全港首間護膚x甜品Pop Up café

Pop up store見得多, crossover 品牌也有很多~

但，今次嘅crossover絕對有新意。

--> 全港首間護膚x甜品Pop Up café – “bliss pop up café” 正式登陸銅鑼灣！

首間“bliss pop up café”座落銅鑼灣，位於加路連山道9 號地下嘅Mackie Kitchen，而“bliss pop up café”會由而家起直到5月31日喲~ (其實開左成個月，不過朱迪近排先去……)

Mackie Kitchen 我曾經去過，以型格為主調。而家跟bliss crossover，添上活潑同清新感，感覺完全唔同。整間Mackie Kitchen decorate 成bliss store 一樣，一入去彷彿就聞到bliss products嘅清新味道~

少行去加路連山道?唔緊要，貼心嘅bliss還有提供地圖喲~

Easter前，好姊妹專登帶我去lunch，話要同我relax一下~雖然係lunch，但受bliss icon dessert所吸引，當brunch食一樣得~

咁多款特製tea set，實在好難揀~ 結果我地揀左brownie 同That’s incredi pudding!

Brownie 有好濃嘅朱古力味，但唔算太甜。

而最讚係That’s incredi pudding!下面係jelly，上面係bliss color嘅奶凍！！好厲害喲~~~ 好少見食物有呢個顏色呀~好靚好靚~

而bliss亦宣傳緊佢嘅全效青春系列，更有新出嘅「全效青春果酸煥膚棉」，咁點都要試下佢嘅果酸煥膚功效~~

bliss新出嘅“incredi-'peel'! glycolic resurfacing pad全效青春果酸煥膚棉” (HK$420@30pcs)。個packing似唔似濕紙巾呢~

立即試上手試下佢嘅果酸煥膚效果。輕輕一抹，即時見到手背明亮左。

而“incredi-'peel'係標榜最適合忙到爆、又想皮膚有光澤嘅女生 （好明顯已經燒著左我~~）

而且呢個煥膚棉仲有不帶刺激嘅果酸成份，唔會引起敏感。 (再燒…)

所以，去完bliss pop up café 當晚後，朱迪亦急不及待開始試用啦~

打開packing，第一句見到嘅係 “you look ‘spa’tacular!” !!

很有心思呢~ 而家朱迪每日都係屋企用“incredi-'peel'幫自己做spa哦~

(仲可以打電話book spa appointment，唔知係hk打呢個電話會唔會駁去bliss spa＠W hotel呢~~ 嘻嘻~)

打開包裝拎出煥膚棉後，仍然見到包裝入面係濕潤嘅~ 攤開對摺既煥膚棉後，Size 大約係一隻手掌左右~

每晚洗完面，只要用一塊，輕輕咁係面上一抹，就可以抹走肌膚上嘅死皮、毛孔阻塞物。徹底清潔之餘更可同時保濕、煥膚。

朱迪第一日用係洗完面後咩都無搽就用嘅。

一開始抹塊面即刻有拮拮拮拮嘅感覺，

但完．全．無．任．何．紅．或．腫．嘅．情．況．發．生！！

之後問左counter小姐，佢話如果有拮拮地嘅感覺，可以用左toner後先用“incredi-'peel'。不過我用完toner 後，依然有輕微拮拮地嘅感覺。

但唯一不變嘅係絕對無出現過敏感~

以下係第一次用嘅效果

皮膚有番光澤，而且毛孔入面嘅阻塞物亦都被抹左出唻。

以下係連續用上十日用嘅效果

而連續用上十日，就會見到肌膚有顯著嘅光澤感，毛孔亦都幼細左。

果然最岩忙碌嘅都市女孩~~

而朱迪最buy “incredi-'peel'嘅

1.    獨立包裝，使用方便，更可以keep住果酸成份嘅新鮮度(因為果酸係好易受氧化嘅)

2.    免沖洗配方，每晚洗完面，輕輕一抹就煥膚+保濕

3.    去除多餘死皮、改善膚色，令面色不再暗啞

4.    有效舒緩敏感肌膚!!! (敏感肌嘅我，晚晚用無事~)

似乎朱迪介紹“incredi-'peel'太過興奮呢~

其實係bliss pop up café時亦有試全效青春系列嘅其他產品，簡單介紹一下先~

1)   全效青春明眸眼霜(左) (HK$700@15ml)
2)   全效青春保濕日霜(中) 
3)   全效青春保濕晚霜(右) (HK$855@50ml)
4)   全效青春抗皺修護精華 (HK$585@30ml)

全效青春保濕日霜日霜，質地有少許厚身，淡黃色。

只需要好少用量就ok了~好易推開~

全效青春保濕晚霜，相反地，質地較輕身，白色。同樣地少量就ok，亦很易推開~

(我地玩上手時更不停check自己有無拎起~~哈哈)

成個全效青春系列只係試左3樣product 就足以燒著我啦~

好彩，控制到自己未全掃番屋企~ (係。我認我打左個“未”字…)

係5月尾之前，朱迪已經約左朋友再去多次啦~

有興趣嘅美眉，千祈唔好錯過咁有特色、又有心思嘅bliss pop up café啦~


~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

My Easter’s Wonder & Trial~

剛過去的悠長Easter，大家做左d咩呢?

朱迪趁長假期將想整好耐既手製電話皮套整好~ 嘻嘻~

 由界皮開始、直至縫線、收尾一人完成既滿足感實在好大！

導師都讚我縫得靚呢~真係見笑了~

而除左手作仔外，朱迪亦係Easter前參加左Easter Wonderland@Glamabox，收到Glamabox 4月號。

當中有2個產品已經用緊呢~效果都唔錯。

所以，除左簡介Glamabox 4月號外，仲會有試用分享呢~ :)

Glamabox 4月號包括 :

1)      Aromatica 純玫瑰皇牌精華 35ml //零售價 : HK$520@130ml

Aromatica 純玫瑰皇牌精華有豐富保加利亞玫瑰香精油，有效改善肌膚細胞生長、更有超卓保濕及抗衰老功能。

而且，玫瑰味道非常天然，非常吸引人。

好想將佢變做香薰點呢~

2) Kamill經典護甲潤手霜 30 ml//零售價 : HK$29.9@100ml

Kamill經典護甲潤手霜含有皇牌成份洋甘菊精華素同甜沒藥。

身邊有朋友係呢支handcream既fans，話說舊年去德國時搬左10支100ml 同n 咁多支30ml 番唻，當做手信同埋真係好好用咁話~

試上手後，雙手即時滋潤，水份及柔軟度亦即時提升。

雖然潮濕既春天已經唻左，但office仲係超乾環境，千祈要記住勤d搽cream呀~

3) Glamour Perfume & Fragrance 3ml //零售價 : HK$279@15ml

炎炎夏日就唻到~亦係香水出動既好日子~ 

呢支Glamour Perfume & Fragrance既基調係爽身粉同白麝香，非常吸引呢~~ 

比花香、果香朱迪更buy!已經開始用呢~ 

而呢支香水噴出唻時係比較油性質地既，會比一般香水持久。所以，噴少少就ok了~  

而且不含酒精更不會引起皮膚敏感。

 (題外話:曾經有朋友同我講佢對佢女朋友既一見鍾情係因為佢有股爽身粉既香味…熟真熟假，大家試完話我知啦~)

4) Spa ph+ PHYTO-C特強美白精華 3.75 ml //零售價 : HK$538@set

Spa ph+ PHYTO-C特強美白精華含有熊果素、麴酸，都係有名既美白元素。

淡化色斑，均勻膚色及提升光澤度絕對無難度。

而朱迪亦開始有d斑仔，試完tester 的話相信要入手了~

 

5) (已試用)韓國保寧礦物泥潔面泡沬 70 ml // 零售價 : HK$139@150ml

呢支潔面泡沬朱迪用左10日左右，每晚用都覺得皮膚入面既污垢慢慢咁推左出唻。

潔面泡沬係獨立包裝，但樽口有鍚紙包住，確保衛生。

而且雖然叫“礦物泥”，但一d都唔會好難推，輕易就起到泡。

睇下，只係好少既份量就可以起到咁多泡。

而且，加少少水係面上面推既時候，d泡會愈推愈多。

呢個時候，朱迪會輕手慢慢推，除左潔面外，仲靠手既熱力將毛孔入面既污垢推埋出唻同埋去死皮。

用完之後，亦唔會有一般潔面泡沬既”mount”緊感覺。

睇下，用完後，水份同柔軟度大輻提升呢！大讚！

而最讚既係，佢可以卸除防曬品。有時落街買野只用防曬，上到樓都可以快速乾淨。

用左10日，皮膚既保濕同柔軟度keep 得唔錯呢~

除左有hard product外，更有Spa ph+療程coupon呢~

入面既古法草球舒壓按摩係免費，正好可以去試下~

如果想每一個月都有一個令自己開心既Glamabox，就登入www.glamabox.com 訂購啦~

最後，除左四月份盒子，出席左Easter Wonderland既仲得到 :

1)      (已試用) Prodigy Advanced Moisturizing Soothing Gel 高效透明質酸保濕精華 15ml HK$450

朱迪試用左10日，當day essence 用~

效果很好，會另開文介紹喲~ 等我喲~

2) Kamill抗皺防曬護甲潤手霜 (SPF 6) 75ml

抗皺防曬既面霜市面上比比皆是，但抗皺防曬兼護甲既潤手霜就比較少。

其實除左面部護理外，手部護理亦絕不能忽視。

雖然呢支cream係紫色，但唔係薰衣華味~

佢依然有Kamill皇牌成份洋甘菊精華素同甜沒藥，但加入左玫瑰精華素，味道稍為不同。

朱迪急不及待想快d用哂以上既GlamaProducts，盡快同大家分享呀~

大家要等我喲~ ^^

~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~

一世人流流長，總會遇上幾件雷品。

一世人流流長，而世上護膚品何其多，總會遇上幾件雷品。

（嘻嘻，朱迪春嬌上腦，忍唔住抽一下水。）

而朱迪今次收到嘅呢個試用，就真係成為左我嘅雷品。

開始試用前，據聞試用效果係好壞參半，有人讚好，亦有人唔岩用，更有人出粒粒。

試用前有d擔心，始終Easter出街玩時有粒粒係面實在令人唔多高興。

但見blogger們之前有讚過同brand嘅product、見佢係made in Korea，亦有d信心。

講到呢度，爬開文嘅美眉大概估到我所講嘅係邊一隻產品，正是「Mask House Celebrity蜂毒彈滑膠原再生面膜」。

跟據介紹，蜂毒被譽為天然安全嘅Botox，含有多種蛋白質及55 種以上嘅酶類元素，有效滋潤肌膚，提升臉部輪廓。

而朱迪亦曾睇過一條片係講一位老人家自創養生法，每日搵蜜蜂針自己受傷嘅部位，從以治病。

所以，朱迪覺得蜂毒面膜亦有佢嘅吸引力。

Mask House Celebrity蜂毒彈滑膠原再生面膜一盒有3塊，萬寧賣大約HK$100一盒。

Mask House Celebrity蜂毒彈滑膠原再生面膜係特別設計嘅生物纖維物料，

呢個設計令佢嘅質地偏軟，所以亦有2塊膠膜夾住，但就令到拎出唻時有D困難。

而朱迪將下半塊MASK放上面後，用左2分鐘嘅時間先可以放埋上半塊，因為佢塊MASK嘅鼻位係咁疊埋，結果要搵幫手先敷到上面…

  

拎出塊MASK後，袋內無太多嘅精華、塊MASK亦唔算濕。可能係塊MASK特別設計，如果太濕，塊MASK會太過軟身。

朱迪塊面大而額高，所以塊MASK遮唔哂係正常嘅。

貼面效果其實唔錯，係將佢放上面時難搞少少。

大約敷左10MINS都無特別感覺，正當朱迪覺得會傷安無事時。

一拎走塊MASK，差D尖叫。

因為即時起敏感、本身就唻退哂嘅瘡亦再度回復谷瘡嘅跡象、仲有搞到新瘡想出咁。

嚇到我即時洗面，搽清爽嘅toner同含茶樹成份嘅gel鎮壓一下。

第2日起身亦再無起瘡跡象，MASK後起瘡嘅位置只有少少紅腫。

而敷完MASK之後，皮膚水油數據近乎係一樣嘅...只有水份升左一格

講真，一塊mask適唔適合自己真係要試左先知。

只係今次嘅產品真係唔適合朱迪。估計因為佢係特別適合乾燥肌嘅，所以太潤。(但水油份唔知點解無回升....)

亦因為太潤，令到敏感肌嘅我出粒粒。

至於想買嘅美眉，就要考慮下自己嘅膚質啦~

~~~~~~~~~~~~~~~~~~~~~~~~~~~~~

★朱迪☆

Email : bluesky_judy@yahoo.com.hk

~~~~~~~~~~~~~~~~~~~~~~~~~~~~~