2016年8月10日 星期三

川燒★食大陣仗燒海鮮先開心★

對於係黃埔番工又成日遲收工的我,約朋友食飯多數揀尖咀,因為夠近!但真係食到悶朋友教我落佐敦渡船街,原來過去都算快WOW!! 重點係多野食又集中~
BOOK咗係川燒食,可以慢慢食吹下水。川燒除咗串燒,仲有好多小食同燒物,多到唔識揀~價錢唔係特別平,但味道真係好好,食材新鮮,值得去的!

冰鎮芥蘭


擺到成棵樹咁,好搞笑!份量唔多,朋友覺得有D唔抵,但我好BUY~ 大大條芥蘭勁爽口,亦無渣,靚菜~

川香海蜇頭伴青瓜

海蜇頭爽脆、青瓜鮮甜,麻辣汁微辣,愛吃麻辣嘅我無停過手。

秘製醬燒BB豬肋骨

因為好肚餓,點都要叫D肉食下~啖啖肉,秘製醬汁甜甜地又辣辣地,都幾惹味

海鮮大陣仗般上場!樣樣都好大件~~

蘇格蘭蟶子王

食燒物,海鮮是必點的!有人燒埋梗係叫正野!
蘇格蘭蟶子王堅大隻,大到一隻碟只放到3隻。燒蟶子王係考功夫嘅,所以一定出街食。蟶子王爽口又彈牙,份量大到2個人食都無問題~~香蔥蒜蓉粒不搶風頭,亦能提升鮮味~一個字,好爽!

燒珍寶大元貝

大隻得過份,同隻碟一樣大...雖然大隻,但絕無過火,肉質彈牙!連平常會take走嘅裙邊都留低,呵呵~配上自家製醬汁,突出帶子鮮味!


黃金燒大虎蝦

黃金蝦變奏版~個人覺得燒大蝦係最好食嘅食法,蝦肉彈牙是基本,夾埋鹹蛋黃一齊燒,仲要鋪滿,上枱時鹹蛋黃香氣滿瀉!另類evil food

燒海殼王

好大條!但都只係$199,燒海鮮唻講好抵!
中間放入香茅辣椒用泰式方法燒,帶有淡淡泰國風。魚肉肉質好嫩,每夾一舊都有少少魚油滲出。連唔食魚嘅我都食咗幾舊!

食完一輪海鮮,試埋新出嘅芝士串燒系列,點咗2款~

燒芝士脆脆餅



有點像pete bread,用上軟身芝士,不過脆脆餅唔知係咪俾芝士整熱咗,唔太脆。

鍋燒噴泉蛋漿芝士炒飯


店員即時係你前面炒飯,睇住佢逐樣材料加入慢慢炒,唔知點解好感動!味道不錯~不過如果芝士多一點點會更好吃!


法式燒綿花糖朱古力厚多士

最後,點個漏到爆嘅甜品做結尾,但好好好食!!!


成晚點嘅都好好好食!超級大滿足!!

川燒
佐敦渡船角文英街17號地下

2311 1230
謝謝收看~請多多指教喲~
~~~~~~~~~~~~~~~~~~~~~~~~~~~~
歡迎邀請合作試用及出席活動
★朱迪☆
www.facebook.com/JudysWonderland 
~~~~~~~~~~~~~~~~~~~~~~~~~~~~





沒有留言:

張貼留言

美國CATALO ★藻油DHA活腦補眼配方★ 為二寶先做準備

對於家有小孩的家庭來說,「生唔生多個?」大概是一個永無止境的、只限於 2 公婆的討論話題。 是的,我家不停出現這個討論。 「生唔生多個?」這個話題歷時 18 個月了 ( 更是由我提起及自我否決的。假過假普選 ) ( 笑 ) 由樂樂一歲前我極度抗拒,到現在...