朋友介紹說鰂魚涌有一間性價比高的西餐廳，心血來潮就捉她跟我一起去！就是鰂魚涌的 Age Cuisine Espress。地點在康山AEON附近，行去太古城亦好近
都幾多選擇，係咩都想試嘅情況下2個湯、3個前菜及2個主菜，
一路上菜我地一路嘩嘩聲！無諗過會超大份@@，我地最後要打包。XDDD
法式龍蝦湯($68)
用上小龍蝦，香濃的龍蝦湯為整晚「飽到嘔」的晚餐揭開序幕！（其實個湯都有少少大碗~~哈哈~)
珍寶蟹脆蟹餅伴粟米莎莎($68)
情意結嘅關係，見到蟹餅我一定會點！
沒令我失望，啖啖蟹肉非常可口，加入咗小小薯蓉增加口感。
炸得香脆，達到外脆內軟，好想encore啦其實....
100%純鵝肝醬及多士($78)
估佢唔到有4塊鵝肝醬多士，雖是鵝肝醬但味道不錯，更減輕了油膩感，抵叫！
德國香腸拼盤伴蕃茄醬及薯餅($118)
作為肉食怪嘅我地其實只係想試下呢度嘅德國香腸，但呢個份量會唔會過份咗！？有4款德國香腸，每款雖係細條size但真係好多....不過係好食嘅！
有黑椒、香草香腸等等。薯餅係紫薯餡，整體很好吃！
安格斯西冷(Dry-aged)牛扒伴紅酒肉汁($248)
Medium煎得剛剛好，外層煎得略焦，將肉汁緊緊鎖著。
油脂跟肉的比例非常好，既有油香，亦有牛香！肉質嫩滑，牛味香濃，以這個價錢食到咁高質嘅西冷，真係意想唔到！
北京填鴨pizza - 9吋 ($138)
（起初諗住）叫了carbo來填肚子，但都唔可以hea，當然要選上特色野啦！
口說好飽，身體卻很誠實地叫埋甜品，仲食哂添....
Tiramisu ($48)
自家製作~屬傳統之Tiramisu ，奶香很濃，是不錯嘅選擇！
其實未食到西冷已經勁勁勁飽，點都估唔到仲食得落pizza同甜品～
整體來說絕對值得推介，價錢唔貴，份量夠大，選擇亦多。
唯一建議係下次我會帶老公唻，2個女人，大食如我都食唔哂.....XDDD
AGE Cuisine Express
鰂魚涌英皇道1065號東達中心 1104 B
沒有留言:
張貼留言