2016年7月12日 星期二

★汀汀活烤魚★必點羔蟹雞煲

一路都係雞煲怪、buffet精嘅我,好耐無食雞煲,奈何湊仔真係好難去食...早2日同屋企人傾開話好想好想食雞煲,佢地就放我地兩公婆一日假,幫我地湊~~yeah!!!
即刻search邊度食,搵到旺角呢間汀汀活烤魚,仲要book到位~~


旺角呢間汀汀活烤魚係百寶利,好多人去買波鞋,所以我估無咩人為意呢度有有雞煲食。平日唔算多人,walk-in 都應該無問題~

餐廳除咗有雞煲,仲有魚鍋同桑拿海鮮~


2個人,又為雞煲而來,所以揀個最貴嘅雞煲 - 羔蟹雞煲!!

揀好羔蟹雞煲後再選擇配料,火鍋配料選擇很多,但我地得2個人,盡量揀D自己想食嘅~汀汀活烤魚會寫明份量,無論人多人少都容易預數,唔會浪費。

羔蟹雞煲滿滿的一煲,羔蟹大得差不多有1/4!



上枱後有員工來幫助炒,不用動手。

羔蟹蓋的羔跟雞煲添混在一起,羔嘅份量算多,食食下諗住夾舊雞,但夾咗蟹羔。


雞肉嫩滑,盡吸辣香~我地由小辣食起,我地食得唔夠喉,就再叫店員加辣。以為同枱上嘅辣椒油一樣?唔係!有調過味嘅,有麻辣香!


羔蟹雞煲食得一半時,其他配料亦已上枱。


鬼馬雙拼(12件)


其實2個人食一碟真係有D飽,但墨魚膠及蝦膠都想試,就叫少D其他野吧!
用油炸鬼包暮著墨魚膠或蝦膠,油炸鬼香脆可口,墨魚膠及蝦膠亦彈牙。即食或落雞煲一齊煮又得。我地鍾意食香口野,會輕輕點一點雞煲嘅汁,就咁食。

另外亦叫了其他配料,因住份量來點,唔會亂點!


水餃類係自家製,亦可自行併,點了水餃、鮮蝦雲吞及魚皮餃。自家製的特別好味~
鮮蝦雲吞內有幾隻細蝦、蝦味重,水餃的豬肉餡亦好夠味~有似媽媽包嘅感覺!

整體唻講味道幾好,選擇多,服務不錯,2個人唻食都唔會逼著叫幾樣驚食唔哂。
唯一我麻麻地嘅係為咗保持大排檔風味(?),坐得唔太舒服,坐到PAT PAT痛。


沒有留言:

張貼留言

西貢食海鮮老地方★通記海鮮野味酒家★

朋友搵到理想工作,我哋決定同佢好好慶祝一番,知佢鍾意食海鮮,梗要入西貢食啦~~ 喺西貢食海鮮,我哋嘅老地方就係 通記海鮮野味酒家 ,每次嚟都心滿意足咁離開~~ 我哋有個小習慣,會先飲湯。 今日嘅湯係 螺頭粉葛煲豬展 清潤 下火,飲完喉嚨舒服哂。真材實料,大...