在尖沙咀想食韓風嘅話平常會自動往韓國街去，不過最近我就多咗一個不錯嘅選擇，就係海港城LCX嘅The Joomak。
環境跟裝修都很不錯，直入更有窗口位可看到海景喲~~ (可惜人太多，不好意思專登行埋去影...)
見到有炸雞就雙眼發光了，點了睇名估唔到係咩嘅Mayak雞，佢係招牌菜嚟架~
Mayak雞
Mayak雞係炸雞加上大量芝士粉，加少少辣粉，應該仲有少少糖霜！
超級多芝士粉令每舊炸雞都充滿濃香芝士味，但同時又甜甜地，味道特別。
雞肉嫩滑，亦有醃過，不會只得調味粉的味道。
最喜歡它跟在韓國吃到的炸雞一樣唔油膩，亦不會炸得超硬身。雖然這份量應該夠3-4人食，但就算二人食都不會過濟，因為跟本一滴油也吃不到。個人推介~
燒LA牛肋條
牛精見到牛肋條當然要點~
選用薄身牛肋骨，啖啖肉之餘又唔韌，肉質嫩滑~
以濃汁來煮，但仍食得出牛香。不過略嫌鹹了一點，建議送飯~(飯用珍珠米，很好吃~~~~)
份量超級多，我地2個人每人食咗應該有4舊....
海鮮豆腐鍋
食2個餸好似唔太夠，(太大食啦我地..... = =)我們再點了海鮮豆腐鍋~
湯頭很鮮甜，帶有蝦香味，我一個人飲了兩碗！隻蝦大到呢~
而且材料亦多，有魷魚、蜆、虎蝦及青口等等~~ 食極都仲有~
最後當然要叫甜品作結~
點了雪糕加黃豆粉糕，雪糕是movenpick的喲~~~
亦有多達6款味道選擇~~左揀右揀之下，都係揀番最鍾意食嘅朱古力～～
黃豆粉糕煙煙韌韌的，夾著雪糕一齊食，個人覺得很好食～不過大少不喜歡~哈哈~
但我真係覺得幾好食~~
其實佢仲有其他好吸引嘅甜品，不過太飽了，下次再試！
總括來說，整頓晚飯及每道菜都很不錯，服務亦好。下次想食韓菜必會再來！
The Joomak
尖沙咀廣東道17號海港城海運大廈3樓LCX 34號舖
沒有留言:
張貼留言