BB身體健康、快高長大，相信是每位父母的最大心願。
但「小病是福」，少不免，也會有生病的時候。
「生病時要如何處理？」
「幾時要醫生？」
「食唔食藥？」
「食唔食退燒藥？」
遇到發燒時，好多時都掙扎食唔食退燒藥！
不幸地作為樂樂以歲半之齡已三度住院的媽媽，我有一個「淚的分享」。
＜戴番頭盔先：這是我的個人做法，記緊，生命無TAKE TWO，唔對路立即去睇醫生！＞
發燒唔一定要食退燒藥，但一定要知病因。
發炎先會發燒，係響起警號既先兆。
而且，發燒一定要小心處理，物理降溫係必須的。
但如一直做物理降溫都唔退燒，一定要盡快睇醫生。
同時，要先了解「發燒的溫度」，
(網絡圖片)
跟據醫生說法，37.5度是警界線，要多多注意
再了解「孩子的恆常體溫」
人人體質不同，所以體溫都會有少許不一樣。樂樂的恆常體溫是36.4度。
（在樂樂未滿月前，緊張的新手媽媽會經常探熱(笑)）
當樂樂高過36.4度但未到37.5度，我會做以下幾個動作：
1) 多喝水
2) 暖毛巾抹身(背脊及大脾)，暖毛巾令毛孔擴張，有助降溫
3) CHECK下係咪太焗或著太多衫
如果係因為玩得太興奮，會分散他的注意力，如俾餅餅，在家的話會將遊戲變成講故事
4) 開窗，保持空氣流通（但要注意會否大風，小心反而凍親）
去到37.5度 (算係開始發燒)，會加強做物理降溫，有助身體散熱，包括：
1) 繼續俾多Ｄ水
或埋身食人奶、甚至沖奶粉，但落少D奶粉
2) 沖涼 (暖水)
3) 如沖涼後無即時降低少少溫度，會除褲約5分鐘／換最薄的褲子
4) 再用暖毛巾由頭抹到腳指，抹大脾抹耐Ｄ
5) 一路貼退熱貼
一到38度，以上全都繼續做，我會外加：
6) 食退燒藥 [撲熱息痛Paracetamol]
7) 用暖毛巾包腳眼及小腿
8) 每一個鐘探熱一次，密切留意，有任何變化都會去睇醫生
如果做齊物理降溫，溫度繼續上升或急升，一定要盡快睇醫生！
同時密切留意會否出現以下狀況，如有出現以下狀況，都要盡快睇醫生！
1.高燒持續不退(腋溫38℃以上)。
2.發燒頻率愈密或高度愈來愈高。
3.小孩精神變差，眼神不靈活或嗜睡。
4.多次厲害的冷顫。
5.有新的症狀出現。
6.活力變弱或抽搐者。
淚的分享完畢。
最後，希望大家的心肝寶貝都健健康康呀!!
謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
★朱迪☆
www.facebook.com/JudysWonderland
~~~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~~
沒有留言:
張貼留言