食酸梅乾會變超人，唔知食茜利莓會唔會變超芸呢？

爛gag 爛gag！ 忽發其想吧了！！當然亦唔會有變身電話亭啦。
但其實，超人嘅酸梅乾比喻很好，食某樣野就獲得强大力量。
咁如果，食錯野呢？
咁亦會帶來反效果。所以食落肚嘅野一定要小心選擇~

早前， 朱迪開始搜羅美容intake 品，好令自己衝事業時唔好再令皮膚差落去。
因為我發覺，當我努力用唔同嘅護膚品去令自己擁有美肌嘅時候，搞好身體先而會令我事半功倍。
朱迪身體一路都好虧(絕無誇張)。
最大嘅問題長期失眠同便便問題。
而因為唔想食西藥、亦無時間煲中藥，朋友建議我試下食美容保健品，對皮膚又好、對身體又好。
而朋友千叮萬囑我要小心選擇，始終食落肚嘅野要謹慎。
經過朋友推介同一輪research ，最後係2月尾時入手左維特健靈「茜莉莓」(Acai)

因為

1)      由大藥廠出品，有品量保證

維特健靈大家一定識，產品亦有好多。而身邊總會有人係有食過維特健靈嘅產品嘅。咁多人食過，絕對有信心。

2)      朋友推介，有口碑

推介我食「茜利莓」嘅朋友自己亦有食，見佢食左一個月度而效果亦唔錯，皮膚狀態亦轉好，信得過！

3)      功效：佢既高度抗氧化，去暗啞最吸引我

但「茜利莓」點樣做到呢個效果呢？等朱迪爬下文，介紹下先~
「茜利莓」(Acai) 嘅成份係100%巴西生命莓。
咁生命莓又係咩呢? 佢喺巴西被稱為「超級果莓」、「生命之果」。
因為因為佢含極高營養價值，有豐富嘅維他命、天氣氨基酸、膳食纖維同埋非常高濃度嘅抗氧化物「花青素」。
而「花青素」嘅抗氧化能力比vitamin C強高20倍，亦比藍莓強超過21倍!!!

而「茜利莓」嘅「花青素」含量亦比同類型產品高達300倍。

係咪好勁呢！但都係睇埋效果大家再決定啦~


由packing開始！packing非常密封。
而且紙盒設計很特別呢~ 一打開就好似變魔術咁愈變愈多版~

打開packing 後，樽口亦已密封好。

朱迪每日食2粒，由2月21號開始食，就食哂啦~

每日食2粒好啦，凡事物極必反喲~



而成份表亦寫好哂營養資料，蛋白質含量很高呢！應該係因為有大量抗氧化物質嘅關係（即係花青素）

話說，岩岩開始食「茜利莓」時就朱迪就遇上難題。 就係維特健靈為左保質，方形設計既蓋係超超超實既...
朱迪第一次開就用左3分鐘唻開個蓋…hahaha!!幾驚自己虧到無朋友。哈哈~
建議大家買完後，即搵身邊大力士幫忙，免得手痛~~ ^^


開始食後，最快見效嘅係便便問題改善左。
以前朱迪平均3日先有一次。而食用茜利莓3-4日後，由初時嘅3日一次， 轉為2日一次。而大約個幾星期後，身體情況好轉，已經慢慢變成1日1次。
但絕對唔會有搞肚痛、肚瀉嘅感覺。
感到佢係慢慢將體內嘅毒素逐步掃走。而呢樣係朱迪最讚既~


而第2個效果係佢嘅抗氧化功能。

食用大約10日後，有一日起身番工時突然驚覺平時朝早無唻光澤感嘅皮膚，竟然有亮肌嘅感覺。對平時只有殘樣嘅我實在好有威力。見到皮膚出現好耐無見過嘅光澤，簡直令人精神一振呀！
雖然膚質問題依然有，但令皮膚唔再暗啞，實在令人太高興！
而且去印效果亦很好，左右圖係5日前後既效果唻架~

有興趣嘅美眉，不妨試下呀~

文中有關「茜利莓」同巴西生命既資料，我係維特健靈個website睇完summarize 嘅，有興趣嘅美眉去睇下啦~

http://www.vitagreen.com/zh/skin-care/dry-skin/acai

如果想要多d 資料，wiki都有寫~

http://en.wikipedia.org/wiki/Acai_berry#Fruit

~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

日做夜做，做到雙眼疲勞。日碌夜碌，碌到回復"精靈"！

相信每位美眉都試過，朝早起身扮靚出門時，卻發展早一晚唔覺意飲多左水， 或者睡眠質數唔好，導致兩眼浮腫或者眼袋、黑眼圈等問題。
而，朱迪，每一日都面對呢個問題。
對眼長期浮腫、有眼袋、嚴重黑眼圈。
點解呢?　因為

1)        夜訓　（大忌1 ）

2)        睡前飲水（大忌2 ）

3)        戴con時過度扯眼周肌膚（大忌3 ）

如果唔想d眼部問題暴露人前，可以點呢？

1)        戴超！（但無可能夜晚都戴..）

       (呢個係我星期日行JCCAC 的大愛東東!!

出自I Am Kamty : https://www.facebook.com/iamkamty。我係度玩完副眼鏡 (不過無買~~ HAHA)，仲買左其他小飾物~)

2)　敷mask (我太懶無恆心..)
3)　多做眼部按摩 (呵呵呵~ 終於有d野岩懶人如我。就係佢!有左佢，一支搞掂！)

而朱迪講緊既係

全新Dr Swiss嬰肌抗浮腫緊緻原液　BB Anti-Puffy Eye Serum (9.8ml@$260)

Dr Swiss 一直係朱迪開架眼部用品既"飛佛"，由之前無金箔版

Dr. Swiss BB Skin Eye Serum - Sweeteyes 保證
www.theztyle.com/home.php?mod=space&uid=55632&do=blog&id=137572
用到有金箔版，到而家呢個新成員嬰肌抗浮腫緊緻原液，朱迪都多多十卜。 百幾蚊就有又抵又好用既eye serum，真係邊度揾。

講番今次Dr. Swiss眼部原液最新成員 - 嬰肌抗浮腫緊緻原液

同以往既”嬰肌眼部金箔原液”既泵裝設計唔同，今次轉用筆裝，配以鈦金屬走珠設計。

一路搽精華時一路按摩，最岩朝早趕時間但對眼又腫又唔精神時用。
 

係對眼上碌幾碌，就可以促進淋 巴微循環，消除眼部疲勞之餘，更即時充電!

（天氣熱番d時，朱迪會試下將佢放入雪櫃，相信效果會更顯著）

而全新產品蘊含以下3大元素及2大優點：

1)      EGF生長美肌因子 - 重整底層肌膚結構，提升眼肌緊緻度及彈性

2)      氨肽、植物黃酮及Alpha橙皮苷 - 瞬間減退浮腫及眼袋

3)      NASHA級透明質酸 - 提供高效補濕能力，於表層鎖緊水份

4)      鈦金屬走珠設計，刺激10多個眼部穴道，增強血液及淋巴微循環，消除眼部疲勞，減去浮腫。

5)      不含香料及色素，清爽低敏配方。

即時試上手，感受下效果先

搽上手，大約10秒就吸哂
之後，皮膚既亮麗感強左，好似有少少珠光感

跟住搽上眼，再睇下~
因為我碌左7-9下，所以要慢慢等佢吸收／趕時間會按2下~

即時試用既效果簡直嚇親！

見到眼圈即時淡．左．嗎！！！！wooo!!
開心過睇開心大發現~~ haha(好爛，我知道…)
呢張相係fr 同一張相呀!絕無ps!

再睇下另一張既效果！浮腫亦減左！！！　嘩哈哈

勁開心！堅係一筆見效！
不過，美眉要留意，因為朱迪浮腫加黑眼圈嚴重，我係碌左每邊10下左右既~
如果你既眼部問題都有我咁嚴重的話(大吉利是)，大可同我一樣碌多幾下。因為官方建議碌2-3筆~~~

成份絕對清爽，咁多日我都無出過油脂粒！

朱迪持續咁用左差唔多20日後既效果。
黑眼圈淡左、浮腫減輕~仲有番亮麗感添~ 呵呵~~

而朱迪見呢隻原液咁快見效，特別做左個小測試。
就係喺大約用左20日後，用眼膜做小實驗。

小實驗內容係
“只用眼膜vs先上嬰肌抗浮腫緊緻原液，再用眼膜”大比拚

睇下賽果哩~

(對照組)只用眼膜的效果圖

黑眼圈淡了一點，眼底肌膚滑了~

(實驗組) 先上嬰肌抗浮腫緊緻原液，再用眼膜的效果圖

浮腫再減D、黑眼圈再淡D。

而效果亦比只用”嬰肌抗浮腫緊緻原液”更明顯。

可見佢原液除左單用快見效外，跟眼膜part 住上，也很不錯喲~

我只係做左一次小實驗好似唔夠data~ 歡迎大家做完實驗後happy sharing呀!

有興趣既美眉快d去萬寧入貨啦~

網址:  www.DrSwiss.net

~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

此”粉”不同彼”粉”。 小心，此粉令人上癮！

最近，朱迪同幾位好姊妹一齊被一隻"粉"吸引住，仲上咗癮。
呢隻粉，方便使用，簡簡單單2個STEPS就搞掂。
呢隻粉，係唔需要搽上面但會令到皮膚狀態轉好。
呢隻粉，就係朱迪之前介紹過嘅「CUPAL Beauty 瑞士膠原蛋白美肌精華」嘅最新口味 - 
橙味!

 

 正當朱迪飲完一盒(14包)，而入手咗其他intake品時，朱迪睇雜誌見到呢個 -->

全新升級版嘅「CUPAL Beauty 瑞士膠原蛋白美肌精華 – 橙味」。
而重點係，右下角張coupon!! 哈哈哈哈！
雖然朱迪已經食緊另一隻intake 品，但都立即剪低COUPON去屈臣氏買咗一包看門口。

原因係…
1) 升級裝橙粉價錢平咗但份量多咗。而家仲要有COUPON添~~~ 哈哈哈哈
2) 升級裝橙粉有雙倍Q10
3) 升級裝橙粉一包過，自由調教濃淡度，想沖幾多就幾多


1) 新包裝橙粉價錢平咗但份量多咗
之前買原版時(我地姊妹間簡稱「白粉」)，一盒14包(77g )，就算特價時$168入手 à $168/14日，除開每日需要HK$12。

而升級版橙粉定價HK$238，但份量有30日(165g)，每一日只係HK$7.93!!!

朱迪拎住呢張COUPON去買，只係需要HK$208，除開每日只係HK$6.93!!!  更抵!! (但慳咗嘅呢HK$30，結果都係買咗野….哈哈)

2) 升級裝橙粉有雙倍Q10
之前飲原版白粉時，飲咗9日已見到效果，今次Q10份量多咗成倍！抗氧化功效肯定更勁！就咁計，唔知效果會唔會快1倍呢~

3) 升級裝橙粉一包過，自由調教濃淡度，想沖幾多就幾多
飲白粉時，有時朱迪想飲濃味d，但因為包包standard size，只能沖少d 水，有時幾啖就飲完。


而新包裝一包過，俾用家自己調教，慣咗飲濃味野嘅我可以隨時沖多d，放係office fit哂!!


新包裝仲有一個好處，夠環保。
原裝白粉係紙盒+獨立包裝，而新包裝係袋裝（鍚紙），packing 少咗，方便又環保，LIKE!

買完先係屋企試沖第一杯

打開packing後，聞到濃濃橙味，而且入面有隻匙羹。
內附匙羹呢個設計又LIKE，唔駛次次係OFFICE飲完咖啡又要洗，沖完橙粉又要洗，。
(無錯，朱迪係好鬼懶嘅)

跟instruction將一匙份量嘅橙味膠原蛋白倒入100毫升暖水入面。輕手攪勻就ok。
可能因為折射問題，沖出嚟係有少少青色。

飲落味道唔錯，白粉本身有d似細個飲嘅即沖橙粉溝淡版。
而橙粉嘅橙味更濃、更討好。

 

一包可以飲30日，不過我估我早幾日ko佢，因為我會沖濃d~ 嘻嘻~

尋日臨訓前飲第一杯，當然未咁快見效果。效果出時朱迪會再同大家分享。

至於有留意開白粉嘅美眉想買新包裝CUPAL Beauty 瑞士膠原蛋白美肌精華(橙味)的話，就記住download coupon去屈臣氏入手啦。
coupon 用到今個月尾(3月31日)。萬寧好似無橙味架，唔好去錯呀~~

[師奶仔貼士，如果想買多幾包嘅話，記住print多幾張，行多幾轉呀…嘻嘻嘻]

同埋留意下CUPAL Beauty facebook fans page啦，可以知道第一手新promotion呀！
CUPAL Beauty facebook fans page
http://www.facebook.com/CUPALBeauty.HK
仲有website : collagen.waifat.com.hk


~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

CC Cream, Coloring the differenCe

好耐無見嘅陽光與海灘呀！！！仲要呢幾日咁凍....

朱迪2 月尾去左泰國沙美島+曼谷狂hea~ 舒緩壓死人嘅工作壓力！

而為左方便，朱迪係朋友推介下，專登入手左 由新加坡唻嘅RaChel k CC Cream!!

BB Cream 是近年來大熱嘅粉底替換品， 星期六日唔駛番工嘅日子，朱迪會用BB Cream。 

主因係貪•方•便！一支搞掂嘅吸引力實在太大。

但係，每次用搽完上塊面，都明顯白左2 度。

(我買嘅呢支係貼近用開嘅粉底色架啦)

或者上完BB Cream 後，要去飲杯水或者等一兩分鐘再上碎粉。

如果趕時間直接上碎粉就會勁白、超級2 截色。

而朱迪被朋友燒到嘅主因係因為佢係BB Cream 嘅進化版，同埋佢嘅色彩調控、控油&SPF 35 PA++，為左旅途中隨時以最佳狀態影相，Rachel K CC Cream 嘅呢幾個强項幫到我。

Rachel K CC Cream質地似比BB Cream 輕。上妝後都幾貼臉，而且無BB CREAM咁厚。

而且係泰國曬足一日出汗後都唔易溶妝，遮瑕能力唔錯，上妝後大約白左一度，但大約10分鐘就會tune 番去自己嘅膚色。

將BB Cream 同CC Cream係手上試色，顏色上，CC Cream係淺肉色，BB Cream似粉底色但有少少灰色。 

推開時， 感覺較輕身、較易推，少少份量就可以慢慢推哂全面。(size跟黃豆差不多，不過朱迪面大，會用多少許)

推開後，遮瑕度兩邊差唔多，而自然度上，BB Cream較白。

(推時，我抹走左一半BB CREAM 份量，因為好似多得濟...)

Rachel K CC Cream嘅防曬效果亦不錯。 朱迪番嚟後都無咩黑到。

(至於點解去泰國都要防曬咁無聊呢， 因為回港後就要做伴娘， 唔能夠膚色唔均勻呀~)

第一日嘅時候，朱迪係用liquid foundation ，剛好可以來個小對比。(影到我好鬼肥呀!!!!太過份啦~~ ;p)

第一日素顏上機， 大約4 點半先化妝。第一天嘅妝都ok！

正常foundation 效果，貼面，膚色均勻。不錯~

但係抵擋唔到高温，出汗時一印就甩。

第二日用Rachel K CC Cream。

朱迪皮膚偏黑，見到淺肉色嘅CC Cream，雖然知道佢有Color Control，但都不禁有d 擔心，驚又變兩截色。

先上半邊面做對比， 搽上後無過白嘅問題，而遮毛孔效果亦不錯。

(抱歉影出唻好似唔太明顯，因為朱迪影時趕住出門口，較左auto 就算…)

搽哂成塊面後，妝感自然，亦無出現過白或死白嘅感覺。

所以我諗，呢支CC Cream 係適合皮膚偏黑嘅美眉，如果本身皮膚白晢的美眉用時就記得要輕手d。

 之後朱迪會再上碎粉定妝。

而個妝朱迪係可以keep 到天黑嘅。

上妝大約6 小時後，又出汗又印汗後，妝感較淡，但遮蓋毛孔效果仍keep 到。 而且，除非大力抹 面，只要輕力印，CC Cream都唔會俾抹走。

有興趣嘅美眉，不妨去旅行時都入手支CC Cream，一支有齊控油防曬同色彩調控，而且非常方便又last到全日，可以考慮下喲！

呢個係回港後用電話影嘅相，個妝都唔錯喲，雖然我影到D光源唔靚....

~~~~~~~~~~~~~~~~~~~~~~~~~~~~~

★朱迪☆

Y blog : http://blog.yahoo.com/judytse

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

人家係"少睡精英",但膠原蛋白令我嘅皮膚"少睡但晶瑩"~~

究竟，朱迪講緊咩呢？

之前朱迪睇星期二檔案，介紹有一d 職界强人，訓得好好好少，但辦事效率一樣又高又快手，佢地被group 為少睡精英。

當然，長期睡眠不足嘅朱迪並唔係呢班精英之一。

但忙到爆嘅朱迪因為呢個產品，係極忙日日工作12小時嘅同時，都keep到皮膚狀態唔會急降，原因係朱迪日日keep住飲呢個。

 

原產地係瑞士嘅「CUPAL Beauty 瑞士膠原蛋白美肌精華」

 

早前經朋友推介，朱迪經過萬寧時就入手了。 1盒14包，獨立包裝，非常輕巧，方便携帶。

產品簡介：

「CUPAL Beauty 瑞士膠原蛋白美肌精華」成分天然，不含糖分及脂肪，內有5000mg 的膠原蛋白，能補充全身肌膚所需，全方位美肌。。

 

飲用方法：
建議每日一包，加入 1/3 杯暖水拌勻飲用或加入任何飲品飲用。

 

朋友推介將美肌精華加入好立克或者華田永飲，但朱迪覺得淨飲嘅味道都ok。

朱迪每日番工嘅下都飲一包，多數係直接沖水飲，味道有d似細個飲嘅即沖橙粉溝淡版。

不過一日一咖啡嘅我，有時會加落即溶咖啡一齊飲，方便d。

飲用美肌精華時有個小插曲~

話說，飲用前，朱迪係唔信intake品嘅。

因為中五時，bio 阿sir 强調過，胃酸係好强嘅消化液，所以飲落肚嘅美容產品好多時都被會消化，所以人體唔會全部吸收哂。

因為阿sir 一席話，朱迪以前唔信任何intake 品所標明嘅功效。 但係，由呢個產品開始，朱迪嘅價值觀被慢慢改變。

點解呢？

有圖有真相~

呢個係朱迪飲左美肌精華後，每日化妝後影嘅相~

大約飲左幾日， 就會見到效果。

飲左5 日後，係每日訓得5小時嘅情况下，每一日都上到妝，仲要係幾貼服嘅。第9日效果開始明顯。 

 

 

 

每一朝正常化妝番工，個妝又幾貼下。

正當朱迪以為自己適應左呢種忙碌生活所以皮膚習慣左嘅時候， 係星期一(即圖片嘅第6日)嘅早上， 即停飲兩日後(因星期五唔記得拎走…)

今次竟然個妝唔夠貼！！2 hrs 就全溶掉…

正當朱迪深感奇怪嘅時候，星期二，神奇嘅事發生左。

星期二早上妝竟再度貼服…生活習慣無變，依舊番工12小時，依舊唔夠訓。

唯一嘅改變係星期一我飲番CUPAL Beauty 瑞士膠原蛋白美肌精華。

原來，係朱迪忙爆嘅時候，美肌精華入面嘅5000mg 的膠原蛋白默默為我嘅皮膚把關， 令我嘅皮膚不至於見唔到人。

而係keep住飲美肌精華後，第9日個妝再次貼服~

雖然燈光效果唔同，但朱迪想大家留意係個妝真係ok。

每日都有呢個效果，我相信好大原因係因為呢個膠原蛋白美肌精華，令到我未至於又老又殘~~ haha！

你睇下我ｄ相，個樣由第一日都叫精神，中間簡直攰到笑都笑唔出呀....

所以無論你係忙到爆嘅職場叻女，定係日日唔願訓都好，我相信，「CUPAL Beauty 瑞士膠原蛋白美肌精華」都可以成為你皮膚嘅最後一道防線~
路過萬寧見到嘅，不妨買定一盒看門口啦~
而且，佢新出左橙味呀，雖然朱迪未試過，不過我估橙味會更濃，咁就每日直接沖水飲，就又方便，又美肌啦!!!

唻緊朱迪會多作嘗試，除左繼續飲CUPAL Beauty 瑞士膠原蛋白美肌精華外，會繼續試其他唔同嘅intake 品，有正野再推介俾大家喲~ ^0^

~~~~~~~~~~~~~~~~~~~~~~~~~~~~~

★朱迪☆

Y blog : http://blog.yahoo.com/judytse

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~