送 防水防汗嘅 藍芽耳機。 睇中嘅,係北歐瑞典設計、唻自斯德哥爾摩嘅Sudio耳機。 Sudio嘅設計簡約而創新,每一個細節都有著手做工藝...