2012年2月3日 星期五

其實,我係用”Cappuccino”洗面架

沒有被嚇到吧,唔好意思 ;p

朱迪絕無發神經真係用Cappuccino洗面,只係大愛咖啡嘅我,每次洗面都有品嚐一杯Cappuccino嘅感覺!
究竟邊個product 俾到呢個感覺我呢,就係佢啦!
Curel Foaming Wash
豐盈泡沫潔面乳




(相信各位美眉對呢個醫學美容品牌絕不陌生!)

佢柔滑細緻嘅cream狀泡泡,真係好似Cappuccino嘅奶泡呢~



朱迪嘅皮膚踏入秋冬後,就會神奇地由混合性轉做敏感偏乾嘅膚質。
加上日日化妝,毛孔經常阻塞,導致毛孔粗大。(成日藏污垢,好灰呢~)
所以一入秋首要任務就係轉潔顏用品。

上年閒逛屈臣氏嘅時候,見到Cureltravel set賣。
見佢係花王旗下嘅品牌,價錢又非常吸引,本著佢標明「針對亞洲敏感肌膚而設.日本No.1 乾燥性敏感肌膚品牌」,立即入手咗1 set

用咗呢支泡沫潔面乳後,感覺到每一次毛孔嘅污漕野都會被洗出唻。
而且用後好似有一層水潤簿膜保護住塊面,就算我沖滾水涼都唔會有掹掹緊嘅感覺。

用嘅時候,只需要兩泵,已經有咁多泡泡啦! 





搽上面後輕力咁慢慢按摩。一路按一路覺得d污漕野慢慢被推出唻!


之後沖水!為咗令毛孔唔再擴大,冬天時我都係堅持用凍水洗面架,洗完面對手會凍到痛

洗完後再照鏡,毛孔乾淨咗好多之餘,亦唔會太乾! 




呢支已經係第二支了!
近乎近個秋冬都係用佢,而呢後時間,敏感嘅情況大幅減少。
(啱啱轉季時塊面成日失驚無神又紅又痕)

第一支用完後諗住皮質好咗可以試新野,用咗其他牌子嘅cleansing gel
結果,膚質下降,開始乾之餘仲甩皮,塊面摸上手係鞋嘅,feel到自己塊面嘅水份流失咗。
結果都係放棄試新野,飛撲去買番唻。支gel就留待春夏再用啦~

希望呢支開架醫學美容潔面乳都啱大家用啦!

~~~~~~~~~~~~~~~~~~~~~~~~~~~~~
★朱迪☆
Y blog : http://blog.yahoo.com/judytse
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~

沒有留言:

張貼留言

高質、價錢合理的男裝網店★Limited-Apparel★

跟老公拍拖多年,他的置裝都是由我負責的。 他是標準身型,買衫褲基本上很容易,半日內就買到一季的衫褲(笑)。 未生樂樂時,時間多的是,想買就去買。 但現在連自己都不再在實體店買衫,何況是老公... 試過在淘寶買,但男裝的質素很參差,$500買3條褲,只得一條啱...