今次同「燒肉鐵腳」一齊試新野!去到銅鑼灣嘅尚鮮日式燒肉漁市場~
室內環境唔錯,樓底高。以平板電腦點菜,有圖有字,又快捷方便!
但真心嘅,唔好一次過點哂,上菜速度極。快!我地一次過叫,擺滿哂成枱又食唔切XDDD
反正2小時任燒任飲,紙包飲品及罐裝汽水都係自助,大家記住慢慢來!
點菜前已經送上什錦刺身船及燒肉拼盤,可以食住點菜。什錦刺身船的刺身夠鮮甜,我地都ENCORE咗幾次~燒肉拼盤中我最鍾意食有一口牛柳粒、豬頸肉、肩胛梅花等等,之後都KEEP住點~
更貼心嘅有玫瑰海鹽同即磨黑椒作調味料,就算係非放題餐廳都好少供應。燒肉後加少少鹽同黑椒,係最好食嘅!
燒肉類好多選擇,每樣的份量都不會過多,可以每款點一件慢慢試最適合我呢D三心兩意既人!但無論點邊款肉都好,都係新鮮、肉嫩,全部都係「小鮮肉」!!
另外最感動嘅係佢嘅海鮮好新鮮!
任點任食嘅都唔少~
帶子勁大隻又JUICY,鮮嫩多汁!!
虎蝦就啖啖肉好彈牙~
酒煮鮑魚、酒煮蜆都有,貼心嘅成個鍚盤上,份量夠6人食,由佢放左中間慢慢燒。
見佢D刺身、海鮮都咁新鮮,我地試下加錢叫其他海鮮。梗係唔少得生蠔啦!
燒生蠔好少大大隻的,呢度嘅生蠔反而大隻又飽滿,有一刻我好認真咁問,係咪可以生食!XDDD
$88/12隻又唔貴!
仲加錢叫埋蒜香牛油龍蝦尾! 都算大隻,啖啖肉,又忍唔住再講真係好新鮮~~一個人食一件已經好滿足!食前加少少鹽同黑椒仲正!
另外仲有唔少美食,個人喜歡天婦羅、醉雞翼(熟)
這個雪山恐龍蛋(花生味)係我嘅個人推介,即係湯丸,慢火慢燒,極美味,真係要試!
食到肚滿腸肥時,更送上Movenpick~~嘩,肥死人呀,正呀!
成晚我地食得好開心,野食又好高質素,每人幾百蚊落樓,值得推介!
沒有留言:
張貼留言