有得食又有得放電★炑八韓烤親子餐廳★

話說當我們見識過電兔濼濼3秒爬上餐枱後，我們已極少去韓燒或打邊爐....

對於熱愛燒肉的我們，是懷念，更是難過呀！

而我們 終於等到官塘有韓燒親子餐廳呀！！就是我們一路以來的大愛：炑八韓烤親子餐廳！

它是我們2公婆以前常去的餐廳，食物質素有保證

位置雖然不近APM，但地鐵站行過去約10-15分鐘左右，是能接受的距離！加上不論它的親子環境、食物質素及價錢，都值得走這一敞。

進餐區的環境以韓屋為設計主題，走進去有像在北村的感覺(要加點想像力啦HAHA)

左邊的是令大家大小也很開心的兒童遊樂專區，孩子可盡情放電，爸媽可放心烤肉！

兒童遊樂專區有波波池、小廚房、畫畫、積木。更可以免費借衫cosplay韓仔韓妹，
濼濼換上韓服好靚仔呀！

遊樂區是餐廳的一個專屬區域，有同事看守入口位幫每一位噴消毒噴噴，同一定要除鞋入！
場內都有保護設施，小朋友不怕撞親。

濼濼已經懂得在遊樂室識朋友仔，媽媽跟他玩了一會，看他跟剛認識的朋友仔玩得很開心，
也知佢會守規矩，我就放心進進餐區烤肉啦！

香港親子餐廳愈來愈多，看安全環境、食物質素及價錢。

我們點的是炑八KID燒烤套餐 (3人餐)，炑八的性價比絕對是超值！點餐的話，一點也不貴，3人餐都不用$400，更送兒童小食，濼濼瘋狂玩完就靠bb零食來差差電，再入去玩過！

另外也貼心的每檯提供兒童食物較剪、全新兒童濕紙巾、餐具、餐紙更可填顏色！

濼濼是超級不喜歡吃肉的小朋友，所以烤肉就只有我們兩公婆吃，濼濼就瘋狂食爐邊蛋、芝士粟米。

3人餐最可愛的是有一個放小食的窩心摩天輪

將熱門小食如烤牛肉紫菜包飯、安東雞翼、韓式炸雞、韓式炸餃子及鮮炸蕃薯條放在不同的車箱中，轉摩天輪來選食物，令濼濼也開心得吃了一口韓式炸雞。烤牛肉紫菜包飯走牛肉版也是他的HAHA

每款的味道都不錯～一次滿足所有吃小食的願望！

燒肉拼盤

就有韓式LA骨牛扒、霜降牛小排、牛臉肉、炑八特選豬五花及梨汁雞肉，全部都很好吃！！
我最愛霜降牛小排，油花豐富，肉質嫩滑！

餐也包括各式野菜及沙律，伴著吃減輕油膩感。

主食選了Shake Shake愛心便當，小朋友最開心就是拿來Shake，然後又清埋，媽媽奸計得逞XDD。

整體來說非常滿意，有得食有得玩，湊仔湊到攰的兩老(我指我們)，終於可以抖抖氣，
好好食番餐安樂茶飯 ❤

========================

炑八韓烤親子餐廳

地點: 九龍觀塘鴻圖道90號二樓

星期一至日開放，記住訂枱

訂座：https://kidzone.meokbang.com.hk/booking

❣注意：平日一至五，兒童遊樂專區5點後才開放

謝謝收看~請多多指教喲~

~~~~~~~~~~~~~~~~~~~~~~~~~~~

歡迎邀請合作試用及出席活動

★朱迪☆

bluesky_judy@yahoo.com.hk

www.facebook.com/JudysWonderland

~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

呃Like可愛甜品

好耐冇出旺角，咁啱一家三口約咗朋友出旺角食飯，梗係要去食甜品，話曬旺角都係甜品嘅兵家之地。



去咗前排畀朋友洗版嘅 粒粒果甜品， 先呢個打卡呃like甜品 香芒之戀。

芒果smoothie加士多啤梨同黑珍珠， 一杯甜品試哂三個味道，賣相靚又好味。

老公同朋友分別點咗水果星球同龍珠星球

龍珠星球應該係用蒟蒻粉加火龍果或提子，外型超好玩嘅甜品，龍珠粉絲必點。 不過淨食星球味道唔夠甜， 成個撈埋一齊食咪到更加好。

仔仔要咗個綠茶窩夫，即製窩夫熱辣辣，綠茶份量調教得好唔會苦。仔仔見到兩個雪糕球對眼發哂光，好彩喺我力阻後佢只係食咗半球。

最後我仲發牙痕叫多咗個雪梨蓮子燉桃膠，用料十足、味道清甜，凍食都好好味 ！喺呢個咁熱嘅天氣，食碗燉桃膠滋潤又透心涼。

食完甜品見到佢有瑞士雞翼，本來想叫埋，不過太飽啦，下次再嚟食！

敏感牙齒好煩？走飲管好難？用Oral-B 抗敏護齦牙膏啦

又是一年一度洗牙的日子！

對有敏感牙齒的我來說是一個大挑戰，洗牙時的不適感會加劇...洗牙後，醫生建議我改用軟毛牙刷、刷牙時再細力啲，因為已有少少牙齦外露的問題.... 無辦法，我太愛吃酸的食物，又愛飲汽水，琺瑯質受酸蝕是正常吧.... 刷牙手勢不正確，導致牙齦萎縮，從而使牙根外露...

有敏感牙齒其實幾煩，飲凍飲一定要用飲管，喺環保飲管還未盛行時，是多麼不環保呀...因為當牙齒直接掂到冰，牙齒麻痹的感覺好難受...好想快Ｄ走飲管呀！

去買新牙刷時剛好見到「Oral-B 抗敏護齦牙膏系列」，可從根源對抗牙齒敏感問題！臨床實證，一次見效！立即買來試試！

 

平常刷牙如果水溫太凍都會有痺的感覺，第一次用「Oral-B 抗敏護齦牙膏」，牙齒敏感的不適感已經被舒緩！因添加專業口腔護理成分「亞錫」，深入封堵暴露象牙質小管，舒緩牙齒敏感不適。持續使用，強健脆弱牙齒牙齦！持續用上一星期，就算飲多冰的凍飲，牙齒亦不再感覺酸赤啦！

新品上市有優惠，快去買吧！

謝謝收看~請多多指教喲~

~~~~~~~~~~~~~~~~~~~~~~~~~~~

歡迎邀請合作試用及出席活動

★朱迪☆

bluesky_judy@yahoo.com.hk

www.facebook.com/JudysWonderland

~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★

商場玩樂★黃埔天地時尚坊★

我估男仔天生鍾意玩遙控吧🤣

濼濼自細對於遙控車、遙控飛機都有莫名嘅喜愛，但同時都炒咗好多架遙控車同遙控飛機🤣

前幾日專登去咗黃埔玩 黃埔天地復活節呈獻 「飛」「馳」S.T.E.M. Challenge優先場，率先玩一系列嘅創新STEM玩具，包括創意積木工程師、動感遙控飆車、越野飆車大挑戰及無人機遊世界!

動感遙控飆車
直線賽道係練習嘅好地方，濼濼亂嚟試就玩到，睇嚟我個大仔都好鍾意🤣

🤭

越野飆車大挑戰練習完畢梗係實戰啦💪呢個髮夾彎賽道俾"車手濼濼"盡展技術🤣估佢唔到嘅係濼濼行下撞下都玩完一個round

無人機遊世界濼濼終於得償所願玩無人機(但唔識玩😅)，因為爸爸嘅寶貝係唔會俾佢掂嘅🤣用App控制飛機，比平時用遙控控制易掌握啲。飛越世界知名嘅七大奇蹟(而唔撞機)，好考技巧！

創意積木工程師屋企玩開Duplo，好少機會玩木質積木，手感就是不一樣， 亦係訓練手指靈活性嘅好玩具。

場地細細都好啱玩，星期六日同復活節假帶埋小朋友嚟黃埔玩啦

黃埔天地「飛」「馳」S.T.E.M. Challenge

日期：4月13至14日及19至22日
時間：下午1時至晚上7時
地點：黃埔天地時尚坊MTR層 (黃埔站C1出口)
參加方法：
1️⃣Like黃埔天地Facebook專頁，即可免費參加「創意積木工程師」及「動感遙控飆車」。
2️⃣即日於黃埔天地任何商舖消費滿$200，憑單一機印發票，即可換領遊戲券乙張參加「越野飆車大挑戰」及「無人機遊世界」，名額有限，額滿即止。

其他參加詳情請睇相 

謝謝收看~請多多指教喲~

~~~~~~~~~~~~~~~~~~~~~~~~~~~

歡迎邀請合作試用及出席活動

★朱迪☆

bluesky_judy@yahoo.com.hk

www.facebook.com/JudysWonderland

~~~~~~~~~~~~~~~~~~~~~~~~~~~~

更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★靚太Club★Elle Blog★WeShare★Salad Blog★