2012年6月11日 星期一

不一樣的止汗劑.另類的香水

炎炎夏日,每日見到晴到爆嘅藍天,都想衝去沙灘游水。
但未去到沙灘之前,已經因為又熱又焗又濕嘅天氣而出哂汗....

朱迪雖然唔係大汗人,但都係容易出汗嘅體質,所以止汗劑同香水一直係夏天必備嘅。以前一直用止汗劑,但止汗劑除左會塞毛孔之外,大部份嘅味道都好香、好化學(膏狀會好d,但沖涼時就會有種漿住嘅感覺。)

而自從知道長期使用含有鋁化鹽嘅止汗劑有機會引致乳癌,朱迪已停用止汗劑了。之前試過用酒精加水或用肥皂加水,雖然唔能夠止汗,但至少會減少出汗後嘅尷尬時刻。

2年前無意中發現,原來花露水除左有驅蚊止癢嘅功效外


(呢個亦係朱迪當時買嘅原因。因為有童軍朋友話花露水驅蚊一流,自此朱迪去親wild camp都必備)

係可以當止汗劑用架!(用後先知其實唔係止汗


呢支就係朱迪買嘅雙妹嘜花露水~
佢係classic 嘅玻璃樽裝,倒出倒入唔方便。朱迪會將佢倒入香水樽度,使用時或拎出街都好就手。



(鋪頭有噴裝的,不過呢支樽裝最抵。好似係HK$45@



花露水嘅成份有薰衣草精油、佛手柑、肉桂、丁香、薄荷、酒精、色素同水。




而薰衣草可抑制细菌;佛手柑可除臭、抗菌、驅蠕蟲;肉桂同丁香係精油的原料;薄荷外用可治神经痛、皮肤瘙痒、皮疹和湿疹等;
**朱迪係逐個成份係百度search番唻、經過消化後節錄,如有錯,請指正。)

 200ml好大支,通常用成年咁濟~



睇完成份,大概知道佢點樣發揮止汗的功能嗎?

出汗後有體味其實係因為皮膚上嘅細菌造成,而朱迪估計花露水” ”止汗其實係抑制细菌或者殺菌以來。

Anyway,太理論嘅論點朱迪唔識講,不過可以分享下用後感。

止汗劑:
通常朱迪係出門前用,之後就算出汗,都唔會有笠痴痴嘅感覺。
而且,佢雖然有香味(朱迪唔識分,不過大概係薰衣草+佛手柑+薄荷嘅味),但香味唔持久,之後就可以用番自己嘅香水啦~

當蚊怕水用:
大概每2個鐘就要補一次,係驅到蚊嘅。但如果唔記得補,拎唻止痕都可以。
不過,怕蜜蜂人士小心,根據非正式統計,朱迪每次wild camp用都會俾蜜蜂(btw, 蜜蜂你時唔好大動作就ok~~慢慢行開 & 唔好尖叫,會嘈親周圍嘅人 ;)

而我覺得最好用嘅時候,就係搭地鐵時遇到臭男人!!

呢個時候,噴花露水絕對比噴香水更好。
噴香水太明顯(嫌人臭....= = ),但花露水你最多當我止痕jei~~ ^=^

少少的生活小分享,希望大家鍾意啦~^^


多謝收看,有問題或想happy sharing,歡迎email我喲~


~~~~~~~~~~~~~~~~~~~~~~~~~~~~~
★朱迪☆
bluesky_judy@yahoo.com.hk
facebook.com/judytseZ
~~~~~~~~~~~~~~~~~~~~~~~~~~~~~




沒有留言:

張貼留言

升小一會面對嘅事 買新書

  即將成為「 #小學雞 」的濼濼,開始抗拒BB級嘅書。OK,咁阿媽我執(買) 書囉 聞說升小一就要睇 #橋樑書 ,即係圖文並荗但多D字嘅書。 由於個仔好難教(笑?), #品德書係我長期入手items ,教下佢又教化下我~ 當個仔愈大愈難同佢說教時,共讀係最好嘅方法。 買咗【 ...