搬屋新手救星★Storage-selected.com★

新年就到，意味著除咗執屋大掃除之外，仲要計劃搬屋！我哋早早打算今年內搬，確實日期就要等一切塵埃落定後再決定，但事前功夫都可以做呀~ 湊仔咁忙，一得閒就會做定啲未雨綢繆嘅工作，之前係搵學校、搵嘢玩、搵食譜，最近就為咗準備搬屋！

搬屋要兼顧嘅嘢實在太多，事前籌備功夫繁複，簡單裝修、度尺買傢俬，準備好之後就要諗點樣將屋企現有嘅傢俬搬埋過去啦。

屋未搵到，所以決定由Research做起。因為暫時唔想太鋪張，所以未向身邊朋友打探(始終未知幾時搬嘛) 上網search下睇下有冇搬屋公司介紹， 一search之下就搵到呢個網站，之前都有睇過佢嘅迷你倉㗎！就係：

Storage-selected.com

storage-select.com 一向做開迷你倉配對，好簡單就搵到合適嘅迷你倉。而最近推出咗新服務，就係同一平台可以幫手搵埋 【搬屋公司】，非常方便！

對於我呢啲搬屋新手嚟講，呢個Storage-selected.com最大嘅好處就係方便同透明度高！

Storage-selected.com預先選好咗有信譽嘅搬屋公司，咁就唔怕被騙！

而且收費清晰！

搬屋報價由$500起，頭九件產品已經包咗。

除咗有bubbles紙同紙箱可以買之外，仲將屋企各個角落分門別類，喺唔同嘅tab就睇到廚房、客廳、睡房、需要搬嘅電器。

揀一揀自己要搬嘅嘢，即時報價，等自己有個預算，明碼實價非常老實！

預算啱嘅，submit form後3個工作天就有搬運公司聯絡你！

另一個我buy Storage-selected.com 嘅好處，就係報價列表亦可同時檢視自己有乜嘢想搬走、有咩唔要、有咩要買個新嘅，咁就唔需要去百貨公司同家電鋪續樣睇續約諗買唔買，對我呢啲有選擇困難症嘅人有好大幫助！

心目中有咗搵搬屋公司嘅價錢，又有個要搬嘅物資list，出去行街買嘢時目標又更清晰啦！
https://www.storage-select.com/movingquotation

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

極乾肌救星 ★Kiehl’s皇牌特效保濕乳霜★

今年嘅冬天比上年凍咗好多，我本身已經好乾嘅皮膚亦更變得更乾，加上啱啱用完Hifu，極需要強勁保濕嘅Cream！

幸好Kiehl’s嘅PR送咗呢套Kiehl’s Ultra Adventure Kit俾我，簡直就係我Survival Kit!

Kiehl’s Ultra Adventure Kit入面有貼心又環保又方便嘅摺疊水樽、萬用刀、仲有我最期待嘅特效保濕乳霜 Ultra Facial Cream，非常啱用！

特效保濕乳霜 Ultra Facial Cream個盒嘅design唔同咗，因適逢今年係誕生12週年， 特別邀請咗 Smile with us HK 創辦人何超蓮，以「發放微笑正能量」為主題， 設計呢款限量版瓶蓋。

用咗幾日已經feel到塊面冇之前咁乾，由其做完Hifu後用最明顯。做完Hifu後皮膚會好乾，但用咗特效保濕乳霜後，即時已舒緩咗。

乳霜質感輕盈， 延展性高，好快就被皮膚吸收。用後皮膚變得柔軟及有光澤。

夜晚我哋都開暖爐，用咗乳霜之後， 另一個最大分別係起身嘅時候塊面都依然水潤。
果然係24小時為肌膚源源不絕灌注水份。最啱我呢d乾到敏感嘅人用！

襯冷峰再嚟之前，快d入手一樽，令皮膚可以舒舒服服咁抵抗勁凍天氣啦！

限量版特效保濕乳霜將於 2018 年 1月 1 日開售。

部份淨收益捐予 Smile with us HK ，以支持香港聖公會福利協會的「童」心微笑基金，及早識別有特殊學習需要嘅基層學童，透過適時評估及訓練，支持學童及早融入正規教育，愉快學習及成長，並為他們提供支援。非常有意義呀！

零售價：

HK$295 @50ml ; HK$500 @125ml
http://www.kiehls.com.hk/zh_HK/home

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

護髮兼呵護頭皮★柳屋髮根營養液★

做咗全職媽媽呢半年，坦白講，壓力真係超大。加上我仔無時停，又經常扭計發脾氣，真係人都癲。加上人老了，亦長期瞓得差，日日生死時速咁，髮質差咗好多，白頭髮嘅數量亦多咗超多...就咁照鏡都會見到幾條彈出嚟...

生活暫時唔會改變到，唯有努力護髮啦...

最近試緊日本百年美髮品牌「柳屋」嘅皇牌護髮產品<髮根營養液 - Hair Tonic>

「柳屋」係日本非常專業嘅護髮品牌，係日本藥妝嵒`店都會見到佢嘅產品。

Hair Tonic以玻璃樽裝，既可保持產品質量，外理又靚仔又中性，就算男士用都唔會覺得係「女人先啱」嘅護髮用品。

Hair Tonic以治本嘅方式，由頭髮根部開始護理，預防脫髮及頭髮稀疏嘅問題。蘊含3種特效成份及4種珍貴草本萃取嘅天然保濕成份，能夠滲透至髮根，有助激活頭皮毛母細胞和毛乳頭，從而改善血液運行及促進毛髮生長，有預防 脫髮及改善稀髮作用。同時保持頭皮清潔和柔軟，天然保濕成分持續滋潤，舒緩及防止頭皮屑和痕癢。

配合頭部按摩，可以令頭皮保持柔軟，從而長出健康、豐盈又強靭的秀髮。

雖然建議每日用兩至三次，但我都係早晚洗頭後各一次，將頭髮半乾時用就可以(不過我習慣全乾用，因唔慣頭髮濕)，按摩步驟步驟會係咁：

1 ) 然後取約一元size份量，拎起頭髮，輕按係頭皮上面直至吸收。

2 ) 再由下以上慢慢按壓

3 ) 再用10隻手指揉搓個頭

4 ) 最後輕輕用指尖敲打

好容易，一分鐘搞掂！

Hair Tonic嘅其中一個成份係薄荷，所以用後頭髮加倍清爽之餘，亦感到非常涼浸浸，人都醒哂！

如果你冬天嘅時候，隔日先洗頭，但又想個頭keep住清爽，可以用Hair Tonic嚟乾洗，可以保持髮質清爽，亦可以滋潤頭皮。

柳屋髮根營養液
零售價：$65 @240ml
銷售點：各大萬寧、莎莎有售

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

方便就腳安全度高迷你倉★Minibox美利倉★

未生樂樂前，本身已經係購物狂嘅我已經日買夜買。
放產假時，為咗騰空更多位，直頭掉咗5個紅白藍袋嘅雜物、捐咗50+本書、100+本漫畫，但都只佔我雜物嘅一半。

到而家樂樂2歲，屋企嘅雜物已經多到癲...

睇唻又係時間搵迷你倉入箱啦！

最近搵到間近自己嘅Minibox美利倉！

地點喺觀塘工業中心三期，非常近我，離觀塘港鐵站都只係2分鐘。

佢嘅自助存取服務亦非常方便，每日嘅7AM至晚上12點都可以自助存取。咁如果要拎件，等樂樂瞓咗就可以去拎啦！
倉庫呎數選擇多，最細嘅儲物格係10平方呎，之後就係小型倉24平方呎，最大係130平方呎，同時亦設有大型上落貨位置。

周邊設置亦很好：免費WiFi上網，24小時保安監察、獨立倉位警鐘、冷氣倉庫、免費專屬大廈泊車一小時、免費使用長梯及手推車。就算我一個女人仔去都無問題，既安全又有手推車借。

先係網上預約適合嘅倉，辦公時間內可以去睇下個倉啱唔啱，啱嘅即日已經可以簽租約。唔啱SIZE嘅可重新揀有位嘅倉SIZE。

按金亦只係預繳一個月，租用完畢後全數退還。

最貼心係提供埋包裝紙箱及封箱用品，去到再封箱都可以，非常方便。

另外我最擔心嘅安全問題亦做得不錯，備有裝置完善嘅消防及警告設備，星期一至六亦有員工駐倉，唔怕人爆倉，遇到問題亦可查詢。每個倉主都有獨特個人密碼進出，令我非常安心！

農曆新年就到，係時候執好屋企，將唔掉得但唔係成日用得著嘅嘢放入Minibox 啦！

Minibox美利倉存倉地點分別有

-觀糖迷你倉
-柴灣迷你倉

邊間近你Ｄ？

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

無痛FIRM面提升輪廓★Grace Beauty古法紮帶顏筋瘦面術★

不得不承認，人到中年，睇住自己皮膚嘅狀態愈唻愈差，彈性又唔夠，真係倍感傷心。而我最在意嘅，就係我嘅眼肌同蘋果肌下垂。想提升面部輪廓、增加彈性， 除咗做機，人手按摩都係一個好好嘅選擇。但唔係每一樣按摩都可以做到呢個效果㗎。

之前去咗Grace Beauty做★古法紮帶顏筋瘦面術★，效果理想！

古法紮帶顏筋瘦面術融合咗⽇本顏筋術、韓國紅蔘蝸⽜養筋霜同古法紮面技術， 疏通「氣結」、鬆筋養筋、深層刺激筋⾻、排毒排酸收緊輪廓。

「氣結」係咩唻？
當經絡受阻、氣⾎不通，容易喺在⽳道上產⽣顆粒狀嘅節結。阻礙氧氣流通，影響⾎液循環和淋巴運作。代謝廢物不能夠好好排走，肌膚代謝失去規律，導致鬆弛下垂和浮腫等問題。 而喺西醫角度就係「乳酸」。

上到去Grace Beauty，穿過RECEPTION竟然係一大面落地海景，洗手間更有大浴缸，酒店一樣，好正呀！

入到treatment房換過袍就開始了。

先洗面，手法輕柔好舒服。治療師仲講出我皮膚嘅問題，就係太乾，叫我一定要轉用洗面奶。但......泡泡真係好乾淨嘛！

正式開始會先「開穴」去梳通氣結，再按「耳穴」同埋「按頭」。

「開穴」後會在面、耳背同頸按摩。

古法紮帶顏筋瘦面術按摩時非常舒服，好似做「面部瑜伽」咁。

治療師利用手勁同指⼒深層刺激面部筋肌，放鬆包繞著肌⾁、⾻骼、⾎管、神經嘅深層筋膜（肌筋膜）。肌筋膜放鬆後，⾯部肌⾁嘅緊繃僵硬會改善，肌⾁纖維化亦會減少。

由腮⾻位開始慢慢推走氣結，提升⾯部輪廓。之後會刺激眼輪同皺眉肌，改善眼部浮腫、眼蓋下垂、眉形下垂等問題。

我對眼因帶隱形眼鏡同成日玩電話用電腦，對眼特別攰。做顏筋瘦⾯時非常冤但之後就好舒服。

之後用上獨家韓國紅蔘蝸牛霜改善⾼低顴及顴⾻外擴問題、腮⻣及下巴位置。
最後塗上六胜肽精華再⽤紮帶沿下巴、耳朵、髮線等輪廓位收緊及提升⾯部輪廓，紥面10mins，唔會過緊，非常好。

做完後即時見到塊面嘅蘋果肌即時提升，最開心係眉骨、眼嘅輪廓都提升埋。

總括成個療程非常舒服，又唔痛，而且無紅無腫，仲可即時化妝。
美容師專業細心，手勢舒服，值得一讚！
一個鐘塊面就V番同FIRM番，正！

Grace Beauty
觀塘旗艦店：觀塘駿業街56號中海⽇升中⼼32樓H室
電話: 2668 9448
官網：https://www.gracebeautyculture.com
專頁：https://www.facebook.com/gracebeautyculturegroup

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

勁靚仔★零死角唔斷線★NETGEAR Orbi Mini Wi-Fi

曾經睇過一篇文，話如果老公送生日禮物畀老婆係送家電或者任何電器(除咗iphone之外)，係會死得好慘。但拍拖已經有十年嘅我哋，送禮物講求實際。今年結婚週年，佢真係送咗一份好實際嘅嘢畀我，就係全新Wi-Fi XDDDD

話說我哋屋企樓齡超過廿年，大約800呎，以前嘅樓鋼水好，主力牆堅厚。而我哋嘅Wi-Fi一向都放走廊，但屋企啲死角位係收唔到嘅。 而最近無論我喺自己間房、喺廚房甚至係廳都收唔到，開多部notebook更加慢過隻龜。對於爭分奪秒、趕住煮餸湊仔做嘢嘅我一收唔到Wi-Fi就攞老公嚟開刀 XDDDD

入返正題先，我老公今次送嘅呢個Wi-Fi，講真我真係識佢條鐵咩。但我肯肯定咁講，換咗呢套Wi-Fi之後，我全屋任何一個位，就算以前收唔到嘅位， Wi-Fi都收爆，極度暢順。


佢就係 NETGEAR Orbi Mini AC2200 無線路由器系統套裝（RBK40）

NETGEAR Orbi Mini套裝包括
★Orbi路由器（router）
★Orbi衛星
★2套電線同火牛

我最鍾意NETGEAR Orbi嘅外型設計

由外表係完全睇唔出佢係一部Wi-Fi，似部喇叭多啲， 佢靚仔嘅design完全唔礙眼，唔似得我舊果部Wi-Fi router點都有三支嘢督喺度，其實係勁核突。

NETGEAR Orbi Mini簡直有融入家中嘅感覺，完成睇唔住佢係Wi-Fi。

放喺廳嘅Orbi衛星

放喺走廊廳嘅Orbi路由器

靚仔到放耐咗，自己都唔記得佢係Wi-Fi。

至於技術規格，詳情可click去入面睇，我只列出我明嘅嘢 😂
★最多支援 250 人使用
★最高覆蓋 4000平方尺
淨係呢2點，已令我覺得好強！

NETGEAR Orbi Mini並唔係普通嘅Wi-Fi router，而係一個完整嘅無線網絡系統。

由2個好似喇叭嘅東西組成，一個係router，一個係衛星（我當佢係magnifier咁），覆蓋不受牆壁、樓梯、大門等阻礙，就算千呎大宅、三層式村屋或 L 型單位，都可以無縫覆蓋。

屋企而家用到Wi-Fi嘅電子嘢真係好多，連電視、電腦、notebook、ipad、手提電話，屋企最齊人嘅時候係會有八部機連Wi-Fi，以前係成日斷線或者速度太慢，睇youtube都LOAD一世。

用咗Orbi後已經無再試過斷線亦經常收爆!

亦都因為咁，而家屋企所有角落都收到，令唔駛番工嘅我都享受到真正嘅極速寬頻。連聖誕有朋友嚟開party，加多幾部機都依然非常順暢。

用咗差唔多一個月之後我肯肯地我已經返唔到轉頭， 唔會再番轉頭用普通嘅Wi-Fi router。試想像下完全唔斷線、勁流暢、零死角上網係一件幾咁爽嘅事。再者， 我需要上網嘅電子產品真係多， 如果我用返普通Wi-Fi都唔會平好多。我之前用嗰部幾年前買都成千蚊， 所以二千蚊嘅NETGEAR Orbi Mini絕對超值，而家我唔需要再忍受斷線嘅moment啦！

新一年已到，亦即農曆新年就到，唔想到時一屋親戚朋友人人搶Wi-Fi最後自己睇唔到YOUTUBE打唔到機，快Ｄ轉用NETGEAR Orbi Mini啦！絕不後悔！

而家係 anlander.com 購買即享「香港免費上門送貨」服務，爽到爆!

購買【NETGEAR Orbi Mini AC2200 無線路由器系統套裝】，按此

謝謝收看~請多多指教喲~

~~~~~~~~~~~~~~~~~~~~~~~~~~~~

歡迎邀請合作試用及出席活動
★朱迪☆

bluesky_judy@yahoo.com.hk

www.facebook.com/JudysWonderland 
~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★